زيلدا اوكراينا واف تايم وماجوراز ماسك....مقارنه بينهما...لتحديد الافضل

[link.p]

هذا الموضوع بناسبة افتتاح منتدى زيلدا...

تبدأ المقارنه...من ناحية القصه...((باختصار))

قصة اوكراينا اوف تايم...تبدأ في الارض الهادئه والآمنه التي تسمى ب هيرول...

التي يعيش الناس فيها بآمان...ولكن يهددها رجل شرير واحد وهو المسمى بجانون دورف....

جانون دورف يسعى احتلال ارض هيرول....بسبب قوته الهائله لا يستطيع اي

احد منعه من السيطره على هذه الارض...باستثناء رجل واحد الا وهو لينك.....

الملقب باسطورة الزمن او بطل الزمن...وتدور الاحداث عندما يسعى لينك...لانقاذ

الاميره زيلدا...وانقاذ ارض هيرول....


اما عن قصة ماجوراز ماسك فتدور احداثها باختصار عن القناع الاسطوري القديم

ما جورا...الذي بقوته العجيبه يستطيع مالكه احتلال العالم...ويحاول لينك ان

يمنعه....وتبدأ اللعبه...


طبعا من الواضح ان قصة اوكرانيا اوف تايم افضل بكثيـــــــــر من قصه ما جوراز ماسك....

فأنا اعطي قصة ماجوراز ماسك 10/6

اما قصة اوكرانيا اوف تايم....10/8


ااتي من ناحيه الجرافيكس...

ما جوراز ماسك....الجرافيكس خيالي....رائع....لا يوجد لعبه بمثل هذه الرسوم...

على الننتندو64....


ام العبه اوكرانيا اوف تايم....فرسومها ايضا خياليه لكنها لاتقارن برسوم ماجوراز ماسك...


ما جوراز ماسك 10/9

اوكرانيا اوف تايم10/8


ما الآن نأتي من ناحيه طريقة التجميع....

ماجوراز ماسك.....

طريقة التجميع به رائعه حيث عليك ان تجمع 24 قناع باللعبه...وكل قناع له اسراره....واحداثه الخاصه...الفرعيه...

اما اوكرانيا او تايم...

فطريقه التجميع ممتعه...لكنها ليست بمثل ما جوراز...

ماجوراز ماسك...10/8

اوكرانيااوف تايم...10/5

من ناحيه طول الللعبه....

ما جوراز ماسك....

اللعبه قصيره جذا....وهذا عيب كبيـــــــر باللعبه...

اما اوكرانيا اوف تايم...

فهي لا اقول انها طويله...لكنها معقوله جدا...


ما جوراز ماسك.....10/4

اوكراينا اوف تايم10/8

رايي الشخصي باللعبيتن....


اانا ارى ان اوكرانيا اوف تايم اروع وافضل من ماجوراز ماسك....لكثير من الاسباب...لأن ما جوراز ماسك لم نرى فيها ما توقعناه من زيلدا....فهي قصيره والقصه ليست جيده...واحدااثها قليله...






وهذه المقارنه ابديت في رايي....هذا هو رايي بالعاب زيلدا على الننتندو 64...

وشكــــــرا لكم....

[nintendo]

من ناحية القصة:
10\10 اوكرينا اوف تايم
5\10 ماجورا ماسك

الجرافيكس
7\10 اوكرينا
9\10 ماجورا ماسك

باقي الاشياء ماعتقد فيه منافسة اوكرينا اوف تايم احلى بكثير

[link.p]

انا اخالفك ياننتندو من ناحية القصه...انت تقول قصة واكرانيا واف تايم 10/10..

واعتقد ان كلامك غلط...من هذه الناحيه.....فقصتها ما تاخذ10 من 10..بل اقل..

