اللي يبي يرجع للاجزاء السابقة :
pART I , PARt II ,PArT III,PaRT IV ,PArt V ,PaRt VI ,pARt VII .. [/URL]
نهاية الجزء اللي فات :
سيلفي: كنت جالسة اطرز في غرفتي .. و فجاة سمعت صوت ام علي و هي تصرخ .. فركضت لغرفتها و وصلت و هي تطيح فاقدة وعيها ..
نواف -مازال مصدق انه ذيب- : اهاااااااا .. ام علي غابت ربع ساعة فيا لحمام .. و هالوقت كافي انك تروحين تسرقين الزمردة و ترمينها من الشباك لارسين مثلا .. يالله اعترفي التهمة لابستك من ساسك لراسك ..
اثناء هالتحقيق عماد و خوباج خارج غرفة التحقيق جالسين يتكلمون ..
فجاة ..
اااااااااااااااااااااااااااااااااااه
الحقنا يا عماااااااد ..
بداية هالجزء :
انطلق عماد للغرفة بعد ما سمع الصرخة ..
و لما دخل لقى سيلفي ماسكة داج و ناف و نازلة فيه ضرب !!
سيلفي : اغبياء متخلفين !! انا اسرق ؟!
عماد: سيلفي هدي الوضع وش صاير ؟!؟!
سيلفي: هذه اخرتها ؟؟ انا مثال الاخلاص و الامانة اتهم بسرقة زمردة مع اني ما سرقت طول عمري و لا حتى هللة واحدة ؟! ضاع مني مقصي الذهبي اللي وارثته ابا عن جد و بعد كل هذا يتهموني بالسرقة !؟! واااااااااااااااع ..
بعد ما طلعت من الغرفة ..
عماد : انتم اتهمتوها بالسرقة فعلا ؟؟
نواف : ايه .. هذه الطريقة ناجحة احيانا ..
داج : مو مشكلة هذا شي بسيط من مخاطر المهنة .. ناد الاستاذ ماستر ..
عماد : زين بس لو كنت مكانكم كان اتبعت اسلوب ثاني ..
جا ماستر –نذكركم للمرة العشرين ترى سمعه ضعيف- ..
نواف : يا سيد ماستر .. هل صحيح ان ارسين كان جنبك لما صرخت ام علي ؟!
ماستر : لا ابدا ..انت ما عطلتني على الاطلاق .. دريت باللي صار لام علي و هو شي مؤسف للغاية ..و انا زعلان عشانها ..
داج : نعم .. احم بس يا استاذ ماستر موب هذا هو السؤال ..
ماستر : تصدق ؟؟ هذا اللي فكرت فيه اول شي .. و تحريت عن هالموضوع و وصلت لبعض النتايج ..
من خارج الغرفة ..
ام علي : لا لا ما راح اسكت على هالموضوع ..
داج و نواف
و طبعا ماستر ما سمع شي و استمر يتكلم :المهم لما تحققت من الشي اللي اتكلم عنه ...
ام علي : اخيرا لقيتكم !!
ماستر : و لقيت انه في ...
ام علي: شلون تتجرؤون و تتهمون سيلفي المخلصة بالسرقة ؟! وشلون سمحتوا لانفسكم تكلمونها بهالطريقة !! و من سمح لكم اصلا انكم تتهمونها ؟! انا ما راح اسكت ابدا .. راح اشتكيكم لجمعية حقوق الانسان !!!!
ماستر مهوي زي العادة : ... في معسكر للغجر قريب من ...
ام علي : و اذا تركتني سيلفي بعد هالاهانة !!؟ تبي تجيبون لي بديل عنها !!؟ و الفلوس اللي تبي تطلبها الوصيفة الجديدة -هذا اللي هامهما- من اللي راح يدفعها ؟! لازم تعتذرون لسيلفي الحين و الا بترك هالبيت حالا !!
نواف و داج :..
ماستر : انا متاكد انهم غجر ..
نواف : نرجع لموضوعك انت ..
ماستر : لا انا ما اتهمهم .. لكن حبيت اقول لكم عن معسكرهم ..
داج : عن اي معسكر تتكلم ؟؟
ماستر : ما اسمح لك !! هذولا غجر حقيقيين .. و شفتهم بنفسي مثل ما اشوفكم ..
نواف طلع من الغرفة و راح لخوباج : اقول .. ماستر شارب بيبسي تويست اليوم ؟! جالس يقول ان فيه غجر بحديقتك !!
خوباج : لا كلامه صحيح .. فعلا فيه معسكر للغجر قريب من هنا ..
نواف : قريب من هنا ؟! ليش ما قلت لنا من الاول .. هم المتهمين بدون ادنى شك !!
عماد : عندك ادلة قبل ما توزع اتهامات ؟!
نواف : ادلة ؟ راح نلقاها حالا ..هالاشكال حرامية بالفطرة .. ودنا لمهم ..
عماد : زين بوديك .. لكن لا تجلس توزع اتهامات !! تراهم مو بمثل رقة سيلفي في ردة الفعل
و هم في الطريق ..
نواف : على كل حال اصلا اشك اننا راح نلقاهم .. تلقاهم مشوا بعد الحادثة ..
عماد : نشوف ..
و لما وصلوا ..
عماد :وينهم ؟!
نواف : وش اللي وينهم ؟؟
داج : وين المعسكر ؟!
عماد : الظاهر انهم مشوا بس متاكد انهم كانوا موجودين هنا امس !!
نواف : شفت ان كلامي صحيح .. صار اللي توقعته ..
داج : موب مبعدين .. راح نبلغ عليهم ..
ما فضيت عشان اكتب اكثر من كذا بسبب ويننج 6..
ان شاء الله اقدر اكلمها في اسرع وقت ..
