• 0
  • مالي خلق
  • أتهاوش
  • متضايق
  • مريض
  • مستانس
  • مستغرب
  • مشتط
  • أسولف
  • مغرم
  • معصب
  • منحرج
  • آكل
  • ابكي
  • ارقص
  • اصلي
  • استهبل
  • اضحك
  • اضحك  2
  • تعجبني
  • بضبطلك
  • رايق
  • زعلان
  • عبقري
  • نايم
  • طبيعي
  • كشخة
  • صفحة 1 من 6 123456 الأخيرةالأخيرة
    النتائج 1 إلى 15 من 77

    الموضوع: اللي يبي مساعده انا حاضر في الحل الكامل للعبه رزدنت ايفل على جيم كيوب

    1. #1
      التسجيل
      28-04-2002
      الدولة
      الكويت
      المشاركات
      87
      المواضيع
      19
      شكر / اعجاب مشاركة

      Thumbs up اللي يبي مساعده انا حاضر في الحل الكامل للعبه رزدنت ايفل على جيم كيوب

      السلام عليكم




      يا خوان اللي يبي مساعده أنا حاضر من الألف الي الياء في رزدنت ايفل على جهاز جيم كيوب .........


    2. #2
      التسجيل
      10-06-2001
      الدولة
      Jeddah
      المشاركات
      873
      المواضيع
      44
      شكر / اعجاب مشاركة

      Thumbs up

      حــلــو ..

      أقولك أنا أبغى رقم المعمل إلي عند النبتة 24 ( كريس ) !!؟
      و في ألقى مفتاح غرفة الملابس ( تختيمة جيل ) !!؟

      و سلامتك ..

    3. #3
      التسجيل
      28-04-2002
      الدولة
      الكويت
      المشاركات
      87
      المواضيع
      19
      شكر / اعجاب مشاركة
      السلام عليكم


      هلا بك أخويMr.VEGA حبيبي يوجد أختلاف بين رقم معمل كريس ورقم معمل جيل

      وكريس رقم المعمل 563 ولكن ما الأستفاده من فتح معمل كريس أذا كنت ماتقدر تأخذ أي زجاجه


      في كريس لاتستطيع أن تكون دواء ولكن تستطيع قتل النبته في البندقيه وهناك أماكن في الغرفة النبته تستطيع أن تصل الى رأس النبته وتقتلها وهذا هو الحل الوحيد

      ملاحظه مهمه جدا

      أذا أردت أن تتعرف كيفية قتل النبته شغل الجهاز أجعل الجهاز على وضعيت الأختيارات وأنتظر دقيقه سوف يظهر لك بعض اللقطات لكريس وجيل وهم يحاربون الزومبي عند مشاهدتك للقطات أضغط على الزر الأخضر مرتين متتاليتين أو أكثر من مرتين ... وسوف تشاهد لقطات لم تراها من القطات المعروضه من قبل الشركه .... وبالتوفيق


    4. #4
      التسجيل
      10-06-2001
      الدولة
      Jeddah
      المشاركات
      873
      المواضيع
      44
      شكر / اعجاب مشاركة
      ألف شكر .. بس يا ريت لو تجاوب على الثاني تبع تختيمة جيل ؟

    5. #5
      التسجيل
      28-04-2002
      الدولة
      الكويت
      المشاركات
      87
      المواضيع
      19
      شكر / اعجاب مشاركة
      السلام عليكم




      أذا أنهيت اللعبه يعطونك المفتاح ويطلب منك التخزين .....


    6. #6
      التسجيل
      08-02-2002
      الدولة
      123
      المشاركات
      42
      المواضيع
      5
      شكر / اعجاب مشاركة

      أبغى

      ماهو حل لغز اللوحات بسرعة لو سمحت :" :" :" :" :" :" :"
      123

    7. #7
      التسجيل
      28-04-2002
      الدولة
      الكويت
      المشاركات
      87
      المواضيع
      19
      شكر / اعجاب مشاركة
      السلام عليكم

      هلابك أخوي المعبر شوف أخوي الحل البسيط



      أولا أذا دخلت من الباب عندك الصوره الأولى لازم يكون لونها برتقالي شغل الليت وجرب أذا أحتاجت الليت وعطتك اللون البرتقالي يكون حلك صحيح..والصوره الثانيه لازم يكون اللون بنفسجي يمك ماتحتاج ليت..جرب .. والصوره الأخيره الزم يكون اللون أخضر أستخدم الليت ..وجرب..الجهه الأخرى الصوره الأولى لازم يكون اللون أخضر .. والصوره الثانيه لون بنفسجي يمكن تستخدم الليت...جرب والصوره الأخيره اللون البرتقالي.....وأخيرا صورة المرأه المقابله أضغط عليها بعد ترتيب الألوان بشكل الصحيح....