قصة فاينل فانتسي احلى من قصة اوكرانيا اوف تايم ولا اخذت فاينل فانتسي 10 من10....من ناحية القصه...فكيف زيلدا...؟

[inspector]

انا اشوف ان زلدا اوكرينيا تاخذ 10من 10اما ماجور ماسك تاخذ 6من 10 انا قصدت بالقصة هنا كل جوانبها الترابط الاثارة التي تدفعك بقوة لانهائها اما الجرافيكس 10من10لكل الاثنين لان الاول ما استخدم القطعة الاضافية ومع ذلك نجد رسومة في غاية الروعة والثاني استخدم القطعة الاضافية فانتج رسوم في غاية الروعة بالنسبة لي كلا اللعبتين من ناحية الجرافيكس لاتقارن بتورك 2 اما عن فاينل فانتزي ومدى روعة قصتة فارى ان العبة رائعة من حيث القصة ولاكن يوجد بعض الفواصل في القصة اي التفكك في القصة يعني مرات ماتدري وين تروح بينما زلدا اوكرينيا فعند انهائك لاي جزء من القصة ستجد هنالك تغير يدفغك للامام ........انا طبعا اقصد فاينل فانتزي 7 لان 8 مااعتقد انها تستاهل انها تكون ضمن السلسلة الاكثر من رائعة اما 9 فماشفتها لاكن من خلال كلام الشباب فهي غاية في الروعة والسبب رجوع المصمم الاساسي لهامن 1الى 6 نعود لموضوعنا بالنسبة للمقارنة فهي في منتهى الظلم فمافي اي مقارنة بين اللعبتين لاكن عند مقارنة العبة الثانية باي لعبة اخرى ستجد انها في غاية الروعة

[abb]

شباب ايش حكايه التجميع هذي ايش قصدكم بها


طبعا بعد المباركه على المنتدى






مع العلم أنا ماأطيق شي اسمه زيلدا أو بالاحرى rpgماأدري ليش اشتريتها
زيلد اوكرينا أف تايم

[FAS]

بسم الله الرحمن الرحيم

السلام عليكم و رحمه الله و بركاته و بعد :

____________

من ناحيه القصه :

اوكارينا اوف تايم :

ما تختلف عن العاب زيلدا السابقه....نفس القصه ...لينك يحاول انقاذ ارض هايرول و انقاذ زيلدا .....حتى الان كل شيء متشابه ..لكن في اوكارينا اوف تايم تشوف شخصيات جديده ما كانت موجوده في العاب زيلدا السابقه ...مثل القبيلتين جورون و زورا ....تلاحظ ان لهم قصص و هذا شيء جيد ...انت تحاول تساعدهم و تحاول تعرف ايش قصتهم ....اعتقد ان وجود القبيلتين و شخصيات اخرى ( اهل المزرعه ) غيروا شيء في القصه يعني نقدر نقول في اختلاف عن الاجواء السابقه ...طبعا بشيء بسيط لكن مميز .
تقديري للقصه ك 10/10
انا ما اهتم بالعاب ثانيه بصراحه..ممكن تكون قصه فاينل فانتسي رهيبه لكن الناس اذواق ...انا ما اعرف قصه فاينل فانتسي لكن قصه زيلدا بالنسبه لي تستاهل 10/10
ممكن انت ما اعطي قصه فاينل فانتسي 10/10 لكن الامر يختلف بين انسان و اخر
على أي حال هذا رايك الشخصي و ما اقدر اغيره لكن قصه اوكارينا اوف تايم ما عليها كلام .
_________
ماجورا ماسك :

تافهه ....سخيفه ..تفتقر الى الجذب و المتابعه ...مما يؤدي الى انك تبغي الفكه من اللعبه مثل ما سويت انا .
التقدير : 4/10
______________________________________
الرسوم :

اوكارينا اوف تايم

تعتبر افضل رسوم على الننتندو 64 ...ما اعتقد ان فيها عيوب ...خاصه انها ما تستخدم قطعه التحسين
التقدير 10/10
_________
ماجورا ماسك :

تستخدم قطعه التحسين..يعني لا تتوقع رسوم تافهه
التقدير : 9/10
ممكن تستغربون لكن احنا ما شفنا الرسوم بدون القطعه..على أي حال لو كانت القطعه مب موجوده اكيد بتكون رهيبه لان ننتندو تعرف كيف تستغل قدرات جهازها مثل ما عملت مع اوكارينا اوف تايم .....و في شيء ثاني ...رسوم برفكت دارك احسن من رسوم ماجورا ماسك مع انهم يستخدمون الاقطعه...شيء غريب صح ؟
___________________________
الاصوات :

