أمثال كويتية قديمة

[ماجد]

1-دفعة مردي والهوى شرجي: للخص غير المرغوب فيه (يعني اللي ماتحبه قوله جذي لي بغه يطلع)

2-دفعة مردي وعامود كردي: نفس اللي فوق بالضبط بس زيادة تفلسف

3-اللي بالجدر (القدر) يطلعه الملاس: الخبر المخشوش او الخبر اللي قاعد ننطره على نار

يعني مثل النتايج واحنا ننطرها على احر من الجمر باجر تطلع

(يخبر بفلوس بكره يبئه ببلاش)

4-من بره هالله هالله ومن داخل يعلم الله: الانسان اللي يظهر شيء عكس اللي في داخله يعني غش في غش

وهالنمونه وايد منشتره هالايام الله يحفظنا منهم

5-من ترادى اللحمه خانت فيه المرقه: اللي ياخذ الشيء الرخيص واهوا تقليد يفقد فايدته

6-من طق طبله قال انا قبله: هذا حق الشخص المنقوز يعني الحرج اللي مايعرف يقعد في مكانه

7-من طول الغيبات ياب(جاب) الغنايم: ينقال حق الشخص اللي توه راد من السفر

8-مطر صيف على ناس وناس: نوع من التشره يعني تعطي ناس وتخلي ناس

9-ياخال ابوي حك اظهري: تنقال حق القرابه البعيده يعني اللي يصيرلك من بعيد

مثل ريل(زوج) بنت خالت امي

10-في خشمك عود: حق الشخص اللي مرتفعه هدومه(ملابسه

11-كثر من الصديق ترى العدو اكثر: يعني حاول اتصادق اكثر عدد من الناس عشان تصير محبوب

وي اقلون اعدائك

12-احنا عيال اقريه والكل يعرف اخيه: يعني كل واحد فينا يعرف نفسه

13-ياكل ويمش (يمسح) ايده بالطوفه: هذا المثل ينقال حق ولد العز

14-لا يشكر ولاينفع معاه الطيب: تنقال حق الحقود اللي لما اتسويله شيء ومايترس عينه

15-يوم طار طيره قال سبيل: تنقال حق البخيل

16-طقعه بسوق العصافير: هذا يقولونه وقت الازعاج (دليل على كثر الازعاج في المكان

17-اللي مايعرف الصقر يشويه: هذا يقولونه حق الانسان اللي مايعرف قيمة شيء انت عطيته اياها

18-انفخ ياشريم قال مامن برطم: دليل على الفقر

19-غنام ياكل وينام: ينقال حق الشخص التنبل(الكسول) اللي مامنه فايده

20-اش حادك على المسمار قال المطرقه: الشخص المضطر على عمل شيء

21-إذا غاب القطو العب يافار: هذا حق الانسان اللي يحتاج دائما الى رقابه

وإذا غاب رقيبه لعب على كيفه يعني سوا اللي يبي

22-من كبر اللقمه غص: دليل على الطمع

23-ماعندها ماعند راشد: الانسان اللي مايملك شيء (عاد ليش راشد ماادري

24-اردى من امه: الشخص الخواف

25-العنز تضرب مضاريب الخطر والتيس في الدار: دليل على ردى الرجال

26-العوير وازوير والمنكسر واللي مافيه خير: يعني على كثرهم ولا واحد منه فايده

27-الموتر قرمبع والسواق اعليمي: الشيء الرديئ

28-ياشين السعف على البعارين : الشيء اللي مو في محله

29-غضه بضه اذا طاح على خدها البرغوث قضه: دليل على النعومه

30-الطول طول انخله والعقل عقل اصخله: الشخص اللي عقله اصغير

31-لا خوب خوب ولا خراب خراب: (خوب كلمه ايرانية الاصل ومعناتها تمام ماشي الحال
وترجمة المثل حالي وسط يعني يمشي الحال

حقوق الكتابة محفوظة لدى NeZ`3a HaNeM

[تــوتـه]

مشكوووور ياماجد على أمثال من دولة الكويت الحبيبه

[ماجد]

الرسالة الأصلية كتبت بواسطة تــوتـه
مشكوووور ياماجد على أمثال من دولة الكويت الحبيبه

حيااااااااج الله

[المخلص^دائما]

شكرا لك عزيزي على الموضوع

مع اني ما فهمت شئ

[ماجد]

الرسالة الأصلية كتبت بواسطة المخلص^دائما
شكرا لك عزيزي على الموضوع

مع اني ما فهمت شئ

يا اخي .. اللي على اليمين المثل ، و على اليسار شرحه

شنو اللي مو فاهم !؟؟!؟! مو فاهم الشرح !!

على العموم العفو