انواااعكم في الماسنجر
أنواع الشباب في الماسنجر
أولا يجب الالتزام بالشروط التالية لقراءة الموضوع
انك تكون فيميل يعني أنثى يعني للي ما يعرفون عربي بنيه
لايقل عمرك عن 17 سنه
أن تكوني مدمنة ماسنجر
"الله مكثّر أصحاب هالمزايا ما شاء الله"
بنعرض لج حبيبتي بعض الأشكال اللي تنقابل في الماسنجر و اللي لازم تتبعينه معاها
وهم كالتالي
"بسم الله الرحمن الرحيم"
السلنتـــــح
هذه الفئة من السهل التعرف عليها فمن مميزاته انه صريح جدا يعني يددددخل بالموضوع على طول ما عنده وقت ويعترف لك بمغامراته السابقة
مع سوسو ونونو ومي مي..وهذي الفئه غالبا تدخل من المقاهي
عليه أسلووووووووووب مب طبيعي دكتوراه بفن الصواريخ..اقصد الغزل
وأنتي ياعيون ماما لاتخقين وتطيحين علينا مع كل كلمه تراه يكتب وهو مايدري أي وحده انتي .... ولاحظي انه كل مره يقولك انتي اللي تخصصك ادراة أعمال ؟؟
عيوبه ..إذا ماعطيته وجه باللي يبغى حطك بلوك "بالطقاق الي يطق العدو"
فياقلبي لا تقلقين ترى ماكو اسهل من التعامل مع هالأشكال "الله يخلي اللي حط البلوك"
يعني صكيه بالبلوك قبــــــــل
وترى هالنوعيه تشكّل نسبة 80% من الشباب
*^*^*^*^*^*^*^*^*^*^*^*
المجروحيـــــــــن
اهئ اهئ اهئ هذا النوع يغثثثثثث اهلج بكلمة
" آنا تعقدت من البنات كلهم خاينات"
طيب ياأخي دامك متعقّد ..شحقه اتضيفني؟!!!!..هاااه؟؟
والمشكلة انه يحسب انه إذا سوى جذيه بيكسر خاطرج وراح تتعاطفين وياه
اوكي مسموح لج بالمره الأولى تقولين "وعليّ عليييك..ياحرااام..الله يعينك"
وتهدين له أغنيه "ما يــهــم"..حق عبدالله رويشد..في بطاقه معاها كم كلمه حلوه
لكن ياويلج إذا قلتيها أقين"يعني مرة ثانيه لغير الفهيمين" ترى هالنوع ماينعطى ويه وبيغثج بحبيبته الأولى ويسويلج فيلم هندي عليها..واذا تبين تعرفينه!!..سهل..فغالبا ماتكون نكاته جذيه
ألم الخيانة
أسير الأحزان
ذبحك الحب ياقلبي بلا هم ولا بلا حيره حياتك نصها احزان ... الخ
المسافر راح
جرح الزمن
القلب الجريح
ظلم القدر
المقرود في حبه
دموع أحزاني
القدر المحتوم لووووووووووووووول << ماينعطى ويه موليه
وتنصحك الأفلاك بأن تستعملي قدرتك الجسديه وتسوين ديليت من أول ما تشوفينه
"ســايند إن"
يعني دخّل
*^*^*^*^*^*^*^*^*^*^*^*^*^*^*
البزاريــــــن
"اليهـــــال يعني"
نوووو كومنت اتبعي المثل القائل : ممنوع اصطحاب الأطفال
القائل : أديبه لبنانيه
ابي بس اعرف من الي علمهم على سوالف النت والشات!!
*^*^*^*^*^*^*^*^*^*^*^*^*^*^*
فئة ثقــــــــــــال الدم
هاذيلااااااا الله لايوريج اعووووووووووذ بالله يغثج من قلب أولا بأنه ما يسلم عليج..لازم انتي الي تروحييين وتسلمين عليه..حتى لو اهو الي دخل بعدج وتقولين له
"هلاااا وغلااا اسفرت وانورت..الشمس اليوم طالعه من وين!!"
