شريت سوني 2 ولا عرفت اشغله

[مسمار]

السلام عليكم ورحمه الله وبركاته


أخوكم مسمار ما يعرف للكمبيوتر يعني شوي قروي فيه

المهم اني شريت سوني 2


ويوم رجعت البيت ما عرفت اشغله


مع العلم انه ياباني وعطوني 5 اشرطه هديه


وطبعا خذيتلي 5 دوري ياباني علشان اذا خرب واحد العب بالثاني

تكفون ساعدوني عجزت ما عرفت اشغله

عطاني راعي المحل

شي اسود واسطوانتين



تكفون علموني

[BOY_THING]

امم .. و الله بأحاول اتمنى تفهم ..

اكيد المحل اعطاك علبه صغيره مثل الكبريت .. هاذي تحطها في فتحه صغيره تجي تحت يد التحكم الأولى ...
و فيها سويتش .. يتحكم فيها ... واحد يولعها و واحد يطفيها ... انت خلها مطفيه ... اوكي


خلصنا من الخطوه الأولى ...

الخطوه الثانيه ... اذا كنت بتلعب لعبه على السوني 2 .. دخل السي دي اللي اعطاك اياه المحل و مكتوب عليه

ps2
لما تدخله ... راح تجيك خيارات كثيره ... ما عليك منها .. حط

start game without codes

لما ترص هذا الخيار ... راح يجيك شريط اسود يقول لك راص X

انت في الوقت هذا افتح درج السوني و حط الشريط اللي تبي تلعبه ... و دخله ... ثم شغل العلبه اللي تشبه علبة الكبريت ... و بعدها اضغط X

و راح يشتغل عندك زي الفل

و اذا مافهمت علي ... ما لك الا انك تروح للمحل

[مسمار]

الله يعطيك الف مليون عافيه


ظبطت معي تصدق


جب راسك ابوسه


يعطيك العافيه ولا يحرمنا منك


:0) :0) :0) :0) :0) :0) :0) :0) :0)

[BOY_THING]

العفو .. ماسوينا الا الواجب