كوابيس فاتل فريم

**ash 90** · 03-07-2002, 05:08 AM

طبعا محد فيكم ما يعرف هذي اللعبه و الي اطلق عليه ارعب لعبه على جميع الاجهزه و اكيد الكل لعبه

و فكرة الموضوع انك تكتب المواقف الي صارت لك باللعبه من خوف و كل شيئ و انا اول واحد راح ابدأ:

لما سمعت عن اللعبه انه تخوف و تطير الواحد رحت و شريت و بالبدايه طبعا الموسيقه رائعه و مرعبه و بعده لعبت بالصحفي بالأبيض و الأسود و أتجول بالبيت و لا اعرف شلون طريقة التصوير و رحت امشي و قلت انه اللعبه عاديه لكن و انا كنت واقف بمكان شفت

شفت واحد قاعد يطلع علي من فوق و رحت سكرته و ما لعبت اللعبه لمدة اسبوعين و جيته قلت بكملمه و وصلت نفس المكان و قبل لا ادخل المكان الي فيه واحد يطل علي كنت الحالي بالليل و مشيت و شفته مره ثانيه بس كملت و رحت داخل المكتبه و نور شيئ ازرق على زاوية الشاشه و و صوبت بالكاميرا و اتلفت و اشوف الدائره تنور ازرق و اضغط على التصوير و طلعلي شكل واحد شبح ميت

و الى الان ما كملت اللعبه و اليوم لازم اكمله:":

و انتم يا شباب

**solidsnake4224** · 03-07-2002, 05:22 AM

والله أنا ما لعبت اللعبة صراحة لكن أنا متردد أشتريها ولا لأ وأنا طالب منك النصيحة يا أخ ash ما دام اللعبة عندك وبالله كم تعطينا كتقيم لللعبة من عشرة .
وعسى ما أكثرنا عليك بالطلبات .;-)

**احمد سعد** · 03-07-2002, 08:51 AM

مشكور اخ اش على هذا الموضوع ..
بالنسبة للعبة فايتل فريم فهي اقوى لعبة رعب بدون منازع

اخ سولد سنايك اذا كنت تريد شراء هذه اللعبة يجب ان تكون من اصحاب القلوب القوية فهي كما لو انك تدخل بيت مهجور في الغابة لوحدك في منتصف الليل.
ونصيحة مني اذا اردت شرائها فاشتريها كوبي دي في دي فالكوبي العادي لا توجد به العروض وسوف تفقد اللعبة متعتها و تصبح القصة غير مفهومة.

وشكرا

**Justine** · 03-07-2002, 09:45 AM

سلام

لو قلت انه اللعبة صعبة ماراح أزيد شي

بس رايح اكتب عن أرعب المواقف اللي واجهتها في الليلتين الاولى و الثانية :

1) أول موقف لمن يقابل مافويو أول شبح ( و الله لو مو أولاد خالتي و ألسلنتهم كنت رحت على أقرب سرير أبكي )

2) لمن تبدأ اللعب بميكو في الليلة الاولى في أحد الابواب لمن فكيته لقيت شبح قدامي بالضبط ( تخيل الموقف بس )

3) شبح (My Eyes ) في أول ظهور له قام اللي معايا كلهم و خرجوا من الغرفة .

4) في الليلة الاولى لمن شبح الحرمة المشنوقة و هي تدور على عيالها .

و في مواقف غيرها كثييييييييييييييييير بس ما ابي احرق اللعبة على الللي ما لعبها

**ماجد** · 03-07-2002, 10:19 AM

و ليش بالله تلعبون العاب تخرع دام تخافون

**Justine** · 03-07-2002, 10:27 AM

و الله اخوي ماجد في دراسة نفسية انا قريتها من زمان تقول انه الانسان له نزعات بالرعب يحب يطلعها ..

