شباب
السلام عليكم
هنا انا باقلوكم على قصة كرونو تريجر وكرونو كروس
لاني لاحظت الكثير انهم ماهم فاهمينها –طبعا الكلام يشملني-
عشان كذا انا باكتب القصص
واتمنى ان أي احد عنده تصحيح او أي معلومة زيادة
انه مايبخل
قبل مانبدا عندي تحذيرات ودي اقولها
1- أي شخص مالعب اللعبتين ووده يلعبهم لايقرا الموضوع
واكرر لايقـــــــــــــــــــــــــــــــــــــــرا
2- القصتين –وهذا الاهم- فيها انحراف ديني
هذا مو معناه اننا نؤمن فيه ، لا بس احنا نتكلم عن لعبة
ار بي جي مبدعة وقصتها حلوة وخيالها ممتاز بغض النظر عن المضمون الديني –اللي هو اهم شئ بالنسبة لنا-
3- الموضوع جداًطويل لذا : يأنك تنسخه وتقراه على مهلك
او تفصل الخط وتقرا
براحتك
المهم نبدا –مقدمة طويلة ومملة كمقدمة الدكتور رفعت-
قصة كرونو تريجر صارت –طبعا في اللعبة – في عام 1000 بعد الميلاد وكرونو كروس المفترض بعدها ب 20 سنة ، يعني 1020
استعدوا للصداع
تبدا القصة في عام 65000000 قبل الميلاد ، كان فيه مخلوقات على الكوكب – ماندري هل هو الارض- عايشة واسمها reptites او هي الزواحف وتحكم الارض مع الديناصورات – الزواحف متطورين من الديناصورات- فجأة نيزك ضخم يصطدم بالارض ويدخل وسطها بمنتهى العنف وقفل على نفسه وسط باطن الارض والنيزك طبعا فيه لافوس اللي بيمتص طاقة الارض عشان يغذي نفسه ليوم معين ويدمر الارض . الاصطدام سبب عصر جليدي قتل كل المخلوقات الا بعضهم اللي بدورهم واجهوا الصاعب(ياولد) وتطوروا الى البشر(بدينا التخريف) باقي الزواحف اللي ما ماتوا انقذوا نفسهم وبنوا مدينة خاصة فيهم وسموها دينوبوليس dinopolis اللي هي المدينة الطائرة
تمــــــــــــــــــــــــــــــام
بداية كرونو تبدا ان البطل كرونو يروح لمهرجان يتقابل فيه مع المخترعة لوكا اللي اخترعت الة الزمن ، كرونو ،لوكا والبنت الثالثة –نسيت اسمها – راحوا لعام 2400 وشافوا العالم مدمر واكتشفوا ان مخلوق ضخم اسمه لافوس دمر الارض في عام 1999 . ولانهم مغامرين وعندهم الة زمن وتصير لعبة نلعبها احنا ، قرروا انهم يرجعوا للزمن لوراء ويوقفوا لافوس وينقذوا الارض .
طبعا تمر احداث كثيرة في اللعبة – فلان يتزوج فلانة ، سيف المازاميون يبدا يسحر البشرية – سكالا وجانوس يكتشفوا خطة امهم الملكة زيل اللي ناوية انها تستدعي لافوس عشان تسحب قوته وتاخذها لها عشان اغراض شريرة طبعا – المهم كرونو وفريقه يتقابلوا مع لافوس وتبدا بينهم معركة ، لافوس لمن حس انه بدا ينهزم في اول المعركة انسحب ودخل بين الابعاد وسحب مدينة كرونوبوليس .اللي كان مسيطر عليها التنين الاكبر _ اسمه في اللعبة طبعا ماله داعي ذكره هنا -
. بعد ماسحبها عشان تسويله اعادة بعث وهذا طبعا كخطة دعم – في زعم القصة- في نفس الوقت العلماء في دينوبوليس او تيراتاور
اللي هم ابتكروا fate في اللعبة طبعا – واحنا بريئين منهم- اواللي بيخلوه يسجل كل ذكريات البشر وينسق احداثهم كانوا يسووا تجربة زمنية بانهم ينقلون تيراتاور عبر الابعاد ، صار تضاد بين تيراتاور ودينوبوليس نتجت عنه معركة في الابعاد انتهت ان انتصر البشر
وقام fate وقسم التنين الكبير الى 6 اشكال – زي ماشوفتوا كيف اتحدوا بالاخير-
لافوس صارت المعركة بينه وبين كرونو وفريقه وهزمه كرونو في نهاية المعركة لافوس سحب نفسه في احد الابعاد الزمنية وعشان تضمن انه مايرجع ، سكالا دخلت معه واندمجت وصاروا هي وياه واحد – لاننسى ان عندها ميدالية سحرية لها قصة طويلة-
وانحبسوا ثنينهم بدون أي قدرة على الخلاص
العلماء و الفايت في كرونوبوليس ابتكروا جزيرة el nido ونقلوا ناس لها بعد ممامسحوا ذاكرتهم لانهم يبغوهم يعيشون لعام 2400
التنانين – جمع تنين- صاروا موزعين ويتمنوا أي فرصة عشان ينتقموا ويردوا ثأر من لافوس واولاده-البشر-
اتمنى ان كله تمام الى الان
نجى عام 1006
طفل عمره 3 سنين اسمه سيرج اصيب من عضة نمر اسود وعشان ينقذوه ابوه وازوكي وصديقه –ابو لينا- ميجول قرروا انهم يذهبوا الى طبيب في ماربول ، وهم لرايحين جاتهم عاصفة – سببها ان سكالا تبي تتصل بسيرج من وراء البعد- خلتهم يرسون عند بحر عدن-بكسر الياء- هاذي العاصفة خلت الفايت يوقف لفترة 10 دقايق ، لمن وقف الفايت 6 التنانين استغلوا عدم المراقبة وانتجوا التنين السابع هارلي
Harle خلوا هدفها انها تدمر الفايت وتاخذ frozen flame
اللهب المتجمد – اما اسم – اللي هو قطعة حية من لافوس ويعطي الطاقة للفايت وتحرر التنانين-طبعا هيرل- ويرجعوا يحكموا الارض من جديد .
المهم الاثنين البحارة وصلوا الشاطى وابو سيرج شيله على كتفه ودخلوا الكهف .
ثم جا الصوت من داخل الكهف يقول لوازوكي اذا تبغى هذا الولد يشفى تعال عندي ، ابو لينا يحذره ، رد وازوكي وقال : لازم اروح ولا سيرج بيموت .
واحد من اروع الشاهد في العاب الاربي جي ........................
المهم نكمل بعدين اذا شفت ان الموضوع عليه طلب
سلام واسف للاطالة
