حلقات Inu Yasha

[Nintendo, Cube.]

ياليت لو أحد منكم يعطيني مواقع فيه حلقات Inu Yasha , أنا عندي أول 8 حلقات ...

وياليت لو يحد يرد على سؤالي ...

س: هل فيه فلم لهذا الإنيمي Inu Yasha ؟
ج: أنتظر الجواب

[Anime-Girl]

بالنسبه للحلقات صعبه وما تلقاها الا في برامج تبادل الملفات..
وممكن تاخذ من موقع البطل حلقات المسلسل ..وهي الى الا ن 3 بس
ومترجمه بالعربي..
وهو قريب راح يحط كل الحلقات..
www.uae-hero.com
...............
اما بالنسبه للفيلم ..اكيد له فيلم..
بس الى الان عرض في اليابان على علمي ولم يترجم..يمكن ترجمه احد الهواه..الله واعلم..
المهم هذا مقطع من الفيلم..
مقطع من فيلم انيوشا

[Nintendo, Cube.]

ألف شكر لش أختي و ألف شكر للأخ بطل الإمارات

أنا نزلت حلقتين إلي من إعدادكم وكانوا مترجمين باللغبة العربية , وبصراحه تحمست وايد للمسلسل وأنا الحين قاعد أحاول أنزله بالبرامج تبادل الملفات , والله يوفقني لإنزال جميع الحلقات

هل تنصحوني إني أشتري DSL هل بيزيد من سرعة الإتصال وبذلك يوصلني الملف بسرعه ولا ما يزيد ...

علما ً بأني من الإمارات -- أبوظبي

[smsom]

هل تنصحوني إني أشتري DSL هل بيزيد من سرعة الإتصال وبذلك يوصلني الملف بسرعه ولا ما يزيد

اكيد بزيد سرعة التنزيل بفرق اكبير و السعر واحد مايختلف حتى لواستخدمت الانترنت اربع عشرين ساعه لمدة شهر
وانا انصحك بي هذي الخدمه اذا كنت تستخدم الانترنت لفتره طويله

وعلى فكره بطل الامارات بيحط في موقعه كل اسبوع حلقتين ايداد والحلين واصل لين الحلقه الرابعه والخامسه

[Nintendo, Cube.]

الرسالة الأصلية كتبت بواسطة smsom


اكيد بزيد سرعة التنزيل بفرق اكبير و السعر واحد مايختلف حتى لواستخدمت الانترنت اربع عشرين ساعه لمدة شهر
وانا انصحك بي هذي الخدمه اذا كنت تستخدم الانترنت لفتره طويله

وعلى فكره بطل الامارات بيحط في موقعه كل اسبوع حلقتين ايداد والحلين واصل لين الحلقه الرابعه والخامسه

لحظة , لحظة , الحين بطل الإمارات بيترجم جميع الحلقات باللغة العربية ... وكل أسبوع بيحط حلقتين مترجمتين باللغة العربية ...

لأنه في واحد قالي إنه بطل الإمارات مل وقال إنه بيحط حلقات اليابانية إلي مترجمه باللغة الإنجليزية ..

[BOY_THING]

لو تصبر .. على بطل الأمارات ... راح ينزل كل الحلقات

[smsom]

الرسالة الأصلية كتبت بواسطة .Nintendo. Cube


لحظة , لحظة , الحين بطل الإمارات بيترجم جميع الحلقات باللغة العربية ... وكل أسبوع بيحط حلقتين مترجمتين باللغة العربية ...

لا مب مترجمات بالعربي .. بالإنجليزي .. أعتقد هو مشغول هاذي الأيام

و عن الفيلم .. في فلم و نزل Fan Sub (مترجم للإنجليزية)

[بطل الأمارات]

هيه والله مشغول هاذي الأيام ...أسمحولي يا جماعه على التأخير

وإن شاء الله بنزل اليوم الحلقه السادسه والسابعه

[سفير الغلا]

مشكووورين يا اخوان على هذه المعلومات:0) :0) :0) ;-) ;-)

[بطل الأمارات]

الرسالة الأصلية كتبت بواسطة .Nintendo. Cube
ألف شكر لش أختي و ألف شكر للأخ بطل الإمارات

أنا نزلت حلقتين إلي من إعدادكم وكانوا مترجمين باللغبة العربية , وبصراحه تحمست وايد للمسلسل وأنا الحين قاعد أحاول أنزله بالبرامج تبادل الملفات , والله يوفقني لإنزال جميع الحلقات

هل تنصحوني إني أشتري DSL هل بيزيد من سرعة الإتصال وبذلك يوصلني الملف بسرعه ولا ما يزيد ...

علما ً بأني من الإمارات -- أبوظبي

العفو أخوي ...
أكيد الـ DSL بيزيد من سرعة الأنترنت عندك ...وأعتقد أنه أفضل خدمه للأشخاص الي يستخدمون الكمبيوتر بكثره ...لأنه بهاذي الطريقه بيحصل على سرعه أكبر و بيوفر فلوسه ...بدل أنه ما يستخدم خط الأنترنت العادي ويجلس على الكمبيوتر بالساعات ويخسر مصاريف زياده ...أعتقد أنه الـ DSL بيكون أفضل حل بالنسبه له ;-)