اذا المكملات مواد طبيعية ! لماذا لها اثار سلبية ؟ ( موضوع نقاش )

[فاكرو]

بسم الله الرحمن الرحيم




السلام عليكم ورحمة الله وبركاته

كـيفـ الحـال ؟ إن شاء الله بخير ...


شباب هل موضوع موضوع نقاش واتمنى الكل يشارك ..

الموضوع الله يسلمكم عن المكملات الغذائية بجميع انواعها ..

الحين نحن نستخدم المكملات عشان تسد حاجتنا من النقص .. سواء كان بروتين او فيتامين او كرياتين ..او محفز إلخ ..>

ونقول هل مواد مستخرجة من مواد غذائية طبيعة مثل الحليب او اللبن او اللحم .. إلخ

انزين اذا هي مواد طبيعية ليش لها اثار سلبيه ....>

1- مثل ظهور الحبوب على جسم اللاعب وهذا اكره شي عند اللاعب .

2- او زيادة الرغبة الجنسية عند استخدام محفز .

3- ولازم تشرب ماي بكثرة عند استخدام منتج كرياتين او حتى بروتين .

4- و انها تكون لأعمار مناسبة .. مثل 18 وفوق وبالنسبة للمحفز 22 او يستحسن 25 .

5- ومنتجات البور ( الطاقة ) الكثير يشكي منها .. صداع ولا عدم التركيز ..إلخ ..

6- واذا تركت اللعبة لأسباب ضرورية مثل السفر او اي ظرف يعني يكون مدته شهر او شهرين ..
ينزل الجسم بسرعة ب هذي الفترة ويكون طري حتى العضل ! بتقولي الجسم متعود على كمية البروتين
عيل يوم تتمرن طبيعي وتترك شهرين ما يصير كذا .. ( عن تجربة شخصية )



يعني انا مستغرب اذا هذي مواد طبيعية ومستخرجة من مواد طبيعية ليش كل هل عوارض وفي اشياء اكثر بعد بالنسة لكل لاعب يعني ..

بتقولي المكملات تعطيك إيجابيات أكثر من سلبيات .. انزين التغذية الطبيعية تعطيك إيجابيات وما تعطيك سلبيات .

والمكملات مستخرجة من مواد طبيعية عيل ليش هل أثار ؟

انتظر ارائكم ..

[salam912]

برأيي المتواضع أن الشيء إذا زاد عن حده انقلب ضده
أي تناولها بإعتدال
بالتوفيق لك

[فاكرو]

برأيي المتواضع أن الشيء إذا زاد عن حده انقلب ضده
أي تناولها بإعتدال
بالتوفيق لك

مادري والله بس حتى لو استعملتها بأنتظام تبقى الأعراض .

تسلم على الرد

ونتظر باقي الأخوان

[Booyaka]

كلامك سليم ،،

شوف أخوي المكملات الغذائية هي نعم مستخرجة من الاكل الطبيعي ، لكن العناصر اللي فيها عالية التركيز وتجهد الاجهزة الداخلية للجسم مثل الكبد والكلى علشان كذا يفضل تاخذ فترة راحة لجسمك لترتاح الاعضاء هذه وعن سالفة شرب الماء بكثر لان اغلب المكملات هي من نوع البودر لتسريع عملية الامتصاص ، هنا حنا نشرب ماء كثير علشان ماتصير ترسبات بالكلية أما عن المحفز لأعمار 22 وطالع ، لان الجسم عندما يكون اصغر من كذا هو يفرز هذه المواد بشكل طبيعي جداا وبأفضل مايكون فيفضل ان تترك جسمك يكمل هرموناته الطبيعية بدون اي تحفيز خلال هذه الفترة ولين وصلت للـ 22
هنا جسمك أكتمل نموه بكل النواحي تقدر تقدم له محفز بهذه المرحلة وبالتوفيق عزيزي ..

[فاكرو]

كلامك سليم ،،

شوف أخوي المكملات الغذائية هي نعم مستخرجة من الاكل الطبيعي ، لكن العناصر اللي فيها عالية التركيز وتجهد الاجهزة الداخلية للجسم مثل الكبد والكلى علشان كذا يفضل تاخذ فترة راحة لجسمك لترتاح الاعضاء هذه وعن سالفة شرب الماء بكثر لان اغلب المكملات هي من نوع البودر لتسريع عملية الامتصاص ، هنا حنا نشرب ماء كثير علشان ماتصير ترسبات بالكلية أما عن المحفز لأعمار 22 وطالع ، لان الجسم عندما يكون اصغر من كذا هو يفرز هذه المواد بشكل طبيعي جداا وبأفضل مايكون فيفضل ان تترك جسمك يكمل هرموناته الطبيعية بدون اي تحفيز خلال هذه الفترة ولين وصلت للـ 22
هنا جسمك أكتمل نموه بكل النواحي تقدر تقدم له محفز بهذه المرحلة وبالتوفيق عزيزي ..

