أنتهيت من ترجمة الحلقه الثالثه من inuyasha

**بطل الأمارات** · 09-05-2002, 05:56 PM

شباب أنتهيت ممن ترجمة الحلقة الثالثة من inuyasha وحطيها في برنامج الـ WinMX للشباب الي يحبون ينزلزنها ... بعدني ما حطيتها في موقعي لأنه حجم الحلقة كبير 377 MB
ساعدني في ترجمة الحلقه animegirl ... هي الي ترجمة الكلام وأنا كتبت الكلام الي ترجمته من الأنجليزي الى العربي في البرنامج ... وأشكرها من كل قلبي على هاذي المساعدة

بحاول أصغر الحلقه وأحطها في موقعي بعد الأمتحانات إن شاء الله عشان الي ما يقدرون يحملون الحلقات الكبيره والي ما يعرفون كيف يتعاملون مع برنامج WinMX
إن شاء الله تعجبكم الحلقه

**شتاينر** · 09-05-2002, 10:27 PM

الله يعطيكم العافية ... بس شو أسم موقعك ؟؟

**ssj2** · 09-05-2002, 10:50 PM

الف مبروك بطل الأمارات

وتعبناك معانا انت وانمي جير

وتقبلو اجمل تحياتي

اخوكم ssj2

**بطل الأمارات** · 10-05-2002, 01:41 AM

الرسالة الأصلية كتبت بواسطة شتاينر
الله يعطيكم العافية ... بس شو أسم موقعك ؟؟

أسم الموقع هو www.uae-hero.com
تقدر تجوف الأسم على توقيعي ...وإذا ضغطت على توقيعي بيحولك على الموقع نفسه

**بطل الأمارات** · 10-05-2002, 01:43 AM

الرسالة الأصلية كتبت بواسطة ssj2
الف مبروك بطل الأمارات

وتعبناك معانا انت وانمي جير

وتقبلو اجمل تحياتي

اخوكم ssj2

الله يبارك فيك ...تعبكم راحه ...وإن شاء الله تعجبكم الحلقة

**القــعـقـاع** · 10-05-2002, 01:49 AM

يعني ما بعد حطيتها في الموقع:6

**Grandia** · 10-05-2002, 01:54 AM

وش هذا WinMX بنامج تحميل وعرض ؟؟

**بطل الأمارات** · 10-05-2002, 02:10 AM

الرسالة الأصلية كتبت بواسطة serge
يعني ما بعد حطيتها في الموقع:6

تعرف أنته عشان أصغر الحلقه وأحطها في الموقع يبالها شوية وقت ... وورانا أمتحانات يا خوي سيرج ... ما فينا نخبص في الأمتحان :6
خلها على الله

**snorlax** · 10-05-2002, 02:13 AM

www.topcities.com
يعطيك 150 ميجا ....

لا تنساه....

**Grandia** · 10-05-2002, 02:13 AM

الرسالة الأصلية كتبت بواسطة جـرانديا
وش هذا WinMX بنامج تحميل وعرض ؟؟

؟

**بطل الأمارات** · 10-05-2002, 02:37 AM

الرسالة الأصلية كتبت بواسطة جـرانديا
وش هذا WinMX بنامج تحميل وعرض ؟؟

أهاااااه هذا السؤال يبغيليه صفحه كامله عشان أجاوب عليه

بس أنا بحاول أختصر ...هذا البرنامج هو برنامج شيرنج ... يعني نفس برنامج آيمش و كازا إذا تعرفهم ... وهاذي البرامج تسمح بتبادل الفايلات بين المشاركين في البرنامج .. والفايلات التي تقدر تتبادلها متعدده مثل الصور أو الأغاني أو الأنايم والأفلام .. في البداية تكتب أسم الأنايم الي تبغيه في السيرج وبعدين يبدأ البرنامج يبحث عن هذا الفايل الي كتبته في جميع كمبيوترات الي مشاركين في الموقع والي يكونون على الأون لاين في تلك اللحظه .. ويراويك في جهة اليمين ..إذا كنت تقدر تسوي داون لود أو لا .. على حسب الزحمه على الأنايم الي أخترته ..فإذا كان لون الرقم أخضر فهذا معناه أنك تقدر تسوي داون لود من هذا الشخص لأنه ما عليه زحمه وإذا كان اللون أحمر فهذا معناه أنه فيه زحمه على الشخص وما تقدر تسوي داون لود ..لكن تقدر تحجز مكانك علشان تسوي داون لود بعد أن ينتهي الشخص الي قبلك من التحميل ..يعني توقف في الطابور وتنتظر دورك (تحمل تنتحر لأنه طوابيرهم مثل طوابير الجمعيه

) الأفضل أنك تدور مكان فاضي ... هذا بشكل مختصر وفيه مزايا كثيره في البرنامج مثل أنك تقدر تشبك مع شبكات ثانيه خاصه في الأنايم ..بحاول أني أشرحها بعدين
وهذا هو الموقع الي تقدر تحمل منه البرنامج
تفضل
سجل بياناتك في الموقع علشان يسمحلك بتنزيل البرنامج

و إذا واجهتك مشكله قولي ... تمام

**Grandia** · 10-05-2002, 02:51 AM

نزلت البرنامج ولا عرفت فيه شي روحت عند السيرش وكتبت اللي اريده ضهر لي الففين خيار ?:

**ashli** · 10-05-2002, 03:16 AM

http://download15.winmx.com/winmx260.exe

وصلة مباشرة

**بطل الأمارات** · 10-05-2002, 03:20 AM

ترى هاذي هي الحلقات الي تختارها ...أضغط على الحلقه دبل كليك أو أضغط بالزر الأيمن للفاره وأختار داون لود ...بعدين أضغط على Transfers
علشان تجوف النتيجه ..لأنه أحياناً ينقطع التحميل ... إذا طلع عندك خط أزرق هذا معناه أنه كمبيوترك شبك مع كمبيوتر الشخص الثاني وهو يحمل منه الحلقه
آسف لأني ما شرحت هذا من قبل

**بطل الأمارات** · 10-05-2002, 03:26 AM

الرسالة الأصلية كتبت بواسطة snorlax
www.topcities.com
يعطيك 150 ميجا ....
لا تنساه....

يا أخوي أنا جفت الموقع والمشكله أنه ما فيه أشتراك مجاني

على العموم أشكرك على مجهودك ... ولا تقصر فينا في أي معلومه جديده

الموضوع: أنتهيت من ترجمة الحلقه الثالثه من inuyasha

أدوات الموضوع

أنتهيت من ترجمة الحلقه الثالثه من inuyasha

ضوابط المشاركة