رشح اشين جامعه بالسعوديه(واحد مقهور)

[المنكوب]

بسم الله الرحمن الرحيم

وش اخباركم ياجماعه
طبعا هذي اول مشاركه لي بالمنتدى وانشالله اكون اظافه له مو نكبه عليه
الموضوع اللي ابيكم ترشحون فيه هو اسوأ جامعه بالمملكه
وانا في نظري طبعا الجامعه الكبييييره والعظيييييييييمه جامعة النكبه البترول والمعادن الله لايوفقهم انشالله ناكبينا معهم هم ودراستهم
وانصح اي واحد يفكر انه يدخلها يفكر الف مره قبل ما يقرر
وخاصة اذا كان من عشاق السهر والنوم الكثير ويبي يرتاح بعد الثنويه
لان عليها سنه تحضيريه او الاوريانتيشن الله لايوريكم ما فيها رحمه
يكرفون الواحد كرف غير طبيعي والدليل على كذا انو الواحد عنده اربع محاضرات ENGLISH في اليوم مدةضره 50 دقيقه وتخيلوا ما لك الا 11 غياب في هذي الماده (مو 11 يوم لا 11 محاضره) اذا تعديت هذي النسبه يجيك DN او الحرمان وتعتبر راسب بهذي الماده يعني
قمة الكرف هذا غير المحاضرات الثانيه اللي بعضها يومي وبعضها
محاضرتين بالاسبوع او محاضره

يعني باختصار مااتوقع انو فيه جامعه تكرف اكثر من كذا ولا وش رايكم

[واكد3000]

أظم صوتي لصوتك .. فهي تستحق أشين جامعة ....
بس يا أخوك الأورينتيشن ما هي بكرفة و لا شئ .. صحيح يصجون رأسك بهالعنكليزي بس المستوى العام حق السنة التحضيرية سهل واجد ..

الي ماكلينها هم أهل الجبل :" :"
ذكرتني الليلة عندي أختبار و لازم أذاكر .. :" إختبار في يوم خميس :"

[Touya]

أما أنا فقصتي مع الجامعه ذي قصه...


أول شي قبلوني وعطوني أختبار بروموشن تيست... قلنا تمام

الأسبوع الأول أختبرنا ونجحن وتعدينا 001 و002 يوم جينا نسجل 101 في جدولنا قالو كالكم...
?:

والأسبوع اللي بعده لقيناهم ملصقين أرقامنا على كل بيبان الأوريا علشان نراجعهم..

وبعدين عطونا 101


والحمد لله عديت ال 101 ب C+ وهي درجه حليوه ... بس لوني آخذ 001 و 002 منديني جبت أحسن... المهم جدي الله يرحمه عطاك عمره في نفس السمستر وأضطريت أغيب ثلاثة أيام عشان العزا وماعطوني إلا عذر يوم واحد... الحمد لله أن جدولي كان تسع ساعات وبس وبعدها مرضت حوالي أسبوع

وبعدين أخذت D/n في الرياضيات 001 بسبة الغياب والسمستر ذا ماقدرت أعدي الماث 001 بسبة الأسئله اللي تجيك لف... والحين مأدري وش وضعي بالجامعه مع GBA ومقداره 1

ياخي الكتاب لما تحل أسئلته سهل بس أسئله الأختبارات هاذي شي عجيب... أستحاله يجيك شي متأكد أنك حاله صح... غير حركة أنهم يتوقعون أخطائك ويحطون خيارات خاطئه لك من الأخطاء المتوقعه.... زي ماتقول أنك تحل وتطلعلك أجابه غلط بس تلقاها في الخيارات?:

حسبي الله ونعم الوكيل

[واكد3000]

الرسالة الأصلية كتبت بواسطة Touya

ياخي الكتاب لما تحل أسئلته سهل بس أسئله الأختبارات هاذي شي عجيب... أستحاله يجيك شي متأكد أنك حاله صح... غير حركة أنهم يتوقعون أخطائك ويحطون خيارات خاطئه لك من الأخطاء المتوقعه.... زي ماتقول أنك تحل وتطلعلك أجابه غلط بس تلقاها في الخيارات?:

حسبي الله ونعم الوكيل

الله يعينك أخوي ..
المهم شد حيلك و حاول أنك تعدي هالقرف هالاوريا إذا لساتك فيها .. و لا عليك من الGPA ترى إذا خلصت مواد الاوريا و طلعت الجبل فبيتصفر الك و بتعود من جدا و جديد

أما الأسئلة في الرياضيات .. فحاول أنك ما تعتمد على الكتاب لأن أغسل يدك منه ,, و أشتري لك مجموعة أسئلة العصّار للرياضيات من "خدمات الطلاب" .. ترى معظم الأسئلة و طريقتها و التريكات يكرروها كل سيمستر ..

[ملك الظلام]

بلا شك جامعة الملك سعود