اوكارينا اوف تايم :

من ناحيه الاصوات ...اعتقد انها افضل من جميع العاب الننتندو 64 كلها...او ممكن برفكت دارك احسن في هذي الناحيه .
التقدير : 9/10
_________
ماجورا ماسك :

اعتقد انها ما تختلف عن اوكارينا في شيء .
التقدير 8/10
ممكن تستغربون...لكن مب معقول تكون مثل السابقه ...يفترض انها تتطور بكثير لكن ما في أي فرق .
__________________

عمر اللعبه :

اوكارينا اوف تايم :

اعتقد انها طويله بما فيه الكفايه ..و فيها مهمات جانبيه .. تفيدك في اللعب

________

ماجورا ماسك :

قصيره جدا ...ما تعرف ليش حجم اللعبه 256 ميجا بايت .

___________________________

المعابد و صعوبتها :

اوكارينا اوف تايم :

كهف شجره ديكو العظيمه :

بالنسبه لك كاول مره تلعب زيلدا بتلاحظ انها لعبه مختلفه عن غيرها و بتكون صعبه ..و هذا الكهف ممكن يعقدك شوي .
الصعوبه 4/5

كهف دودونجو :

يبغيله تفكير .. و لازم تستخدم القتابل بحذر و تكتشف الاماكن السريه أي ممكن توصلها عن طريق القنابل ..و التماثيل و اشياء كثير جيده في هذا الكهف .
الصعوبه : 4/5

داخل بطن جبو جبو :

مب طويل كثير ... لكن بتزعجك الهبله و ممكن تطوله عليك ..على أي حال في غالب الاحيان تلقى نفس الالغاز....اضرب بالبومرانج و تنتهي السالفه .
الصعوبه :3/5

معبد الغابه :

لازم تبحث عن اربعه اشباح ....الطريقه صعبه...انت في متاهه ما تعرف وين تروح....تقلب الدنيا و تعدلها و تدخل غرف جديده ..و تتطلعك وحوش من امكن مجهوله ..اعتقد انه صعب ...ما ادري كيف خلصته .
الصعوبه : 5/5

معبد النار :

تبحث عن قبيله جورون المحبوسه ..لازم تساعدهم و تلقى زعيمهم ...و انتبه من الحراره انتبه من البراكين ....كل شيء ناري ...يبغيلها تفكير و تشغيل مخ ......لازم تستخدم المطرقه....لازم تنتبه لما تتحاصر من النيران و تعرف كيف تطلع .

الصعوبه : 5/5

معبد الماء :

بدون تفكير ..اصعب معبد ..دوخني ..جلست عليه اكثر من اسبوعين ...و مب انا الي حليته ..اخوي كان يجرب و حله لي ....مشكله هذا المعبد ...ترفع الماء و تنزل الماء و تتعلق بالهوك شوت ....مشكله كبيره ..اعتقد انه يستاهل اكثر من صعب.
الصعوبه :6/5
لا تستغربون لكن هو فعلا صعب .

البئر :

لازم تلقى العدسه ...مهم جدا ..و ما تلقاها الا من خلال البئر .. و اعتقد انه صعب و مخيف شوي ......تحاول الاندماج معه ..و تلاحظ اذا في شيء بيطلع او لا.... تسمع اصوات لكن بدون أي شيء ...ما تلقى حد...صوت بدون جسم....بعدين تاخذ العدسه و تعرف كل شيء .
الصعوبه : 5/5

معبد الروح :

لازم تلعب و انت صغير و بعدين تكبر عشان تحل الالغاو الي فيه ....و انت صغير لازم تلقى المرأه العاكسه ..و لما تكبر تستخدمها في حل الالغاز .
الصعوبه : 4/5

معبد الظل :

صعب ....لازم تستخدم عدسه الحقيقه ( Lens Of Truth ) عشان تكتشف الاماكن المختفيه ...تحتاج للتركيز ....لازم تنتبه من الافخاخ ( جمع فخ ) قبل النهايه انتبه لا تطيح السفينه ..حاول تهزم الهياكل العظميه بسرعه ... بتلقى غرفه كلها طوف (جدران ) تتوهق فيها ...بعدين تتوجه لغرفه قبل نا تدخل غرف الزعيم ....لازم تنتبه لانها مليانه حفر .
الصعوبه ك 5/5
الشيء الغريب اني انهيت هذا المكان بدون السهم الناري و الشيء الاكثر غرابه اني انهيت اللعبه كامله بدونه .