      بعض الصور تحتاج ليت والعكس صحيح
      التعديل الأخير تم بواسطة NOKAI ; 22-06-2002 الساعة 06:09 PM


    8. #8
      التسجيل
      19-02-2002
      الدولة
      دار الظــبي
      المشاركات
      1,705
      المواضيع
      67
      شكر / اعجاب مشاركة
      مرحبا

      أنا العب في جيل وأخذت ميداليتين وحدة عليها صورة نسر والثانية عليها صورة ذيب وين أوديهن ?:


      وشكرا

    9. #9
      التسجيل
      03-05-2002
      الدولة
      تجدني بمنتدى النينتندو - الإمارات (أبوظبي)
      المشاركات
      2,790
      المواضيع
      594
      شكر / اعجاب مشاركة
      آسف على المداخلة , بس إنتم تعرفون إني أحب أرد على أسألت الأعضاء وخصوصا ً للعبة ريزدنت إيفيل , وأحاول بكل جهدي إني أرد عليهم بشكل سريع عشان ما يملون من اللعبة ...

      المهم ...

      أخ ez2dj

      الحين إنت خلاص تقريبا ً خلصت الديسك الأول , إلي عليك هو لو تتذكر القطعة إلي طلعتها من التابوت يوم تحط الأربعة الأقنعة , في قطعة تاخذها وتحطها في باب يوديك بره القصر , خذ هذه القطعة , وإذا إنت عندك الميداليتتين فا أكيد بيكون عندك قطعة مماثلة بالضبط لقطعة إلي تحطها على الباب إلي يفتحلك بخارج القصر ... إذا عندك الثنتين سير في بداية اللعبة عند الدرج الرئيسي , ورا الدرج في باب غامض حتى صدر منه صوت ليزا , في هالباب يحتاج للقطعتين إلي قلت لك عنهم , حط القطعتين بطرف الباب وبيفتح لك ...

      أي مساعده أنا في الخدمة

    10. #10
      التسجيل
      19-02-2002
      الدولة
      دار الظــبي
      المشاركات
      1,705
      المواضيع
      67
      شكر / اعجاب مشاركة
      مشكوووور .Nintendo. Cube على الحل أنا الحين رايح اسويه بس انا حصلت القطعة الي تتكلم عنها وين أحطها ؟؟؟

      وعلى طاري الدسك الثاني هو نفس طول الدسك الأول أو أقل ؟

    11. #11
      التسجيل
      28-04-2002
      الدولة
      الكويت
      المشاركات
      87
      المواضيع
      19
      شكر / اعجاب مشاركة
      السلام عليكم


      مشكووووور أخوي .Nintendo. Cube انت الخير والبركه بس تمنينا أنك حاط الموضوع من زمان علشان ما تكرر الموضيع كل واحد يطلب موضوع معين هذا الموضوع أعتبره لك وانت ترد على طالبين المساعده وأنا منهم ألا أذا كانت انت غير موجود أنا أرد عليهم ..............




      أما بالنسبه للأخ ez2dj فالدسك الثاني قصير جدا وانت عند نهاية اللعبه


    12. #12
      التسجيل
      19-02-2002
      الدولة
      دار الظــبي
      المشاركات
      1,705
      المواضيع
      67
      شكر / اعجاب مشاركة
      مشكوورين

      بس Nintendo. Cube أنا ركبت عندي القطعة الأولى بس الثانية مارضت تركب الظاهر اني لازم اركب الحجر عليه بس وين هذا الحجر ?:


      وأنا عندي اشياء ماعرفت كيف استعملهن وهي الديسك و محلول الي صنعته اسمه v-votge اعتقد قريب من هذا الاسم

      هذي هي اسئلتي

      ومشكوورين


    13. #13
      التسجيل
      03-05-2002
      الدولة
      تجدني بمنتدى النينتندو - الإمارات (أبوظبي)
      المشاركات
      2,790
      المواضيع
      594
      شكر / اعجاب مشاركة
      همممممممممممممممممم إذن إنت نسيت شيء بالديسك الأول ...

