افكر ابدا استخدم بروتين .. نصايحكم+استفسارات عن البروتينات !

[google7]

معلومات المتقدم بالاستفسار :
العمر : 21 , الجنس : ذكر

الطول :176 متر
الوزن : 70 كيلوجرام



و الاستفسار كالتالي :
السلام عليكم

انا صارلي العب حوالي 5 شهور فالصاله بدون استخدام مكملات .. طبعا حصل تغير كبير في جسمي .. ولكن اتمنى الأفضل ..

كنت ماخذ فكره سلبية عن البروتينات ..وقررت اسوي موعد مع دكتور اخصائي تعذيه .. وسألته عن البروتينات .. (كنت متوقع انه بيقولي انها مضره ووو) .. لكن تفاجأت انه نصحني اذا الأكل الطبيعي مايكفيني في أدائي في الصاله .. ان استخدم البروتينات لانها تعتبر عذاء بالاصل .. ولكن بالكميه المحدده. طبعا قالي حوالي 1.5-2 جرام لكل كيلو من الجسم.
وحذرني من زيادة الكميه.

وللاسف كنت اريد اسأله عن الامينو .. ونسيت

المهم .. عندي بعض الاستفسارات

1- شو الأحسن .. الجولد ستاندرد واي , او الايزو 100 .. او الايزوبيور .؟

2- بما ان وزني 70 .. افكر اخذ حوالي 120 جرام بروتين .. كيف اقسمهم باليوم, يعني قبل التمرين ولا بعد ؟؟ ومتى اخذ بقية السكوبات ؟

3- في أيام الراحه .. لازم اتجنب البروتين ولا لا؟؟ يعني بس ايام التمرين اشرب البروتين ؟

4- هل البروتين بيأثر على السكسباك؟؟ يعني تطلع كرش ولا ماتطلع (اتكلم عن الزيرو فات)

5- هل ضروري ان اخد الامينو ؟؟ وهل له اضرار ؟؟ وشو احسن نوع .. انا دايما اسمع ان الامينو 2222 هو الاحسن.

6- وكم الكميه الي لازم اخذها من الامينو ؟ وكيف اقسمها باليوم ؟

7- سؤال اخير ... عادي الشخص الي اقل من 18 يستخدم البروتين ؟؟ انا عمري 21 . .بس مجرد سؤال هه




ادري انها اسأله كثيره .. بس ماعندي اي خبره في البروتينات

وشكرا

[برانش وارن]

السلام عليكم
وعليكم السلام ورحمة الله وبركاته

انا صارلي العب حوالي 5 شهور فالصاله بدون استخدام مكملات .. طبعا حصل تغير كبير في جسمي .. ولكن اتمنى الأفضل ..

كنت ماخذ فكره سلبية عن البروتينات ..وقررت اسوي موعد مع دكتور اخصائي تعذيه .. وسألته عن البروتينات .. (كنت متوقع انه بيقولي انها مضره ووو) .. لكن تفاجأت انه نصحني اذا الأكل الطبيعي مايكفيني في أدائي في الصاله .. ان استخدم البروتينات لانها تعتبر عذاء بالاصل .. ولكن بالكميه المحدده. طبعا قالي حوالي 1.5-2 جرام لكل كيلو من الجسم.
وحذرني من زيادة الكميه.
كلامه صحيح 100%
ونادرا تلقى كابتن يقولك معلومة زي كذا

وللاسف كنت اريد اسأله عن الامينو .. ونسيت

المهم .. عندي بعض الاستفسارات

1- شو الأحسن .. الجولد ستاندرد واي , او الايزو 100 .. او الايزوبيور .؟

كلها تمام ... وارشحلك الايزو 100

2- بما ان وزني 70 .. افكر اخذ حوالي 120 جرام بروتين .. كيف اقسمهم باليوم, يعني قبل التمرين ولا بعد ؟؟ ومتى اخذ بقية السكوبات ؟
مكيال الصبح مع الحليب + مكيال بعد التمرين مع ماء + مكيال قبل النوم مع حليب

3- في أيام الراحه .. لازم اتجنب البروتين ولا لا؟؟ يعني بس ايام التمرين اشرب البروتين ؟
لا عادي تقدر تاخذه ايام الراحة
4- هل البروتين بيأثر على السكسباك؟؟ يعني تطلع كرش ولا ماتطلع (اتكلم عن الزيرو فات)
لا مايأثر على السكس باك ...
5- هل ضروري ان اخد الامينو ؟؟ وهل له اضرار ؟؟ وشو احسن نوع .. انا دايما اسمع ان الامينو 2222 هو الاحسن.
لا ماهو ضروري .. ... لا ماله اضرار ..... الامينو 2222 ممتاز وامينو تك برضو ممتاز
6- وكم الكميه الي لازم اخذها من الامينو ؟ وكيف اقسمها باليوم ؟
على حسب نوع الامينو يختلف
7- سؤال اخير ... عادي الشخص الي اقل من 18 يستخدم البروتين ؟؟ انا عمري 21 . .بس مجرد سؤال هه
ايه عادي



ادري انها اسأله كثيره .. بس ماعندي اي خبره في البروتينات
لا عادي انا والشباب في الخدمة للي مثلك
وشكرا
العفو
وموفق خير
[/QUOTE]

[برانش وارن]

وانصحك تاخذ لفة على قسم المواضيع المميزة

فيها مواضيع كثير ومفيدة عن البروتين والامينو

[google7]

مشكور يالغالي ..

بس انت قلت "مكيال الصبح مع الحليب + مكيال بعد التمرين مع ماء + مكيال قبل النوم مع حليب"

كذا راح يصيروا 75 جرام بروتين باليوم .. هل هو كافي ؟

[برانش وارن]

نعم كافي ..... والباقي من أكلك

مو مشكلة لو اخذت مكيال قبل التمرين أو تخليه مكيالين بعد التمرين

بس الافضل انك تعتمد على اكلك مو على البروتين

[google7]

خلاص قررت اخذ الايزو 100 بكره .. مع امينو 2222

بس كيف اتاكد اذا البروتين مغشوش ولا لا؟