شرح باتفصيل للي يبغى يشتري لاعب في we6
السلام عليكم ورحمة الله وبركاته
بسم الله الرحمن الرحيم
اللي يبغى يشتري لاعب:
اذا بديت الدوري تجيك خيارات الأول لعب المباراة والثاني يوريك ترتيبك بين الفرق واللي بتلعب معهم والهدافين و....الخ .
المهم الخيار الثالث ادخله اذا دخلت يجيك خيارات من هذي الخيارات اثنين يصافحون بعض يعني إذا تبغى تتعاقد مع لاعب ادخل هذا الخيار ويجيك بعدين خيارين مكتوبه بالياباني اختر الجمله الأولى بعدين تدخل على شراء اللعيبه عاد تعرفون كيف تشترون بالأختيار على اللاعب بعدين اذا اخترت لاعب و جاك جمله وما تقدر تختار اي لاعب ارجع وروح العب مباراة مباراتين ثلاث الين يسمحون لك بأنك تشتري.
(ملاحظه: معليك من الفلوس المهم انك تلعب الين يسمحون لك بالشراء لأنك اول ماتبدأ اللعبه يكون عندك رصيد )
المهم بعد مايسمحون اختار اللاعب يجيك على اللاعب الي اخترته خيارات اختر الخيار الأول.
خلاص كذا يعتبر انك طلبت اللاعب انه يلعب في ناديك بعدين ارجع الين اللي يسلمون عبى بعض مره ثانيه واضغط عليه يفتحلك جمله ثالثه يجيك مكتوب رقم واحد بالأحمر بعد كلام ياباني اختر عليه بيجيك علم اللاعب والفلوس اللي يبغاها منك وهوه خيار واحد اختاره وادفع للرجال فلوسه بالضغط على الدائره مرتين.
( ملاحظه: لاتسويلي فيها ولد نعمه وتروح تشتري اللعيبه اللي في الأنديه ترا بتروح فيها لأن الأنديه بيتشرطون عليك على كيفهم ويلهفونك لهف اختر مثل بابانجيدا ولا الحاج ضيوف رقم 11 في السنفال ولاحظ عند اختيارك اللاعب يجيك علمين علم المنتخب حق اللاعب وعلم ثاني هذا العلم الثاني إما انه يجيك علم نادي وهذا لا تفكر انك تشتريه او انه يجيك علم ازرق مكتوب عليه حرف f هذا اشتره لأنه رخيص)
المهم بعد ماتدفع له وتغريه بالقرنقش اللي عندك رح العب مباراة ومعليك منه بعد ماتلعب مباراة وتنتهي منها رح على اللي يسلمون على بعض واختر. بعدين يجيك رقم واحد بالأحمر تحت (آخر شي) اما تلقى كلمة in او كلمت out جنب رقم واحد اذا جاك in جنب رقم واحد الأحمر يعني انبسط اللاعب وافق يلعب في ناديك اما اذا جاك out يعني ان اللاعب يقولك افلقني العب معك يعني ماوافق .
اذا ما وافق رح دور لاعب ثاني .
(ملاحظه: ترا تقدر تشتري اكثر من لاعب في نفس الوقت)
(ملاحظه: كلمة in و out تجي بين كلام ياباني . وكل كلمه في سطر )
اذا وافق اللاعب اطلع الين عند الأثنبن اللي يسلمون على بعض بس هذي المره لاتختار الي يسلمون على بعض اختر على صورة الملعب اذا اخترت يجيك التغييرات اختر التغييرات بعدين انزل لآخر لاعب وتلقى انه اللاعب اللي جا في فريقك وحطه في اللعيبه الأساسيين.
والسلام عليكم ورحمة الله وبركاته.
اللي مافهم بعض النقاط يكتبلي رد وارد عليه.
وشكرا .
واللي مافهم شي الله يعينه. :":
ملاحظه: اي واحد عنده اضافات الرجاء انه يضيف
