هذه صور جسمي .. ماذا احتاج لأصل لهدفي؟

[Sasco]

السلام عليكم ورحمة الله وبركاته


اتمنى من الوحوش مساعدتي

صور جسمي بالمرفقات

معلوماتي:
الهدف تضخيم .. الهدف بصوره:



الوزن 71 ... قبل لا ادخل حديد كان 60
مدة التدريب ... 7 شهور تقريبا
الطول 171
العمر 20 سنه

التمارين: (كل يوم تمرين لعضله واحده تقريبا)
صدر + معده
ظهر
اكتاف + معده
باي
تراي + رجلين
يومين راحه

العدات والمجاميع:
8-6-4 مع اوزان فوق المتوسطه الى ثقيله .. بأستخدام مساعد خاص .. خصوصا بعد تمرينين وبآخر جولات

كارديو 10 دقائق .. مرتين بالاسبوع مع المعده
والاحماء اليومي دقيقتين على جهاز

هرمونات : ديكا + تيستا اخر ضربه كانت قبل اسبوعين بمعدل ضربه واحد اسبوعيا
المكملات : واي بروتين جولد 100% بمعدل مرتين الى 3 يوميا , منتج بور CGT - 10 , امينو 2000 (لسه جديد عليه) بمعدل 9 حبات , حبة ملتي فيتامين من اوبتي-مين بعد الوجبات بمعدل حبتين الى 3 يوميا

التغذيه : مرات جيده مرات لا
الفطور 4 بياض بيض مع واحد بصفارها , حبة موز , عصير طبيعي , بطاطا مسلوقه , حبة ملتي فيتامين
الغداء مش شي ثابت مرات صدور دجاج مع سلطه , مرات رز مع فيليه سمك ,, مش ثابت على شي لكن آكل بكميات مشبعه جدا
العشاء نفس الغداء

اكلات جانبيه , اخلط بروتين مع حبتين موز ولبن , القليل من الشوكولاته (لتحسين المزاج فقط!) , تونه وذره حلوه ,
بطاطا مشويه او مسلوقه , فواكه , تيركي

ماذكرتهم من ضمن التغذيه لأنها متنوعه مش ثابت على شي لكنها منظمه بحيث ما اشعر بجوع اطلاقا , مرات احس نفسي مليان دائما ومش قادر ادخل شي

اتمنى من الخبراء مساعدتي واسف على الاطاله .. لكن بلاش اضيف موضوع ناقص معلومات وماتقدروا تحكمو
وشكرا

[ابو مهاا]

اممم سبحان الله ردي احسه لأول مره بيكون شوي استفزازي واسمحلي اسف ياخوي بس انت كنت ماخذ كورس وفعلا اثبت لنفسي ولقناعتي انه الكورس مو سحر ولا بيسوي شي ,, ان كان الشخص مبتدأ باللعبه
واتمنى انه الاخوان يركدون شوي ويعطون لنفسهم وقت ولجسمهم كذلك على الاقل سنتين ثلاثه ,, لانه اللعبه تحتاج استمراريه
بالنسبه للجسم محتاج تضبط جدولك وتضبط نفسك ترى جسمك فيه فات عالي وماتظهر تقاسيم جسمك نصيحتي لك ضخم عشان تبني اساس عضلي وراها نشف واستخدم برو كومبلكس قينر واهتم بالتغذييه حاول قدر المستطاع تخليها
50% بروتين 35-40% كارب 10-15% دهون مفيده والباقي بتحصله من مكملك المناسب لك برو كومبلكس قينر
وخل جدولك صدر معده
بيطان
ريح يوم
اكتاف مثلثات معده
باي وتراي وسواعد
ارجل كامله ومعده
راحه وبالتوفيق ان شاء الله

[الرمـادي]

السلام عليكم

7 أشهور ودخلت على الديكا وتيست بصراحة استعجلت،

الديكا والتيست تكبر العضل وتنفخة بس انت في اول المرحلة يعني العضل إلي عندك للحين ما كبر علشان انت تنفخ فيه !!

لو صار لك سنة في اللعبة وعندك بنية عضلية اساسية راح تستفيد من الكورس.

انت تبغي ضخامة مكملاتك مو حق ضخامة والتغذية الي عندك لزيادة وزن.

تمارينك تحتاج جدولة.

اربع ايام بالاسبوع.

Saturday - Back
Sunday - Chest and Triceps
Monday - Rest Day
Tuesday - Shoulders and Biceps
Wednesday - Legs
Thursday and Friday - Rest Days

[back2glory]

زى ماقالوا الاخوان واتمنى انك ماكنت استعجلت بخصوص الهرمونات
ولله يسترعليك... بتوفيق

[Sasco]

مشكور اخوي ابو مها ماقصرت
اخوي الرمادي ايش استعمل مكملات للتضخيم ماذكرت لي؟
وكيف بالنسبه للكارديو؟
مشكورين جميعا

[طموحي]

جسمك مليان دهون اي هرمون ياابن الحلال

[m7a6mhom]

سلام عليكم و رحمة

اخوي لا تعتمد علي المكملات تري الجسم رح يطلع علي لعبك و مدام صارلك فترة اكيد بكون عندة خبرة

و جسمك يبلك مشوار سنة او سنة و شوي و انشالله يتعدل

انا صارلي 11 شهر و ماشي اموري و ماعندي خبرة كبيرة في مكملات لانة لعبة 9 شهور طبيعي و جسمي صاير ناشف

بس اخر شهرين قمت استخدم مكملات الي هي سرياس ماس و سوبر جنير فيول و نو اكسبلود و تيربو امنيو مفعولهم مو خيالي بس حلو

مايغنونك عن لعبك اهم شي لعبك و تركيز مو تخلي بالك انة مكمل كل شي الوجبات اهم

[عشقي حديد]

