-
مشكلة صحيه عوار في المعده -
معلومات المتقدم بالاستفسار :
العمر : 26 , الجنس : انثى
الطول :182 متر
الوزن : 79 كيلوجرام
نسبة الدهون : 14%
و الاستفسار كالتالي :
السلام عليكم ورحمه الله وبركاتهه
اسعد الله لى مساكم بكل محبه وتقدير
كباتن انا صارلى العب فوق ال 3 اسنين ماعليها خلاف
ولكن امس كنت بيوم راحه ( اوف ) وخذيت وي بروتين كالمعتاد الصبح مع حليب قليل الدسم
وقبل النوم مع حليب قليل الدسم ...
ولكن في نقطتين ..
اولا خذيت الوي بروتين سكوب من فراوله .. وضفت عليه وي بروتين آخر يبي يخلص المنتج تقريبا نص سكوب .. بطعم الفانيلا , !
+
( خذيت سوبر امينو الحبوب الكبار عدد 6 ورى بعض بعد الوي بروتين قبل النوم
احس اني تهورت بهالشي .. ونمت بعدها ب 10 دقايق الى ربع ساعه
طبعا قمت من النوم على عوار معده .. حتى اتحسسها
واعزكم الله ترجيـع تقيؤ واحاول كثر ما اقدر اخلي نفسى اتقيأ عشان ارتاح
+
للتذكر قبلها بيوم كنت العب تمارين معده ..
المهم
ورحت المستشفى على طول ..
سويت اشاعه والدكتور كشف قال في المعده بس العوار قلت ايه .. بعد الاشاعه اكتشف انه وجود غازات في المعده !
رغم انني لا اشرب لا بيبسي ولا غيرها ..
والحمدالله بالعلاجات وطريقه تنظيف معدتي تم ازاله هذا العوار
واليوم في فتره راحه وبكره بدخل
ياشباب تعتقدون من الامينو والبروتين المكس ولا عامل اخر
يعطيكم العافيه ومشكورين
-
رد: مشكلة صحيه عوار في المعده -
وعليكم السلام
اعتقد من الامينو حسب ماقرات هو الي يجيب الغازات عادتا ..
وماتشووف شر ياكبتن
-
رد: مشكلة صحيه عوار في المعده -
الشر مايجيك ياوحش
انا كان اعتقادي 200 % من الامينو
ما ادري هل المشكله منه !
-
رد: مشكلة صحيه عوار في المعده -
وعليكم السلام ورحمة الله وبركاته
هل تواجه مشاكل مع الحليب و مشتقاته عموما ؟
-
رد: مشكلة صحيه عوار في المعده -
لا ابدا ..
بالعكس باليوم اشرب 2/3 حليب قليل الدسم .. مقسمه على مدار اليوم طبعا
-
رد: مشكلة صحيه عوار في المعده -
ماعندي علم عن السبب ولكن الي أقدر أفيدك فيه .. طهر بطنك .. اشرب 4 لتر ماء في اليوم .. اشرب باربيكان بنكهة الشعير .. شوف في احدى المواضيع المميزة تتكلم عن البقدونس وعلاقته بتنظيف البطن .. ماتشوف شر
-
رد: مشكلة صحيه عوار في المعده -
انت عندك مشكلتين بهالموضوع
الموضوع الاول
احمد ربك ان رجعت الي في بطنك
لأن الزياده في الاحماض الامينية والبروتينات في وقت واحد يسبب فشل كلوي لو دخلت على الكلية لأن من اكثر المواد سمية الموارد البروتينية والكلية المسؤولة عن اخراج هذي المواد
يعني لاتكثر من هالاشياء في وقت واحد قسمها على يومك
ثاني شيء سبب وجود غازات في بطنك
اتوقع انت من النوع الي ياكل علك في النادي صح ؟
العلك ياطويل العمر يدخل الهواء جوا المعده وهذا يسبب لك زياده في غازات البطن
واتمنى اكون نفعتك بشيء
بس هل كلامي صحيح بخصوص اكلك للعلك في النادي ؟
اذا لا اجل سبب وجود الغازات كثرة الليب والبروتينات لأنها تسبب غازات ايضا في البطن
وبس
-
رد: مشكلة صحيه عوار في المعده -
عدل ياطويل العمر العلك معاي بالنادي على طول. !!
-
رد: مشكلة صحيه عوار في المعده -
شفت كيف اجل تحليلي احسن من الدكتور هههههه خلك من العلك لأ، في النادي الواحد يتنفس من الفم وفوقها لو بتاكل علك بيزيد الغازات في البطن والحليب بعد كثرته تزيد الغازات في البطن
-
رد: مشكلة صحيه عوار في المعده -
الله يعطيك العافيه كابتن
بس للحين اقول من الامينو خخخخخ
لان الوقت الى فيه معدتي ذبحتني لمن اخذ هوا اشم ريحه امينووو
ياخي والله كرهته هالامينو
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