قلعه جانون :

فيها من كل المعابد....من كل الالغاز الي واجهتها ..بتشوفها متجمعه في مكان واحد ...تحتاج للتفكير و التركيز .. تستخدم ادواتك .... العدسه مهمه لكي تتجنب الحفر و الاماكن الغير موجوده ..و اشياء تحتاجها في مكان صعب ...مكان فعلا صعب .
الصعوبه : 5/5

___________

ماجورا ماسك :

معبد وود فول ( حمص ) :

ما اعتقد ان فيه صعوبه ابدا ...ممكن تواجه مشكله الوقت لكن تحلها بسرعه .
الصعوبه : 2/5

معبد سنو هيد :

احسن شيء في هذا المعبد انه كبير ...يعني بيطول معك ...فيه شويه صعوبه ..جيد بصفه عامه .
الصعوبه : 4/5

معبد الماء ( نسيت اسمه ) :

ما ادري ليش ..دايما معابد الماء صعبه ؟ يمكن لانك تلعب في طرفين ( يابس, ماء ) ممكن ..لكن المشكله ان الغازه متشابه...تروح تدير مفتاح و تقفل مفتاح... جدي ايضا .
الصعوبه : 4/5

معبد ايكانا ( نسيت اسمه ) :

صحيح اني طلبت المساعده فيه لكنه سهل ...ما ادري ليش طلبت المساعده؟ يمكن ابغي الفكه ...يمكن لان اللعبه ما عجبتني بصراحه .
الصعوبه : 3/5

_______________________________

الزعماء :

اوكارينا اوف تايم :

الملكه غوما ( كهف شجره ديكو العظيمه ) :

مثل ما قلت ..انت اول مره تشوف لعبه بهذي الطريقه ...اكيد انها بتكون صعبه بالنسبه لاول مره ..خاصه انك ما تعرف ان نقطه ضعف الزعيم بالسلاح الي تاخذه في الكهف .
الصعوبه : 4/5

الملك دودونجو ( كهف دودونجو ) :

ما اعتقد انه صعب كثير ...لما تعرف ان القنابل نقطه ضعفه ..بسهوله تهزمه ...لكن المشكله قبل لا تعرف ايش تسوي ؟؟ على أي حال مستواه مقبول ..هزيمته سهله .
الصعوبه ك 3/5

بيرنيد ( داخل بطن جبو جبو ) :

اضربه البومرانج ..و بيتجمد ....اضربه بالسيف و تنتهي سالفته ..مب صعب كثير .
الصعوبه : 3/5

غانون الخيالي ( معبد الغابه ) :

تبغون الصراحه ....ما اعرف كيف هزمته ...لما لعبت معه مره ثانيه ما عرفت اهزمه ..لكن هزمته بس ما اعرف الطريقه ...بصراحه في البدايه كان سهل لما يطلع من اللوحات ( مب سهل كثير ) لكن المشكله لما يفقد الحصان يصير اقوى.
الصعوبه : 5/5

فالفيجيا ( التنين ) ( معبد النار ) :

تعقدت معه ..حاولت مرار و تكرارا ..بس بدون فايده ,,,بعدين تذكرت لعبه في اماكن التسليه ( الملاهي ) و هي لعبه السناجب ...لما يطلعون و تضربهم بالمطرقه ...تذكرتها و شفت حفر كثيره يطلع منها ...و سلاح المعبد هو المطرقه ..اكيد نقطه ضعف التنين في المطرقه ..فعلا هزمته بالطر يقه هذي .
الصعوبه : 5/5

نسيت اسمه ( معبد الماء ) :

سهل و ما يبغي أي تفكير او تعب .