على وشو شايف نفسه ..الله اعلّم! كني طراره واقفه عند باب ماسنجره
ومع هالشخص انتي اللي تديرين دفة الحديث وتبتدين وياه السوالف وتسحبين منه الكلام تسحيب كأن احد غاصبج !! ويكرر يوميا كلمة :" سوووووو ؟" ولا "وش فيه جديد"
نظرا لثقل دمه الزايد وهذي الفئه من اكثر الفئات ارسالا للصور الشخصيه لأنه ولد أبوووووه ومستانس على عمره واايد..وبعد مايرسل الصوره بيومين يجيج ويقولج
" آنا ضايق صدري وطفشان حدي مليت من الحياة وبنتحّر ابرك لي"
يمه منك..كل هاي علشان وشو!!!!!
هل تعلمين ياعزيزتي القارئه لماذا !! أو ما المقصود بهذه الحركة !!؟
"توني ادري إن الفصحى حلوه ..وناسه..الليييييي..هي هي"
كح..كح
إيه نرجع للموضوع .... لماذا ؟؟؟؟
قسممممممممم بالله بعد يوم او نص يوم بيقولج :
"ابي اعرف هل فيه مستقبل بيننا بطريق ثاني ؟؟؟"
هذا بعد مايهلي بك سااااااااااعه أول ماتدخلين
عاد انتي يالشيخه..اقعدي بققي عيونج شوي تقولين كشافات مرسيدس وتسمّري في الشاشه حبتين
اذا كانت هاي اول مره تنقالج هالجمله
مدري وين يروح البرود الي فيهم في هاليوم !!!؟
وبعد ماتقولين
"ووووووووووجع..إشقصدك يعني؟؟
يعود لبروده المعتاد
ننصح بالبلوك قبل ما يصير جذيه علشان توفرين على اهلج شووووي من فاتورة التلفون حرام تصرفين على هالاشكال ريال واحد الصراحه..
*^*^*^*^*^*^*^*^*^*^*^*^*^*^*
فئة الهكـــرز
عاد هاذي غير الباقي..هاي تعتمد على شخصيته..وطبيعة علاقتج وياه..
قولي "شلووون؟"
قلتي؟…ماسمعت..عيدي!!
إيش شاربه انتي اليوم؟؟
المهم..البعض منهم ما يعترف لج انه هكر الا بعد ما تضيفينه عندج في الماسنجر..ويقعد لج كل يوم من الفراغه الزايده يهكّر على أي ميلج ولا جهازج..وإذا صج فااضي عاد يدخل بدالج المنتدى ويرد ردود ابيخ من ويهه ويشوه سمعتج..ولو سألتيه يا فلان ليش تسوي جذيه؟؟..بيرد عليج بكل برود ويقول لج..عاادي..ماصار شئ..عاد لو في امه خير يقول عادي واهو في مكانج..اراهن بخمس كوارتين طماط"شدعوه قاعده في الشبّره؟"
وعاد يا بلشتج اذا كان يعتقد او حضراتكم موهمين عمركم بان بينكم حب او اعجاب..اففففففففففففف ..يررروووح الله يسلمج ويسوي له دوريه على أي ميلاتج وفايلاتج كلها كللللل يوم…ويسويلج عرس بتااااااان إذا لقى أي ميل من واحد ثاني حتى لو من حد من اهلج..او أي شئ مشكوك مصدره.. ويسويلج استجواب على كل فايل عندج في جهازج..من وين جبتيه؟..من دازه؟؟..ليش محتفظه فيه؟؟..
وماسنجرج المسكين راح ينلعب في لعب..من 124 فرد فيه"هاي أمثال ماسنجري..هي هي"
ليييييييييين فرد واحد اللي اهو حضرته..فيمسحهم كلهم بحجة انه ما يبي احد ثاني يكلمج غيره..انااانيه..
