طلعة الراشد (لا بورك فيها)

**جمال** · 13-05-2002, 05:39 PM

أهلا شباب

كيف الحال؟؟؟

كلكم بخير انشاء الله

بمناسبة قرب الأختبارات

سأحكي

لكم قصتي مع ولد خالتي واحنا رايحين الراشد

كان يوم الأربعاء اتفقت انا معاه ان احنا نروح الراشد يوم الخميس

وفي يوم الخميس كلمته (بالتلفون)

انا: هلاااا

محمد : هلا

انا: هااا ايش قلت بتروح والا لأ؟

محمد : لالا اكيد بروح

انا : طيب تجهز بمرك بعد المغرب

محمد : طيب

انا: يالله مع السلامه.
...... ..

(طبعا المكالمه يمكن ساعه بس اختصرت)

تجهزت من العصر

وتعطرت وتكشخت .

صليت المغرب ورجعت شفت اخواني بيطلعون قالو بنروح بيت خالتي(أم محمد)

انا قلت : خلاص عادي لأني بمر محمد

وكالعاده أطلع أنادي السواق مو موجود
وادق عليه بالجوال ":" وأكلمه

انا: هلا

السواق: نأأأم ( نعم)

انا: وين انتا؟

السواق: روه جيب كاشاب هق بابا (رايح أجيب خشب للبابا

)

انا: طيب طيب

السواق: توت توت توت

وأروح أكلم محمد وأقوله بروح بعد العشا قال خلاص عادي

وبعدين قالي خلاص انا بجيك

جاني ورحت وديت أخواني بيت خالتي >>>>عاد ايش اسوي هو دلخ
يدري اني بمر بيتهم ويجي

المهم واحنا على مقربه من الراشد

السواق: جمال جيب أشا ها (جيب عشا طيب)

انا: طيب طيب

وندخل الراشد ونشوف الأخوان حاطين مثل المسرح و مسوين عرض أزياء للصغار في الدور الأول

وكنا احنا فوق

شفنا منطقه فاضيه نقدر نطل منهاو اذا طليت في وجهك المتفرجات

قالي محمد خلنا نروح (مسوي بريئ

) انا قلت نروح ليش لا

شوي الا جايك السكرتي يكلم اللي جنبنا ممنوع الوقوف هنا

تحلطمنا
ومشينا بس اللي مستغرب ان الشباب يمشون بسرعه اذا مرو عند

هذي المنطقه قعدو يتمطمطون ويمشون شوي شوي

المهم بعد كذا قلت للمحمد خلنا نروح نصلي وبعدين نوسع صدرنا على كيفنا

رحنا صلينا و وعلى الطريق مرينا محل (ألعاب سي دي روم) شريت فوتوشوب 7 ومحمد قال يبغى ريد أليرت (هو دفع خمسه وانا العشرين)

وبعد كذا قلت أبغى أروح مقهى صحارى كنت بنزل ملف تجسس :0)

(ما ادري ليش من زماان و انا مشتهي اسويها ذي الحركه)

التكمله فيما بعد >>>>>>>تعبت:":

**FSM** · 13-05-2002, 05:52 PM

التكمله فيما بعد >>>>>>>تعبت

أكمل عنك<== مسوي فيها ...

**FSM** · 13-05-2002, 05:53 PM

التكمله فيما بعد >>>>>>>تعبت

أكمل عنك<==

;-)

**silverpaco_101** · 13-05-2002, 05:59 PM

هههههههههه
حلوة بس وين ذا المنطقه ألى تتكلم عنها بالضبط

عموما أظاهر انك ما تعودت تكتب كثير لأنك ما طولت;-)

**جمال** · 13-05-2002, 06:31 PM

وبعد ما رحت المقهى وكالعاده ملف التجسس خربان ما نزل

قلت اجل خلاص خلنا نمشي وخسرت عشره ريال على الفاضي

المهم طلعنا من المقهى بعدين مريت على مرايه وشفت شكلي

قلت : افا شعري معفس وااجد والا؟ (اسأل محمد)

محمد : يعني بس مب لهناك

انا: اقول اشتري مشط

محمد: اشدعوه خكري

انا: مصدق بعد >>>>>اما التصريفه":"

والمشكله ريحة العطر راحت وصارت دخان?:

وبعدين واحنا نمشي

انا: أي مقهى نروح(طبعا كوفي شوب مو مقهى انترنت)

محمد:والله مدري

انا: نروح سينابون

محمد: المشكله اذا كلنا بنشبع ولا احنا متعشين

انا:اممم >>>>>>>>قاعد أفكر

محمد: أقول تراني جوعان

انا : تصدق وانا بعد

محمد : نروح نتعشى

انا: بس كنه تو الناس الساعه 9ونص!

محمد: نتعشى وبعدين نتمشى >>>من زمان واحنا نبغى نتمشى

انا: أي مطعم نروح وش رايك بكودو انا مشتهيه

محمد: اممم والله ودي بفدر كرز

انا: ايه تصدق فدر كرز احسن

ونروح فدر كرز واحنا مستانسين وندخل وقعدنا نفكر ايش نطلب في الأخير قلت بيتزا (شيز اند توميتو على قولة الهندي)
":"
(مع استيك على ما اعتقد اسمه ساريلون)

المهم قعدنا نطالع توم اند جيري علام يجي الأكل

جاب البيتزا وطارت خلال دقيقتين بس:0)

و وبعده بخمس دقايق جا الستيك

المهم شفت محمد ماسك الشوكه باليمنى والسكين باليسره

قلت (في عقلي) شكلنا ما ورانا فلحه
..
انا: أقول محمد قطعه أول بعدين ناكل

محمد: طيب

وهو يقطع وأنا أكل مع انه بصراحه ما كان طعمه بذيك الحلاه بس مب شين

ولكن جات اللحظه المشؤومه (الحادي عشر من سبتمبر

)

وانا آكل ضرب علي ضرس من اسناني:"

وكان الألم مفاااااااجئ جدا

انا على طول نقزت ورحت الحمام وأغسل لكن مافيه فايده لأني كلت على

ضرس فيه عصب مكشوف!!