الصعوبه : 2/5

توين روفا ( معبد الروح ) :

في البدايه تواجه الساحرتين ..كل وحده لها قوه ..الاولى ثلج و الثانيه نار....تلقائي تعرف ان لازم تعكس ضرباتهم على القوه المعاكسه خاصه ان سلاح المرحله هو المرأه العاكسه ....لكن بتواجه صعوبه في توجيه الضربه للطرف المعاكس الي يكون متحرك بينما الطريف المهاجم يكون مواجهك...احيانا تتأثر بالضربه اذا كنت مركز على الطرف المعاكس .
الصعوبه : 4/5

نسيت اسمه ( معبد الروح ) :

هو عباره عن تكرار للملك غوما ..لكن مع اضافه استخدام العدسه..لكن ما في أي اختلاف ...ما بتواجه أي صعوبه .
الصعوبه : 1/5

غانوندورف :

بصراحه صعب ..ما بتعرف له اول مره ...يمكن تسويها بالصدفه و بعدين تعرف نقطه ضعفه ..لكنه يظل صعب ...احسن شيء لما كان يعزف البيانو ....ضحكته حلوه بعد .
الصعوبه : 5/5

غانون :

ما ادري وش سالفته لكن مستواه ما يناسبه...مب معقول الزعيم الاخير يكون سهل لهذي الدرجه .
الصعوبه : 3/5

_________

ماجورا ماسك :

اودولفا ( معبد وود فول ) :

سهل جدا...مب معقول معبد سهل و زعيم اسهل بكثير .
الصعوبه ك 3/5

غوتا ( معبد سنو هيد ) :

عيب لو تكلمت عنه .
الصعوبه : نص / 5
ملاحظه : ( نص ) كثيره بالنسبه له .

جايرو او جيرو ( معبد الماء ) :

عنيف ....قاتل ....مهلك .......مستحيل ...ما اقدر اكمل .
الصعوبه 7/5

ملاحظه : بصراحه هو احسن شيء باللعبه ....صعب و تطلع عيونك لين تهزمه ....بصراحه اعتقد انه بدون مثيل ...حتى زعماء اوكارينا اوف تايم اسهل منه .

الدودهام راسين ( معبد ايكانا ) :

ما في أي شيء يسمح لها تكون زعيم لمعبد .....عطوك قناع العملاق عشان تحرابها ...قناع عالفاضي و زعيم خرطي .
الصعوبه : اكراميه نعطيها 1/5

قناع ماجورا :

قلت اكيد هذا الي ما باقدر اواجهه ...اكيد ...صعب ...طلعت الاقنعه ..اقنعه الزعماء تجمعت في شكل واحد ...بدون أي كلام ....تلقائي بتقول انك ميت .... و فجأه ....تلقاه خرطي بمعنى الكلمه ...اضرب أي كلام الا هو ميت ...وين الزعيم الاخير ..ما نعرف ...تضرب...يتغير شكله ...تضرب يتغير شكله .....ما في أي شيء يؤهله ليكون زعيم اخير ...خساره .....مسخ اللعبه .
الصعوبه : 0/5 مايستاهلها

________________

الاسلحه و الادوات و الالعاب الجانبيه مع بعض الخرابيط :

انت تسميها التجميع .

اوكارينا اوف تايم :

الاسلحه كثيره ...كل سلاح له فايده ..السلاح يدوم معك و تستعمله في اماكن ثانيه ...و العاب جانبيه كثيره....من خلالها تاخذ اشياء مهم ....تجمع الدجاج و تاخذ زجاجه .... تبيع الاقنعه و تاخذ قناع الحقيقه ....و اشياء كثيره ...و ما ننسى السكول تولا .

ماجورا ماسك :

صحيح كل قناع له فايده و كل قناع له استعمال ...لكن للاسف انت تاخذهم للزينه عفوا تاخذهم عشان تكمل المجوعه الي عندك لا اكثر ...اما الادوات و الاسلحه ...عالفاضي...سلاح تستخدمه مده معينه و ترميه ...على سبيل المثال العدسه ..ما تستخدما الا عشان تلقى الجورون الميت...بس ...طيب ليش حطوها..بس عشان كذا ...اسباب تافهه ....و الالعاب الجانبيه مثل القديمه ..فجر و العب بالسهوم و ما ادري ايش ..لكن في النهايه نفس المصير .....تاخذ قلب .

