الرجاء الدخول

[orange road]

اخواني..

الاحظ ان كل واحد دخل وعرض رسوم له.. حق كل رسمة يفتح لها موضوع يديد...
ليش؟؟

الرجاء من كل عضو انه من اليوم ورايح يفتح له موضوع واحد خاص برسومه هو بس..

المنتدى صاير وايد مزحوم بمواضيع مكررة..

موضوع واحد لكل رسام كفاية..
ما في داعي لكل رسمة موضوع خاص فيها..

الواحد من كثر المواضيع ما يعرف شنو يقرى وشنو يرد..

اي موضوع بيكون مفتوح لرسمة وحدة بس والرسام نفسه له موضوع من قبل عارض فيه رسومه بينحذف..

وشكرا للتعاون

[حسين-911]

http://montada.com/showthread.php?threadid=100240

يا ريت تشوفين هذا ...

بالنسبة لي .. وارجو الرد ...

واعتقد اخيرا المنتدى بيبدأ يتعدل ...

[orange road]

الكلام اللي ذكرته يا اخ حسين صح

ممكن نعتبر هاذي خطوة اولى لترتيب المنتدى..

في شي ثاني بعد لاحظته..

الموضوع اذا انطرح احيانا القى فيه رسوم او صور ما تمت للموضوع بصلة..
مثلا راجعوا موضوع الرسم على الفوتوشوب..
وبتلقون رد فيه رسمة مب على الفوتوشوب..

هاذي مثال..

ممكن نلتزم بالمواضيع..

ما اقصد ان ما نشارك.. لكن المواضيع تشمل فكرة وحدة..
واعتقد ان في اعضاء يتضايقون لما يلقون في ردود او رسوم او صور لا تمت للموضوع بصلة..

ممكن ننتبه لهالنقطة بعد

[حسين-911]

صراحه انا ازعل اذا طرح موضوع وشفت فيه ردود مالها شغل ..
لكن ..

[shaheen]

انا معاكم

يجب ان يكتفى العضو بوضع موضوع واحد ليكون جاليري لرسوماته ويمكن ان يفتح موضوعا اخر اذا كانت الرسومات من نوع اخر ... مثلا:

جاليري شاهين لرسومات الفاينال فانتاسي

جاليري شاهين لرسومات الميتال جير تو

جاليري شاهين لرسومات الرصاص

جاليري شاهين لرسومات ملونة بالفلوماستر

اظن ان هذا هو القصد ام اني خرجت من الموضوع يا اخت خلود؟

حتى الخصخصة وصلت المنتدى;-) :6

[Ranma Saotome]

زين أورانج رود أنك فتحتي هالموضوع..
صار لنا اسبوع كامل أو أكثر واحنا نأذن في الاعضاء أن كل واحد لازم يفتح له جاليري خاص فيه.. لكن محد يسمع
وفتحت موضوع عام يقدر الواحد يعرض فيه أي رسمه يبيها ونوهت أكثر من مره لكن لا حياة لمن تنادي..
وزين فكرتي في فكرة حذف الموضوه لأن أعتقد أن هاذي هي الطريقه الوحيده اللي تنفع...
ملاخظه: يمكن لو موضوعي كان باسم عضو آخر ممكن المشاركات بتكون أكثر بألف مره

[Rex]

وأما بخصوص المواضيع اللي مش موجوده في الأماكن أو الأقسام الصحيحة ...
فأرجوا من المراقبين تغيير أمكنتها مباشرة (دون نقاش مع صاحب الموضوع )

لازم المنتدى يصير أكثر منظم

[San_21000]

السلام عليكم....
أنا معكم شباب....
زي ماقلتوا مثل كلامك......

المنتدى لازم يصير منظم

[00Reemeta]

اوافق على كلام اورنج
لان هذي هي الطريقة الوحيدة لضبط المنتدى
ترقبوا الجلري الخاص بي قريبا

[Ralph Jones]

انا اعارض وبشدة !!!!

اذا كلما اردنا ان نضع موضوع لازم نحطه بمنتدى مختلف صارت شوربة !!!

انا من رايي ان يكتب كل عضو بمنتدى واحد فقط ... ولا داعي للفلسفة !!

رالــــــــــــــــــــــــــــــــف

[حسين-911]

احم احم ...

اخوي رالف لكن ما تحس انه بيصير ترتيب .. والكل يعرف وين يرد على الناس ..
اعتقد انه الفوضى مو حلوة وشغلة ثانية ...
افتح لك ثلاث صفحات ..
كل وحده على منتدى ..
وحده المانجا ..
ووحده العام ..
ووحده الي تبي ..

واشتغل عليهم ترى عادي ...
لكن الواحد لما يشوف المنتدى مرتب يكون احسن ..

[shaheen]

على فكرة شباب.. اشرايكم بمنتدى الكاريكاتير... نقدر نفعله؟ ولا نغير اسمه الى شئ ثاني افضل؟؟

[orange road]

منتدى الكاريكاتير...
هو ممكن تكون فيه المواضيع مثل كاريكاتيرات على الاعضاء (الخطاف) او مسابقة رسم التفاهات والسخافات (رالف)..

لكن بعد ...

شرايكم نغيره حق منتدى المسابقات؟؟
وننقل كل مسابقات الرسم فيه ؟؟؟

[Rex]

انا مع كلا اورانج بخصوص منتدى الكاريكاتير

أما منتدى المسابقات..
الفكره جيده بس أخاف ما تكون فيه مشاركات كبيره حاليا ...

[Ranma Saotome]

إيه والله أنا أقول بعد لو منتدى الكاريكاتير يتم تغييره إلى أي شي ثاني يكون أحسن.. لكن ماوافقك اختي أورانج رود على أن يكون اسمه منتدى المسابقات.. لأن مادري شلون أحس فيها أن يكون منتدى خاص بالمسابقات. لو يكون منتدى عام عاااااام.. يعني كلام وفرفشه والواحد يطرح فيه استفسارات ونقدر نسولف عن الانيمي والمانجا بشكل عام.. وعن كل شي في هالمجال بشكل عام..