المهم رجعت ودموعي تملأ عيني ومحمد يطالع وهو مستغرب

قلت له لا بس ضرسي يعورني شوي

بعدين قعدت الألم زاد حسيت اني بمووووووت

طبعا خلصت من الأكل

ومحمد راح يغسل انا قعدت انتظر ودموعي تصب تصب (بدون صوت

) :"

قلت يا ولد شكلك يفشل خلني أطلع أبرك وأطلع وأمشي رايح جاي

ودموعي تصب ويوم جا محمد قلت بروح حمام المسجد وأروح وأغسل

لكن مافي فايده

قلت بلا ما أخرب الطلعه على محمد خلنا على الأقل نتمشى >>>>مسوي محترم

بعدين قلت خلني أموه

انا: أقول محمد خلنا نروح نشتري للسواق أكل وبعدين (نتمشى

)

محمد: يله

وراح هو واشترى للسواق

بعدين قلت يله خلنا نطلع عشان نعطيه الأكل

وبعد عناء (فهمها:0) )

قال: كأن اسنانك تعورك واجد خلنا نرجع البيت

انا:لا اشدعوه >>>>>>وانا مستتتتتتتتتانس

محمد : لا والله عادي

ونشوف زحمه (على الغرفه اللي ترقى وتنزل) " ما عرفت أكتب اسمه"

وأنزل طاير من الدرج ونطلع وأكلم السواق و أقوله بسرعه تعال

وبعد ما طلعت روحي في الطريق وصلت البيت

و أروح الحمام وأمسك فرشاة الأسنان وكأنها أغلى شي في حياتي

وأحط المعجون وأغسل يمكن أربع مرت لكن للأسف الألم لازال موجود

وأشرب دوا وما نفع وأدخل على النت وما نفع !!

ورحت نمت ونفع!

__________________

نستفيد من القصه

_غسل أسنانك قبل ما تنام

_شيك عليهم كل ست شهور

>>>>>>>مسوي ناصح

**Chandler** · 13-05-2002, 06:52 PM

احسن...محد قال لك لا تفرش اسنانك....

الله يعينك عاد....انواع المواعيد مع دكتور الاسنان....ولعلمك بس...ترى أكثر شي يألم في عمليات الاسنان....هو شيل العصب <-- يبي يخوفه

**جمال** · 13-05-2002, 07:21 PM

fsm

أكمل عنك<== مسوي فيها ...

لا تكلف على نفسك
وشكرا على الرد

fsm

أكمل عنك<==

مضيع الأخ

وشكرا على الرد مره ثانيه

سلفر باكو
ياخي هي تصريفه

وشكرا على الرد

نواف

أنا أفرشهم بعد الغدا لو في لعمك >>>>> لاتعصب

بس عندي ماضي فاشل;-) مع الأسنان

**جمال** · 13-05-2002, 07:37 PM

الرسالة الأصلية كتبت بواسطة جمال
fsm

لا تكلف على نفسك
وشكرا على الرد

fsm

مضيع الأخ
وشكرا على الرد مره ثانيه

سلفر باكو
ياخي هي تصريفه

وشكرا على الرد

نواف

أنا أفرشهم بعد الغدا لو في لعمك >>>>> لاتعصب
بس عندي ماضي فاشل;-) مع الأسنان

وأصلا السبب الرأيسي اني ما أروح وهو المواعيد:"

**ماجد** · 13-05-2002, 08:18 PM

مشكووووووووووووور على القصة و ان شاء الله تكون مستفيد منها

**ضايع** · 13-05-2002, 10:51 PM

يعني انت نادم طلعت للراشد عشان سنونك:0)

يا رجال وسع صدرك اذا صرت شايب ((ستسقط جميع اسنانك)) <==فصيح":"

**عماد 18** · 13-05-2002, 11:44 PM

و ابوك وش يبي في الخشب ?: ؟!

**سيلفي2065** · 14-05-2002, 12:36 AM

الرسالة الأصلية كتبت بواسطة عماد 18
و ابوك وش يبي في الخشب ?: ؟!

ايه والله وش يبي به

تصدق كنت احسب الهندي يقول كتشاب

استغربت قلت اول مره اشوف ابو ياكل كتشاب

**عماد 18** · 14-05-2002, 12:46 AM

الرسالة الأصلية كتبت بواسطة سيلفي2065

ايه والله وش يبي به

تصدق كنت احسب الهندي يقول كتشاب

استغربت قلت اول مره اشوف ابو ياكل كتشاب

انا قلت كاتشاب اشوى شوي ..
لكن خشب ?:
يعني لو حطب كان احسن !!

**الســــــــاهـر** · 14-05-2002, 01:01 AM

يعني الحين ذا القصة كللللها نستفيد منها اننا نفرش اسنانا قبل النوم ..

هههههههههههههه

تصلح في الدعاية سجنل 2 ..

خخخخخخخخخخخخ

والله ماعاد احد يشتريه ..

امزح ..

مشكور ..

**FSM** · 14-05-2002, 01:45 AM

هخهخهخهخخهه التكمله حلوه...... بس لاتنسى الطبيب

الموضوع: طلعة الراشد (لا بورك فيها)

أدوات الموضوع

طلعة الراشد (لا بورك فيها)

خهخهخهخهخخهخه

خهخهخهخهخخهخه

ضوابط المشاركة