___________________________

في النهايه :

بالنسبه لي اوكارينا اوف تايم افضل بكثير من ماجورا ماسك و بالنسب لي ...اعتبرها افضل لعبه من بين جميع الالعاب مهما اختلف نوعها او اسلوبها .

تقديري لاوكارينا اوف تايم : 100%

تقديري لماجورا ماسك : 80 %

اذكر اني قلت للينك هيرو تقديري لماجورا ماك 92 %

لكن اعتقد اني كنت اجامله

__________

بديت اشك....اتوقع ان اوكارينا اوف تايم بتكون افضل لعبه....اعتقد انها بتكون افضل من زيلدا 128 .....مع اني اتمنى ان اشوف زيلدا 128 افضل ...لكن ما ادري ...شعوري كذا .

على أي حال اعتقد اني طولت معكم ...او طولت عليكم ...لكن لازم اوضح كل شيء و ما اكتفي بكلمه او كلمتين ....و بصراحه هذا الموضوع عجبني .

اسف لانني مللتكم ..مع اني ما اعتقد انكم قريوا كلامي ..على أي حال.... نشوفكم في موضوع ثاني ..

تحياتي

[zapdosr]

الخطاء في ماجورو ماسك أن لنك لا يكبر

[zapdosr]

والخطاء في ماجورو ماسك أشان تحصل علىماسك لازم يكون شبح أو هيموت مثل
الجورن و الوزا(نسيت أسمهما)



ـــــــــــــــــــــــــــــ
هذا أعتقادي

[link.p]

يافاسانا اخلفك في نقاط كثيره ...منها....

انك تقول ان رسومم اكرانيا اوف تايم 10/10...كلامك غلط...وبعيد عن الصح...


وتعطي ما جوراز ماسك...الي رسومها احلى من اكرانيا اوفتايم10/9...؟!

بغض النظر عن قطعة تحين الرسوم...رسم ماجوراز افضل وبس...

اما عن الصعوبة ما أدري كيف تقول ان اوكرانيا اصعب...؟!!....فصعوبة ماجوراز ماسك...اصعب من اكرانيا اوف تايم بدون تفكيــــــــــر...ماجوراز ماسك اصعب منها بعشرات المرات...

فأنا خلصت اوكرانيا اوف تايم...في اسبوع ونص...اما ماجوراز فخلصتها بالضعف...واذا ما كان اكثر....واذا كنت تبي تخلص اللعبيتن كاملات...

فبتجلس على اوكرانيا اسبوعين.((بعد ما تخلص اللعبه طبعا))..وعلى ما جوراز ماسك شهرين على الاقل...

((طبعا بدون الحل الكامل للعبة..))

هذي الصراحه اول مرة اسمع واحد يقول كذا...



ما أصدق انك تعطي ماجوراز ماسك 80%...على الاقل لو كنت تكرها الىهذي الدرجه...مفروض تعطيها90% على الاقل...

اما اكرانيا فأنا اعطيها 98%لانها لعبة اكثر من رائعه...

فمب ممكن تعطي لعبه 100% لأن كل لعبه فيها عيوب...


...شكرا يا فاس الحمدلله الموضوع عجبك...ولا تزعل من معارضتي لبعض النقاط التي انت ذكرتها لأن هذا هو رايي...وهذا مجر نقاش لا اكثر...

[FAS]

ليش ازعل

الناس اذواق

انت لك راي و انا لي راي

ما في اي مشكله معي ...بس هذا راي في اللعبتين

على اي حال ننتظر زيلدا 128 ان شاء الله نشوف شيء احسن

[link.p]

ان شاء الله نشوف في زيلدا 128 شيء احسن...

[mohnnad]

على الأقل يتحول لينك على ديكو سكرب و جورن و زورا و كل واحد منهم له ميزة وأشياء عجيبة أما أركينا أف تايم فكبر ويصغر فقط .