فاتبعي نظام المباحث في الاستجواب..واسأليه قبل ما تضيفينه بس خلج ذكيه وفهيمه ولا تسألينه بأسلوب مباشر علشان ما يحس انج خايفه يطلع هكّر ولا شئ..
واذا كنتي اول ردي ضايفته من قبل..فالله يكون في عونج..لازم تتفاهمين وياه بالاول قبل ما تهدينه..وهالتفاهم غالبا ما ياخذ 3 شهور..لان اغلبية الهكرز راسهم يابس..وكله حاسين انج تبين الفكّه منهم..
وشوفيلج احد يدعيلج في الحرم اثناء محاولتج لطرده..
ملاحظة هامه: لا تفكرين اتحطين عليهم بلوك في الماسنجر..يصيدونج قبل حتى ما تفكرين تحطين أصلا..وإذا كنتي تبين تتجنبين الهاكرز خفاف العقل..ابتعدي عن المواقع الي عادتا ما يهكرون منها..الاي سي كيو..والام أي ار سي..والبال توك..والياهو شاتنج..ومحادثات الام اس ان..هاي الي اعرفهم بس لحد الحين..والله يكون في عون كل المهكّر عليهم
*^*^*^*^*^*^*^*^*^*^**^*^*^*^*
فئة العقّــــــــل
لا تفرحين حبيبتي..هاذيلا بس 1%..ونادرا ما تحصلينهم..بس صدقيني..إذا كلمتيهم تحسين انج تكلمين ريايل بمعنى الكلمه..تلاقينه..عاقل وفاهم..ودمه خفيف وحلو المعشر..يعني اذا لقيتيه اون لاين..من الفرحه ساعات تبين تزغرطين..
وهالفئه ساعات تحسين انهم يميلوون للكلام عن السياسه..وغالبا يكونون مكملين تعليمهم
ومثقفين..ومتطلعين على بلاوي الدنيا كلها..وشبه مستحيل يكونون اصغر من 23 سنه
يعني يكونون شبه متخطين مرحلة الاخبااال والصياعه..
وباقي انواع واايد:
فئة الفرفوشين المفرفشين
فئة الخرفان ياحلييييييلهم
فئة هنيئا لج تقطعينه بالعافيه
بس أصابعي الرقييييييييييييييييييقه اتعبت…واااااااااااااي
هذه النسخه وماتحتويه محفوظه لدى شركة تطنيش دوت كوم
وشكرا …مع تحياتي للجميع..بالاخص لوحده ينادونها بايعتها
*^*^*^*^*^*^*^*
على العموم مهما تنوعّت الفئات بيكون اهناك لازم اشخاص معينين لهم معزه خاصه في قلبج وما تدرين الى أي فئة تنتمي..حتى انج لو حطيتيها في فئه خاصه ما اعتقد بتليق فيها أي تسميه
*^*^*^*^*^*^*^*^*^*^*^*^*
اليوم ماتنفع دموعي ورجواي .... اليوم تفصل عن حياتي حياته
اليوم يعطيني بقايا بقاياي .... واعطيه انا ماشلت من ذكرياته
اليوم بابدل مشاعر حناياي .... يصبح من اخواني وانا من خواااااته
اليوم يتركني لحالي بدنياي .... مجبووووور يقفي لو يزيد التفاته
اليوم يخلف عن ممشاه ممشاي .... والله ما اظمن من عذابه نجاته
لو اتعلّق فيه ماينفع بكاااي .... خلاص فات الوقت واعلن فواته
اليوم بعطيه العزا عقب فرقاي .... عندي خبر وش قيمتي في حياته
وانا العزا مابيه من كبر بلواي .... ماينفع اللي عاش واعلن وفاته
يارحمه الله ساعديه بسلواي .... يعوضه الله بإنكسار امنياته
اليوم ياهمي وياطول مسراي .... ويافرحة العذال واهل الشماته
..
":" 
