يا ناس . . ودي أعرف ليش بعض الشباب اهني مصرّين على استخدام اللغة الانجليزية؟! احنا عندنا اللغة العربية . . لغة القرآن الكريم! ليش نتعمد استخدام لغة مب لغتنا الأصلية؟ لو ان الواحد مضطر, فما في مشكلة من استخدام الانجليزي . . لكن المشكلة ان بعض الشباب شفناه يكتب بالعربي شوي بعدين يرجع للانجليزي. والبعض الأخر يقول انه بس جذي . . تطق براسه ويحول على طول إلى الانجليزي!!?: (رانما..شحالك!)
يا ناس . . ما في مانع من ان نستخدم بعض كلمات الانجليزي إذا ما لقينا المعنى المناسب بالعربي . . لكن ما ننسى العربي مرة وحدة!
لحد يزعل من كلامي لأن أنا كتبت هالكلام كتذكير لا غير. ولا تنسون هويتنا العربية!
وسامحوني إذا طولت عليكم:0) ;-)
