جــــــــ10 اسابيع ـــدول لبناء الصدر المثالي ..قوة ومظهر وصلابة
بسم الله الرحمن الرحيم
السلام عليكم ورحمة الله وبركاته
مسائكم سعادة يالحبايب شلونكم وشخباركم وشلون رمضان معاكم
على كل حال اليوم جاي لكم بموضوع بعد تطبيقي له لمدة سبوعين والحمدالله السبوعين هذي وشفت نسبة تغير بسيطة في منطقة الصدر عندي . وباقي ورانا مشوار علشان نكمل تطبيق الجدول ولكن شوي تعيقني بعض التمارين الي ما هي متوفرة عندي
على كل حال هذا البرنامج او الجدول قوي جداً ويحتاج الى جهد اكثر من المتوقع للوصول للنتيجة المرضيه ان شاء الله .. واكثر جهد راح تجهد فيه هو لما تتمرن بالاوزان الخفيفة . وتقريباً هذا الجدول مناسب للشباب من المستوى المتوسط ورايح,لانه الجدول هذا يحتاج الى شباب تلعب اوزان ثقيلة . فما انصح فيه الفئة المبتداء
حاولت اني انسق الجداول هنا ولكن للاسف ما قدرت علشان جذي قمت بتصوير الجداول عن طريق الورد word .
اولاً نبدا بالجداول المقسمة على الاسابيع
ملاحظه (الصور سوف تظهر لاعضاء المنتدى لاني قمت برفعها على المنتدى )
المجموعات=الجلسات
التكرارات معروفه .
هذه هي عدد التمارين بعدد المجموعات بعدد الجلسات الي راح نمشي عليها للوصول الصحيح ان شاءالله
الحين نجي لجدول توزيع التمارين في الاسابيع
*الحين شوي بس حطو بالكم علشان نفهم ترتيب الجدول والتمارين بشكل صحيح..
^ في الاسابيع من 1-4 الى راح نمشي على الصورة الاولى لترتيب ايام تدريب الصدر اي بمعنى 4 اسابيع راح نتبع الجدول رقم 1 لتمارين الصدر والي هو مكون من يومين في السبوع لتمارين الصدر .
*الاول:بالاوزان الثقيلة.
*الثاني:بالاوزان الخفيفة.
^ في الاسابيع من5-10 راح الحين نوزع جدول التمارين على 5 اسابيع بالشكل الصحيح
*السبوع الخامس راح يكون عندنا يوم واحد للصدر . فلاتتوقع انه شي بسيط. ارج للجداول الي تبدا من الاسابيع 5الى 6 وانت رايح للي بعدها. ففي السبوعين الـــ5 والـــ6 راح تتبع جدول التمارين رقم 2 الي هو الاسبوعان 5-6 .
*السبوع السابع ,بعد ما نخلص السبوعين الــ5 والــ6 راح ننتقل للسبوعين الي بعده وهو بيكون من 7 الى 8 .. اي سبوعين وهذي السبوعين راح نطبق فيهم جدول التمارين رقم3 ال هو الاسبوعان 7-8.
* السبوع التاسع , بعد مانخلص من السبوعين الــ7 والــ8 راح ننتقل لاخر سبوعين وهو السبوــ9 الى السبوع الــ10 . وراح نتبع جدول التمارين رقم4 وهو بيكون اخر جدول لاخر سبوعين .
باذن الله يالحبايب راح تحصلون نتايج مذهلة بمعنى الكلمة . وقبل لا تبدا بالجدول اتمنا قياس مقاس الصدر ..وبعد اول سبوعين من تطبيق الجدول سو قياس مره ثانية على الصدر راح تشوف ان شاء الله نسبة تغير ملحوظه وهذا الشي راح يشجعك انك تواصل على اتمام الجدول المكون من 10 اسابيع بشكل صحيح وبحماس اكثر .
وبالنهاية اتمنا مجهودي في الكتابة والتنسيق ما يروح بلاش...ولا ننسى انه الجدول كتبته لكم من احد المجلات ولكن هو حصري على الشبكة العنكبوتية وانا سويت عملية بحث وما لقيت له اي اثر بالانترنت
اضفت الموضوع لمدونتي ولكن ولا حرف بالي مذكور هنا بالموضوع كتب في المدونة .. اختلاف الموضوعين بفارق السماء والارض علشان انه هذا الموضوع يكون حصري وخاص للمنتدى والاخوان الحبايب
لحد يقول اخونا الشبري كبر راسه علينا وما عاد يكتب لنا مواضيع جديدة وحصريه
تم منع خاصية نسخ الموضوع بسهولة حفظاً للحقوق
