سعر المسياح ( الميشيا ) واماكن وجودها وتركيبها ..!!

[mlm]

بسم الله الرحمن الرحيم ..

مرحبا شباب ,, كيفكم !؟ هذي اول مشاركه لي في هذا المنتدى الرائع وبهالمناسبه حبيت اقدم خدمه بسيطه اتمنى يكون فيها فايده لكل الاعضاء ..

حسب بورصة الاسعار فان اخر سعر وصلت له قطعة المسياح او الميشيا او( سموها اللي تبون ) في الرياض بدون تركيب 440 ومع التركيب 500 ريال وهي موجوده عند محل افكار في الروضه شارع الكهرب المتفرع من شارع انكاس مقابل اسواق السدحان ورقمه 2491834 ,, واللي يقول انها موجوده ارخص من كذا في الرياض ماعنده سالفه لانها في الانترنت اقل سعر تلقاها بحدود 340 الى 380 ريال غير قيمة الشحن وعليكم الحساب والانتظار الين توصل القطعه بعد اسبوعين او شهر ... وتركيبها مايزيد عن 100 ريال ولا يقل عن 60 ريال عند اي محل ..

وان كنت انصح بمحل خالد اللي في عماير الراجحي في البطحاء لان عنده مهندس اندونيسي مسكت ورهيب وسعره مع تركيب القطعه من عنده 550 مع شريط we6 ولتركيب القطعه بس بحدود 100 ريال وهو سعر مناسب جدا لان تركيبه مضمون ومهيب خساره زيادة 30 او 40ريال على الشغل المضبوط ورقمه 4066690..

وبالنسبه للنسر فهو يركبها ب600 ريال مع القطعه ورقمه في الشعله طريق الملك عبدالعزيز 4773287 ومايبيعها بدون تركيب , يعني تاخذها من عنده راكبه والا توكل على الله ..

اتمنى اكون اعطيتكم فكره عن المسياح وسعرها ومكان تركيبها في الرياض وياليت والله اقدر اخدم اللي برا الرياض والسعوديه , لكن ماباليد حيله !


## هالكلام كاتبه من ثلاث ايام لكن ماقدرت انزله الين تم تفعيل الاشتراك واتمنى ماتكون تغيرت الاسعار الا نزولا , وعموما ارقام التلفونات موجوده لمن يحب ان يستفسر ##


تحياتي / الشـــقـــــراوي ,,

[وحداوي11]

ياخوي شكرا على جهدك ...ممكن تعرفنا شو هو المسياح وشو فايدته وأي نوع من البلاي ستايشن 2 يقدر يركبونه عليه ...وتحياتي لك..

[Xenon]

توجد القطعة بالرياض بسر ارخص من كذا ..

وهو محل مركز علاء الدين بمجمع صحارى الرياض ب500 ريال مع شريط DVD كوبي ...

يعني لو قلنا بدون الشريط نشيل 60 ريال قيمته يطلع 440 ريال

ونشيل قيمة التركيب قول 50 ريال ..

تطلع القطعة لحالها ب390 ريال وهذا ارخص سعر في منطقة الرياض ...

طبعا القطعة ماتقدر تاخذها لحالها لازم تاخذها مركبه وبالعرض هذا مع شريط DVD كوبي ب500 ريال ...


وشكرا.

[mlm]

اخوي وحداوي 11 .. اذا تبغى تعرف وشو المسياح ووش فايدته وأي نوع من البلاي ستيشن 2 يقدر يركبونه عليه .. ياليت تراجع موضوع الاخ playstation2 (( كل التفاصيل حول قطعة الميشيا(السعر+محلات البيع+الميزات+الاصدارات التي تعمل عليها)... )) المثبت في اعلى الصفحه ..

اخوي playstation2 .. بالنسبه لل dvd كوبي فسعره مهوب 60 ريال وانا شاريه من البطحاء ب 40 ريال من محل اسمه المختلف في عماير الراجحي وفيه محل بعد يبيعه ب35 ريال قريب منه بس ماحصلت الشريط اللي ابغاه عنده .. و بالنسبه للقطعه من المحل اللي ذكرته فهو مايبيعها بدون تركيب ولو طلبتها منه بدون تركيب ماراح يعطيكيها بأقل من 450 ريال يعني مثل افكار واكثر واسأل وشوف .. وانا لما قلت محل خالد ذكرت انه ماهيب خساره 40 ريال زياده في التركيب لان عندهم مهندس ممتاز ومضمون .. وبالنسبه لافكار فهو اقل محل يبيعك القطعه بدون تركيب 440 ويمكن اقل لان هالكلام من 4 ايام تقريبا ...

وعموما يكفي انا خليناك تعطينا هالمعلومات القيمه عن قيمة القطعه والشغله كلها اجتهادات لمصلحة الاعضاء .. لامصلحة شخصيه من وراها ..

تحياتي / الشــــقــــراوي ,,