      أسمع في الباب الرئيسي خل الدرج أمامك , بيكون في يمين الشخصية بابين و في شمال الشخصية باب واحد (الذي يؤدي إلى غرفة الطعام) ...

      أوكي إلي فاليميمن , قلنا إنه فيه بابين الباب الأول تقدر تفتح بالبداية إلي نريده هو الباب إلي بعده , أدخله , بتحصل عمرك بغرفة , وفيها ممر طويل وآخره باب أفتحه ...

      بتلقى عمرك بغرفة فيها منظرة كبيرة وفيها زومبي واحد فقط , في هذه الغرفة في خزانة أفتحها وبتحصل صندوق ...

      لغز الصندوق :
      الصندوق بحاجة إلى جوهرة حمراء (قلي إذا كانت عندك الجوهرة) , لما تحط الجوهرة تتكسر زجاج الصندوق وعليك أن ترتبهم ... طريقة الترتيب نفسه هذه الصورة :-

      بعد ما تحلها بتلقى مفتاح ...

      هذا المفتاح يفتحلك باب موجود في الممر إلي فيه باب مال الصور , حتى في هالباب شيء مثل مجسم النمر ...

      إذا فتحته بتلقى حجر الثاني للباب السري إلي يطلب منك تحط الحجرين (أقصد الباب إلي فيه صوت ليزا) لم ننتهي بعد , إنت عندك الحجر لكن فيه شيء ناقص , هو إطار الحجر ...

      إطار الحجر بتلقاه في المجاري , أظن إنك تعرف كيف توصل للمجاري عن طريق اللفت إلي موجود خارج القصر , لو دخلت المجاري وحاولت تستكشفها كلها , بتوصل في مكان وهو غرفة ليزا , حتى باب إلي يوديك لباب ليزا إله لغز وهو إنت تحط على الباب قاذف اللهب , المهم لما تحطه بتلقى عمرك بغرفة ليزا المليئة بالشموع , وفي ممر بالغرفة نفسها مملوء بماء المجاري , ولما تمشي لنهاية الممر ستجد نفسك إنك بغرفة أخرى وتحوي هذه الغرفة على صندوق لو فتحت الصندوق بتحصل فيه إطار القطعه أدمجهم مع بعض و سير حطه بالباب إلي تحت الدرج وإنشالله بيفتح لك ...

      أظن إني في هذا الشرح دليتك وين مكان القطعه وإطارها ... فلو كان عندك القطعة والإطارة فأدمجهم مع بعض وتجاهل إلي كتبته ...

      وشكرا ً

    14. #14
      التسجيل
      03-05-2002
      الدولة
      تجدني بمنتدى النينتندو - الإمارات (أبوظبي)
      المشاركات
      2,790
      المواضيع
      594
      شكر / اعجاب مشاركة
      الرسالة الأصلية كتبت بواسطة ez2dj

      وأنا عندي اشياء ماعرفت كيف استعملهن وهي الديسك و محلول الي صنعته اسمه v-votge اعتقد قريب من هذا الاسم
      بالنسبة للديسك إلي لقيته أسمه مو-ديسك , هذا يفتح لك باب إلي محجوز فيه كريس إذا كنت بجيل أو يفتح لك باب إلي محجوزة فيها جيل هذا إذا كنت تلعب بكريس , المهم هو في الديسك الأول فقط واحد مو-ديسك ما في الديسك الثاني فموجود ديسكين وبتحتاجه بالديسك الثاني ...

      أما عن محلول V-Votage ممكن تقولي وين يبته , والله أذكر إني شفته باللعبة لكن ما أذكر شو سويت فيه ؟؟؟ ترا صارلي زمن وما لعبت باللعبة ...
      ما أظن إنك بتحتاجه ...

    15. #15
      التسجيل
      19-02-2002
      الدولة
      دار الظــبي
      المشاركات
      1,705
      المواضيع
      67
      شكر / اعجاب مشاركة
      يعني أنا الي نسيته هو الإطار والحل في المجاري

      أنا ما رحت غرفة ليزا ......بس قصدك اللفت الي لازم تركبله البطارية أو في لفت الثاني الي قريب من المطبخ ؟؟




      أدري اني تعبتك من أسئلتي



      بالنسبة للمحلول أنا يبته من الغرفة الي قريبة من خلية النحل و الي يكون فيه أربع زجاجات فاضية ...ولازم تعبيهن لين ماتسوي المحلول

    صفحة 1 من 6 123456 الأخيرةالأخيرة

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •