نقلاً عن ساحة الاقلاع
اللي يقول ان السعودية ما سوت شئ ما عنده سالفه
شوف هالخبر...
>>>>>>
سوت دار أزياء في المانيا اسمها " ستيلمان " وعارف ان منمب حافظينها وعشان كذا
احذفوا الياء وقدّموا اللام وتصير " سليمان " هاه حفظتوه ؟ " أقول سوّت دار هالازياء
استفتاء عن أوسم لاعبين العالم وأكثرهم ملح وقبله وشارك فيه حول مليون ونصف بنت
وقامن يتلـّصن في اللاعبين ويتمقـّـلن ويبحلقن في الشاشات كنهن شيابنا الا جت هيفا الين رشـّحن الفايزين
وفاز بأملح لاعب : اللاعب التركي الهان مانسيز وجاه ثلثين الاصوات هذا وهو مالعب الا شويّ ضد البرازيل
بس المملوح مملوح لو مايطّقها والماصل ماصل لو يلعب مليون مباراة
وجاء في المركز الثاني الانجليزي ديفيد ثم الاسباني فرناندو وعقبه الدانماركي
مارتن لارسن والخامس اختارو الهداف الالماني كلوزا على ان أكثر اللي مشاركات المانيات
عزّ الله انهن حقانيات ولاعندهن فاحد المهم ان المركز السادس جاء الايرلندي روبي كيوأزين مافي هالاستفتاء انه
زيّن صورتنا شويّ " الله من زين هالصوره " .. وان فاتنا اللعب لايفوتنا الزين يعني مهيب وجيهه يقولون السعوديين شيون في اللعب والشكل المهم ان
نوّاف التمياط بيّض الله وجه رضا تكر " والا نواف مايزداد " جاء في المركز
الثامن وكود يحسبون ان انحن كلنا زيون ، وجاء عقبه الارجنتيني كريسبو ثمّ البرازيلي جينينيو يعني انحن ((أقوى من الارجنتين والبرازيل وأحسن منهم وأملح بعد))
وفي المركز الحدعش جاء اللاعب الايطالي فييري
والمراد ان شركات الاعلان واللي ينتجون أفلام السينما وبعض دور الازياء كانو مهتمين مرة من هالاستفتاء عشان
ينشبون في حلوق الطخمان ويسايسونهم حتى يروّجون بضايعهم ويمشّون سوقهم ويخلونهم يسوون لهم دعايات
والمهم ان هالبنيّات ما اختاروا من آسيا الا التمياط بس والله لايلومهم اليابان والصين وكوريا كلهم عيونهم حلوه و سود ووساع وكل واحد ٍ منهم خشمه سلة سيف
