ثنين يتعايرون ( يتريكون على بعض ) واحد خشمة كبير واسمة خشيمان والثاني اذانة كبار مسمية ابوة صميعان ( خوف من الحسد) اللهم لك الحمد .
صميعان: تذكر يوم حنا صغار كنت العب زحليقة على خشمك
خشيمان: الا اذكر وبعد ماتخلص من الزحليقة كنت اتمرجح باذانك
صميعان: ياحليلك ذكرتني يوم انك ماتقدر تنقز من فوق جدار المدرسة لين ترفع خشمك.( خايف يحك بلأرض )
خشيمان: هههه اية بعد الا جينا نطلع على الجدار تطلعنا باذانك
صميعان: ياحليلك تذكر يوم الأستاد ماكان عندة مسطرة خذ خشمك وشرح فية على السبورة
خشيمان: هههه اية اذكر بعد ماخلص شرح خذ اذنك ومسح السبورة
صميعان: اخوك صنيدح
خشيمان: وش فية
صميعان: اذا نام معك كل صبح يلقونة في خشمك ( شفاطة )
خشيمان: انتبه اذا جيت تسافر بالطيارة ادهن اذانك .
صميعان: لية
خشمان : حتى ماتنشب في الخرطوم الي يدخلك الطيارة
صميعان: انت ماتقدر تلعب هجوم في الكورة .
خشيمان: لية .
صميعان: خشمك تسلل
خشيمان: عاد انت كنت الوحيد الي يطب من فوق السطح كنت تمسك اذانك وتطب واذانك تنتفخ وتنزل بشويش
صميعان: ههههههههه حلووووة وانت الوحيد اللي معة جوازين سفر واحد لك والثاني لخشمك
خشيمان: تذكر يوم نروح البحر وكنا نسبح وتعبت ايدينك وكملت سباحة باذانك
صميعان: عادي اللي ماهوب عادي انت يوم كنت تسبح على ظهرك ورافع خشمك فوق شافوك الناس اتلموا عليك يحسبونك غواصة
خشيمان: اسمع الكلام ولاتطلع برا في الشارع فية هواء قوي
صميعان: اش معنى
خشيمان اذانك تصفق ههههههه
صميعان: هههههه يدورون عليك هيئة الاثار
خشيمان: وش يبون
صميعان: يبون يحطونك في الجنادرية
خشيمان: ههههه اسمع عاد انت ماتحتاج لا غترة ولا شماغ اذانك قايمة بالواجب
صميعان: هههه طيب ليش انت اذا جيت تنام تفرش فراشين
خشيمان: واحد لي والاخر لخشمي ههههههههه
صميعان: هههه ماشاء الله عليك مذاكر
خشيمان: عاد انت الى جيت تنام توسد اذن وتتلحف باذن
صميعان: لا ياشخ شف وش مكتوب في راس خشمك .
خشيمان: وش مكتوب
صميعان: مكتوب يتبع
خشيمان: تدري وش انسب وظيفة لك
صميعان: علمني
خشيمان: القفز بالمظلات ههههه
صميعان: عاد انت وخشمك انسب شغلة لك المطافي
خشيمان: اشتغل ضابط
صميعان: تخسي تشتغل سلم
___________________________________________
منقول
.... 
