الى كل الاماراتيين وكل مرتادي معارض الامارات

[TALAL X]

السلام عليكم


عندي بعض الاسئلة حول بعض السيارات في الامارات..طبعا كل اسئلتي حول المعارض..يعني المستخدم مو الوكالة

هل اقدر الاقي سوبرا مستعمل وبحالة جيدة
و مازدا RX-7
ونيسان سكايلاين GTR
وهوندا سيفك تايب ار..
وهوندا اس 2000
وهوندا NSX
ونيسان زد...

ولو سمحت لو تقولي تتراوح اسعارهم حول كم
الي قصدي هو اسعار موديلات 95 96 97 98 وحولها


وسؤال ثاني
بكم الغم المكينة عندكم بالامارات؟؟
وهل يدخلوني للسعودية من الجمارك اذا كنت ملغم السيارة؟؟
ويليت اذا احد فاهم كيف يلغمون بالضبط..يعني قصدي ايش يغيرون في المكينة يشرحلي...










ومشكوووورين

[DR:dre]

ان كنت بتسال بالسعوديه ما فيه سوبرا اصلا وبسراحه ما شفت ولا سوبرا في المملكه

[المنشد الرحال]

الحمد لله
بالامارات موجود عندنا السوبرا و الجتي ار و الهوندا
و مرة شفت RX-7
بمجمع المعارض في دبي
اما NSK
ما تدخل الامارات على حد علمي
أما التلغيم
مب غالي بس على حسب السيارة
نيسان تلغمه ب30000درهم
على هيدرز و تيربو و غيرها
و شكرا

[راعي الجي تي آر]

صح كلامك يا اخ المنشد الرحال
بس انا مرة شفت ثنتين من NSX في دبي وملغمات وحدة صفرة والثانية سوداء وارقامهم مميزة من دبي
وفي بعض الشباب في الامارات يلغمون سياراتهم بانفسهم

[TALAL X]

يا المنشد..يعني متوفرة مستعمله؟؟بشكل كبير؟؟
من جدك 30000 بس المكينة بدون لا يتعبث في البدي؟؟
هنا يسوونها ب 5000 ريال واقل بعضهم



يا دكتور
السوبرااشوفها في الشرقية
مو كثير بس يعني اشوفها احيانا


وياراعي الجي تي ار
انت عندك جي تي ار\؟
اذا عندك؟
قولي كم حصان؟
لغمتها ولا لأ؟؟
بكم شريتها؟
وكالة ولا مستعمل
تبيع؟؟
بكم؟

[راعي الجي تي آر]

لا
انا ما عندي جي تي آر
بس اخوي عنده وقوتها 750 حصان وملغمة

[TALAL X]

الرسالة الأصلية كتبت بواسطة راعي الجي تي آر
لا
انا ما عندي جي تي آر
بس اخوي عنده وقوتها 750 حصان وملغمة

طيب جاوب على الاسءلة ادناه

[TALAL X]

قصدي اعلاه

يعني بكم لغمها .(قصدي المكينة بس مو الزوايد والخرابيط..؟؟
ووين؟؟

[DR:dre]

والله انا ساكن بالشرقيه ويمكن اشوف نوع قديم مو جديد

[TALAL X]

حتى انا بالشرقية...
القديم اشوفه واجد
والجديد شوي...




يا راعي الجي تي ار
ماقلتلي الجي تي ار بكم تنباع مستعملة في معارضكم؟؟

[راعي الجي تي آر]

يا اخ TALAL X
انا ما اروح معارض السيارات
ولغمها عند كراج صاحبه اسمه جووووي بس ما ادري كم سعر تلغيمها
واذا تبي تشتري مستعمل روووح للمناطق الصناعية في دبي والشارقة
لأن فيها كراجات كثيييير يمكن تحصل اللي تريده

[TALAL X]

الرسالة الأصلية كتبت بواسطة راعي الجي تي آر
يا اخ TALAL X
انا ما اروح معارض السيارات
ولغمها عند كراج صاحبه اسمه جووووي بس ما ادري كم سعر تلغيمها
واذا تبي تشتري مستعمل روووح للمناطق الصناعية في دبي والشارقة
لأن فيها كراجات كثيييير يمكن تحصل اللي تريده

اوه يعني مو في ورشة رسمية..
يعني بالعربي مو قانوني...

اوكي اذا رحت الامارات بروح هناك..
كيف يعني كراجات هناك
يعني السيارات هذه ماتنباع في معارض رسمية؟؟

[المنشد الرحال]

السلام عليكم
على طاري الكراجات تراها مراقبة شوي و يوم بتلغم لازم تاخذ تصريح و بتاخذه بعد شق الانفس
و السيارات تنباع في المعارض عادية
بس لو تبي السيارات الزينة روح البريمي في العين على ما أعتقد
و فيه الشيء اللي يعجبك

[TALAL X]

اها
البريمي
ها؟
بسأل عليها اذا رحت

[Gran turismo 3]

الى الشباب ألف سلام

و الموضوع هذا شيق و على العموم أنا في الشرقيه بعد:! و السوبرا شفتها
كثير و أنواع و اشكال و مره شفت Twin Turbo عنابي شي بس أمريكيه سته
نمر في وكالة عبد الطيف يسويلها صيانه .
و أنا أنزل بقيق بعض المرات و شفت فيها 300ZX(توين تربو) عنابيه لكن نظييييفه مرررره
و شفت شباب عندهم مواتر كثيره ملغمه أنواع و اشكال و أكثر شي الموستنقات
و مره شفت عندهم كورفيت قالبينها (فراري) و فعلا أنا شفتها بنفسي وعلى
فكره هم الي يلغمون بأنفسهم و زبطون البدي بعد في ورش خاصه في الأحساء .
و ترى أنا شفت RX-7 و سوبرا في معارض النسيم في الرياض منها النظيف
و منها الردي و الأسعار معقوله جدا بس المصيبه هي قطع الغيار صعبة المنال
و يعني اذا بتحصلك سوبرا موديل 96 في حدود 35000الى42000 ريال حسب
النظافه وأنشا الله أكون أفدتك و أهديك هذي الصوره عسى الله يسوقها علينا
بالغلط .