العادات الغبية
بسم الله الرحمن الرحيم
سلام
ودي اتكلم عن بعض عادات العرب اللي ما ادري من وين جت
فيه عادة منتشرة في الخليج و يمكن في كل المنطقة العربية و هي ان البنت لولد عمها و الولد لبنت عمه
ايش هالكلام الفاضي؟؟؟؟
والله احنا عندنا عادات ما ادري وش تبي
تصدقون ان بعض الاحيان يكون ولد العم مثل ولي الامر على البنت و انه اذا واحد غير ولد العم تقدم للبنت لازم اول يروح يستاذن من ولد العم قبل البنت !!!!!
شنو هو بيتزوج ولد العم و الا البنت؟؟؟
والله حاجة غبية عن جد
تلقى اصل هالعادة واحد أمي أعرابي ما يدري وين ربي حاطه فيه
و طلع فيها بين القبيلة قبل 1000 سنة
ادري ان فيه ناس الله يشفيهم راح يردون و يقولون لي ان هاذي عاداتنا و تقاليدنا
والله ما ضيعنا الا هالخرابيط عاداتنا و تقاليدنا و كل ما قلنا شي قالوا عاداتنا و تقاليدنا والله احنا ماكلين مقلب في هالعادات والتقاليد
الله عطانا العقل عشان نفكر فيه مو عشان نقول عاداتنا و تقاليدنا لازم نفكر في كل شي وشلون جت هالعادة و ليش احنا نسويها و هل هي منافية لما تعلمناه في ديننا الحنيف
و اذا كتنت ما تخالف الدين فمافيه مشكلة و اذا كانت تخالف الدين
فــــــــــــطـــــز في العادات و التقاليد اذا كانت تعارض الدين
للعلم زواج الاقارب هو من اكثر الاسباب لانتقال و ازدياد نسبة الامراض الوراثية في العائلة و خذ مثال مرض السكري
تزداد نسبة الاصابة بمرض السكري الي 50% اذا كان الزوجين ابناء عـــمــومــة
خذ مثل ثاني على العادات المقرفة الموجودة في الخليج
و هي ان الرجال ما يشوف الحرمة الا ليلة العرس
والله اني احس اني راح استفرغ
الموضوع مو لعبة وشلون كنا عايشين
و اذا قلت شي قالوا هذاي عاداتنا و تقاليدنا
و الله ما ضيعنا و لا ضيع الامم الفانية اللي كذا و ارجعوا للقران اذا مو مصدقين
في القران كم مرة تكرر ما معناه ان كنا نرى اباءنا كذلك يفعلون
يعني عشان ابوك سوا كذا هذا معناه ان ابوك صح
الواحد يتزوج على حظه ما يدري وش يجيه
شف هالعادة الخايسة ما زالت موجودة في عصر الفضاء و الكمبيوتر و الرسول صلى الله عليه و سلم قبل 1400 قال لاحد اصحابه لما عرف انه صاحبه خطب بدون ما يشوف قال له يروح يشوفها اول
طــــــــــــــز في الــعــادات و الـتــقــالــيــد اذا كــانــت تــخــالـــف الـــديـــن
هذا حق لك فلا تتهاون فيه ابد و اذا ما خلاك تشوف البنت ترى هاذي خيرة لك لان اهل البنت واضح انهم دجج و ما يفهمون و انت مو محتاج تزيد نسبة الغباء في عيالك و روح دور على بنت حلال ثانية
النظرة حق لك و للبنت بعد
أفضل طريق للتنبؤ بالمستقبل ....... هي أن نصنع ذلك المستقبل