تسلم كابتن على الرد بس حتى لو استخدمت المحفزات بالعمر المناسب .. يكون لها اعراض .. وذكرتها فوق

ونتظر الردود

[بردان1]

اخي الكريم حتى المواد الطبيعية لو كثرت منها لها عوارض !

ونفس العوارض الي ذكرتها
منتجات الباور لان فيها كافين عالي جرب تاخذ 250 ملي قرام من الكافين باليوم الواحد وشوف الوضع
والكرياتين اساسا لو تقدر تاخذه بكميات كبيرة من المواد الطبيعية كنت تحتاج للماء اكثر

ماشوف هالعوارض المذكورة تسيء للمكملات لكن هذي متطلبات اللعبة
فرق بين الواحد الي يلعب كمال اجسام والواحد الطبيعي
انت قبل تاكل 0.5 من وزنك من البروتين وشي عادي
لكن باللعبة تحتاج 2 قرام لكل كيلو من وزنك اكيد تحتاج مياه اكثر وراح تواجه بعض العوارض وغيره

تقبل مروري

[daughtry]

اتفق مع كلام الكباتن
كل شي بالاعتدال

[O.X.Y.G.E.N]

جاي عشان اقولك نفس كلام الكبتن بردان

1- مثل ظهور الحبوب على جسم اللاعب وهذا اكره شي عند اللاعب .
يمكن قليل من المكملات اللي تسبب حبوب في الجسم وما تحصل مع الكل .. وتحصل مع الهرمون

2- او زيادة الرغبة الجنسية عند استخدام محفز .
طبيعي لأن هذا هو عمل التسترون.. اذا زاد معك بتزيد الرغبه الجنسيه

3- ولازم تشرب ماي بكثرة عند استخدام منتج كرياتين او حتى بروتين .
برضو طبيعي لأن هالمادتين "الغذائية" ثقيله عالكليتين وتحتاج تشرب ماء

4- و انها تكون لأعمار مناسبة .. مثل 18 وفوق وبالنسبة للمحفز 22 او يستحسن 25 .
هنا الصراحه ما اعرف ليش.. لكن أعتقد لتبرئة مسؤولية الشركة من استعمال القاصرين لمنتجاتها

5- ومنتجات البور ( الطاقة ) الكثير يشكي منها .. صداع ولا عدم التركيز ..إلخ ..
بسبب الكافيين

6- واذا تركت اللعبة لأسباب ضرورية مثل السفر او اي ظرف يعني يكون مدته شهر او شهرين ..
ينزل الجسم بسرعة ب هذي الفترة ويكون طري حتى العضل ! بتقولي الجسم متعود على كمية البروتين
عيل يوم تتمرن طبيعي وتترك شهرين ما يصير كذا .. ( عن تجربة شخصية )
يعتمد على غذائك

بتقولي المكملات تعطيك إيجابيات أكثر من سلبيات .. انزين التغذية الطبيعية تعطيك إيجابيات وما تعطيك سلبيات .

لا تعطيك سلبيات مين قالك ما تعطيك !!
زيادة بعض الفيتامينات في الجسم تسبب سمية
الضرر من كمية البروتين الزايده هي نفسها سواء من مكمل او من اكل ولازم تكثر شرب الماء
كثرة شرب الحليب تعمل مشاكل في الجهاز الهضمي وأولها الانتفاخ
البيض من اكثر الأغذبه احتواء على الكوليسترول وحتى لو كان نافع المفروض ما تتجاوز صفارين في اليوم

[mr.dark.gym]

وعلــــــيكم السلام ورحمه الله وبركــآته


نفس ما قالو الكباتن .."زياده الشيء عن حده ينقلب ضدهـ"

بصراحه انا للحين مستغرب ليش الاطباء ينصحو بالابتعاد عن المكملات الغذائيه والتوجه الي الطعام الطبيعي فقط ..!؟

[FinalFantasy9]

الكباتن ما قصروا بالرد .. بس انا عندي ملاحظة على هالنقطه :-

6- واذا تركت اللعبة لأسباب ضرورية مثل السفر او اي ظرف يعني يكون مدته شهر او شهرين ..
ينزل الجسم بسرعة ب هذي الفترة ويكون طري حتى العضل ! بتقولي الجسم متعود على كمية البروتين
عيل يوم تتمرن طبيعي وتترك شهرين ما يصير كذا .. ( عن تجربة شخصية )

انا مريت بنفس التجربه على اكثر من مرحله ..