شد حيلك بالكارديو العب نظام فواصل اربعة مرات بالاسبوع ويبيلك تعبي ظهرك والصدر

[scaryface]

كم كيلو زدت في هذا الكورس ؟؟؟

والله يا اخوي تغذيتك ضعيفة ... وليش خايف من الدهون حاول تزيد من الدهون الصحية واتبع نظام مبنى على 40% كربويهدرات 40% بروتين و20% دهون صحية

وثاني شي يمكن هرموناتك تكون مضروبة يعني هل حسيت بشي ؟؟ زيادة حبوب بالوجه ونشاط الجنسي ؟؟

[Sasco]

مشكور على ردك اخوي m7a6mhom ماقصرت
اخوي عشقي حديد انا ايضا بفكر ازيد لأن الكارديو عندي ولاشي يعني 10 دقائق ولاشي وهذه نصيحة المدرب للأسف .. تفكيره انه تضخيييييييم يعني تصير وحش دهون وعضلات وبعدين تنشف .. انا مو مقتنع بهذه الطريقه
اخوي سكيري فيس اذا قصدك على الهرمونات زدت حوالي 5 كيلوات تقريبا .. لأن بوقتها وزني قفل صار مايطلع رغم كنت آكل كثيرررر حتى الدهون الي مو مفيده ماخليت شي
بخصوص الهرمونات ايضا لا ابدا مو مضروبه .. نشاط جنسي ,, حبوب خفيفه جدا .. جسمي نادر ماتظهر فيه حبوب يعني ماتقدر تنتبه عليها اذا ماقول وين
بس لو سمحتم سؤال مبتدئ هسه انتو كيف تقسمو الوجبات ؟ يعني بدون غلبه هسه اخوي سكيري فيس قال 40% كربويهدرات 40% بروتين و20% دهون صحية
كيف اقدر اعرف .. هل هناك جدول معين يحتوي هل شي؟
مشكورين اخواني

[الامبـــراطور]

والله يا اخوي Sasco انت الان لزم تنقص وزنك لاني بالفعل اشوف فيك دهون يعن اول شي اخذ بروتينات زيروفات زيرو كارب وتضبط اكلك وتستخدم حوارق دهون مثل الليبو والاوكسي اوليت وحاول تركز في الكارديو
بعد ماينزل وزنك اخذ مكملات ضخامة مثل Super Gainers Fuel Pro او megamass 4000 وكذلك استخدم n.o explode وامينو تك او امينو 10000

[nassernasser123]

ما ازيد على كلام الشباب لكن منو معطيك تلعب 8-6-4 ؟؟ ابي افهم 4 عدات شنو راح تسوي ؟؟؟ يعني تخيل انك تلعب عضله كبيره مثل الصدر 4 عدات ؟؟؟
العضلات الكبار تبدي ب 12 ثم 10 ثم 8 والصغار مابين 10 و 8 ماكو جوله تنتهي ب 4 عدات ونظم اكلك مبين من جسمك اكلك وايد فيه خرابيط لازم تفهم اللعبه عدل اسأل ولا تمشي على شخص واحد ويكون غلط لانه 4 ما تسويلك شي وركز بالتمرين لازم تحس بالعضله وانت تلعب وخر عن الخرابيط والدهون والحلويات ترا ما منها فايده غير الكرش وتراكم الدهون شد بالتمرين ونوع فيه كل شهر غير تمرينك حاول تلعب للباي والتراي تمارين سوبر ... موفق

[Sasco]

والله يا اخوي Sasco انت الان لزم تنقص وزنك لاني بالفعل اشوف فيك دهون يعن اول شي اخذ بروتينات زيروفات زيرو كارب وتضبط اكلك وتستخدم حوارق دهون مثل الليبو والاوكسي اوليت وحاول تركز في الكارديو
بعد ماينزل وزنك اخذ مكملات ضخامة مثل Super Gainers Fuel Pro او megamass 4000 وكذلك استخدم n.o explode وامينو تك او امينو 10000

بارك الله فيك اخوي على اجابتك المفصله .. كنت محتاج مثل اجابتك
المشكله اني اخاف انحف كثير يعني مثل ماشفت حضرتك جسمي مو ذيك الضخامه ..... رح اعمل بالي حضرتك قلته
مشكور اخوي

[Sasco]

ما ازيد على كلام الشباب لكن منو معطيك تلعب 8-6-4 ؟؟ ابي افهم 4 عدات شنو راح تسوي ؟؟؟ يعني تخيل انك تلعب عضله كبيره مثل الصدر 4 عدات ؟؟؟
العضلات الكبار تبدي ب 12 ثم 10 ثم 8 والصغار مابين 10 و 8 ماكو جوله تنتهي ب 4 عدات ونظم اكلك مبين من جسمك اكلك وايد فيه خرابيط لازم تفهم اللعبه عدل اسأل ولا تمشي على شخص واحد ويكون غلط لانه 4 ما تسويلك شي وركز بالتمرين لازم تحس بالعضله وانت تلعب وخر عن الخرابيط والدهون والحلويات ترا ما منها فايده غير الكرش وتراكم الدهون شد بالتمرين ونوع فيه كل شهر غير تمرينك حاول تلعب للباي والتراي تمارين سوبر ... موفق

اخوي اول شي اشكرك على ردك المفيد
ثاني شي الي عطاني الجدول مدربي الشخصي بالبدايه كان يريد يزيد وزني وفعلا رفعناه عشان كذا عطاني هالجدول
الاكل فعلا مو منظم 100% الفتره الاخيره ..
بس اوعدكم رح اعدل كل شي ان شاء الله وارجعلكم بصوره جميله مرضيه
ماقصرتوا ياوحوش