اذا كانت فترة التمرين سنة متواصله بتلاحظ ان الخسارة بطيئة جداً حتى لو وقفت شهور .. اما لو توك متمرن كم شهر وتوقف شهر اكيد بتخسر خصوصاً لو كنت موقف لدواعي العمل او المرض او الاصابة وغيره .. مما يعني ان عندك سبب يوقفك عن التمرين وايضاً يأثر على جدولك الغذائي مما بينعكس على وزنك وخسارتك للكتل العضلية الي كسبتها ! .

[LEMONed]

اغلبية الأثار ماعتبرها سلبية وخاصا المحفزات فشيئ طبيعي يطلع حبوب في الجسم والدليل على ذالك في عمر المراهقة تطلع لنا حبوب والسبب هو زيادة هرمون الذكوره (شيئ طبيعي)
والمحفز عباره عن فيتامينات ومعادن وبعض مستخلصات الغذاء يعني تقدر تحفز التستيرون بالجسم بدون الحاجة للمحفز نفسة, طبعا يترتب عليه زياده الشهوه الجنسية واعتبره شي ايجابي يدل على الصحة الجنسية وليس سلبي.

وسلامت عمرك

[fouad.10]

6- واذا تركت اللعبة لأسباب ضرورية مثل السفر او اي ظرف يعني يكون مدته شهر او شهرين ..
ينزل الجسم بسرعة ب هذي الفترة ويكون طري حتى العضل ! بتقولي الجسم متعود على كمية البروتين
عيل يوم تتمرن طبيعي وتترك شهرين ما يصير كذا .. ( عن تجربة شخصية )

يعطيك العافيه ..

انا فترة من الفترات لعبت 6 شهور متواصله بدون اي انقطاع وكنت مزبط الاكل 100% , كنت اصرف ع الاكل حول الـ 1000 ريال بالشهر وبدون مكلامت وتوقفت عن اللعبه فتره معينه ..

وخلال شهر 10 كيلو طارت !!

طبعا خرب كل شي وقت ما وقفت حتى النظام الغذائي وعشان كذا راح كل هذا الوزن ..

يعني عشان تحافظ على جسمك اهتم بالاكل حتى لو وقفت تمرين , متى ما قطعت تغذيتك الجيده راح يطير كل شي !

[071071]

تخيل أنك تشرب دلة قهوة كاملة كل يوم لمده شهر .. وش تتوقع بتلقى أعراض ؟؟ أكيد بتقول (( نعم ))
مع انها من مصدر طبيعي .. فلذلك لاعب الحديد ياخذ كل يوم سكوب بور وفيه نسبة كافيين عالية ولمدة طويلة تكون لمدة شهر واحيانا اكثر بالتالي اكيد بتظهر الاعراض .. وقس على هالكلام بباقي المكملات

أما مايخص المحفزات .. في اعتقادي ان موب كل المحفزات تحتوي على مواد طبيعية والاعراض اللي تظهر منها فهو من تحسس الجسم من تركيبه معينة بالمحفز وكثير من مستخدمي المحفزات لم تظهر لهم الاعراض ..

( وفي وجهه نظري الخاصة على المحفزات )

اذا ظهرت الاعراض المتوقعة فمعنى ذلك ان المكمل او المحفز جاب نتيجه وتقبله الجسم اما اذا ظهرت اعراض غير طبيعية وغير متوقعة مثل طفح جلدي او حساسية شديدة فالجسم رافض هالمواد الموجودة والمسؤول عن هذا الشي الكبد فللذلك عن تعرض اللاعب لاعراض غير متوقعة يجب ايقاف المنتج مباشرة .

تحياتي للجميع ...

[رادوي اليامي]

انا عادي لو ينقص وزني واخسر عضل المهم لايترهل الجسم ويخرب شكل الجسم من داخل

[فاكرو]

يعطيكم العافية كباتن على التفاعل ..

بس محد فهمني .. انا ما قلت انك تستخدم المنتج بكثرة .. او تزيد الجرعة .. انا قلت ((( حتى لو استخدمت المنتج بأنتظام تبقى الأعراض )))

بعدين روح عند اي دكتور وسألة بيقولك المكملات ابتعد عنها هذي شركات ما يهمها إلا الربح


بس اذا الواحد يحب الشي بيسهل الموضوع بيقول ... لا والله الدكتور مخرف .. ولا الدكتور ما يفهم !

انزين انته منو .. هو دكتور ادرى عنك صح ولا ؟ وفاهم اكثر منك .

وايد سألت يقولون خلك على اكلك الطبيعي احسن لك لو تبغي تستخدم خذ فيتامين بس شي خفيف ويتقبلة الجسم .

انا برأي الشركات المصنعة ما يهمها إلا الربح .. ولا شو تقولون كباتن

انتظركم