بالمناسبة انا في ردي بالغت شوي

**DARK HDUKEN** · 03-07-2002, 10:53 AM

أسمعوا وصفي لها :
يعني قالوا عن ريزدنت إيفل ملكة العب الرعب ... التقيم : طل

وقالوا انه سايلينت هيل قوة الظلام المجهولة .... التقيم :تخريف

اللعب فيتل فريم ... وموت من الرعب هي اللعبة الوحيدة الي عرفت أنها مصممة بطريقة تخليك تعشق الكوابيس بدل الخوف منها ... اللعبة لو قلت عنها رعب والله و العزة للعلي القدير ما وفي حقها .. يعني هالكلمة قليلة عليها .

(( التجربة الاولى ))
أخواي ...17 سنه ... الساعة 10:47 صباحاً...العمل - طالب :
كان جالس في غرفته يلعب وينج أليفين ... قلت أبي اشوف مدى شجاعته .. بس ناديت عليه وجاني وقلت شوف اللعبة وجلس يتهكم كالعادة على اللعبة كونها رعب سخيف .. بس من طلعة لقطة من اللقطات الي ذكرها شفته ميت من الرعب .. ولا قدرت أفهم حرف واحد من أسالته عن اللعبة .. بس استنتاج وهي انه رعب حقيقي ... ويالله ما قدر يفرح بالهدوء الي صار بعد أول مشهد إلا ويطلعله المشهد الثاني حتى قام يصرخ من الرعب ويقولي طلع هذي اللعبة والعب ميدل اوف هنور .. وجلس يقول كيف أقدر أنام الليلة وأنا افكر في هذي المشاهد :! .

((التجربة الثانية))
أخوي ... 20 سنه ... الساعة 4:17 عصراً ... العمل -مرشح في احد الكلايات العسكرية :
معروف عنه بكثر المشاكل الي صادفته مع الجن .. على قولته انه كان يشوف نساء واطفال ورجال و طادفته مواقف كثيرة في طفولته (( والكلام هذا على مسؤوليتي)) المهم كنت جالس كعادتي على النيت وجاء عندي وقالي وين اللعبة الي تتفاخر بقوة الرعب فيها ... من دون ما اتلفظ بكلمة أشرت ناحية الـPS2 وكانت اللعبة بجنب الجهاز وبكل تالعي قال هه

OK (( شايف عمر شجاع )) .. جلست أنا واخوي صاحب التجربة الاولي نتهكم عليه و بعدها طفيت الكمبيوتر وقلتله خلنى نلعب وينج أليفين في غرفتك ونشوف ردة فعل عنتر بن شداد

.. طلعنى من الغرفة بس 10 دقائق الا وجاني وقال هذي اللعبة حرام الواحد يلعبها لوحدة وبعدها رحت اشوف
وين وصل .. والغريبة أنه ما تعدى الغرفة الاولى في بداية اللعبة وسألته شو الي خوفك قال : المسيقى .. وفي الليل جرب اللعبة مرة ثانية والنتيجة تصريحة بأنه اللعبة أكثر من أنها رعب .

في فيتل فريم يكفينا ان القصة حقيقية ومهب تأليف على العيون .. وبعد هالتجربتين عطوني تقيمكم على اللعبة .. الحين انا عندي اللعبة DVD كوبي والمشكلة في الليلة الثالثة قامت تخترب وأنا مهب قادر اعدي مرحلة من المراحل المطلوبة ومهب عارف شو الحل .. وانا آسف على الاطالة و مشكووووووووووووووووور اخوي ash 90 على موضوعك الحلو لانه هالمواضيع النقاشية قل ما نشوفها في هالمنتدى العزيز ولكم مني السلااااااااااااااااااااااااااااااااااااااااااااام :0) :-) ;-)

**ماجد** · 03-07-2002, 08:44 PM

اخوي BAHAMUT ZERO هالدراسة ما تنطبق علي :6 ما اواطن العاب الرعب ?: يا حلو كراش :6 ميتل جير سوليد 2 :6 و انت ماشي ":"

اخوي DARK HDUKEN هههههههه مشكوووووور على التجارب :6 :6 :6

**ستيف بورنسايد** · 03-07-2002, 08:59 PM

صدق انكم خوافين
انا العب اللعبة الساعة2 الليل واطفي النور
بس معي الاصحاب
بس رعب رعب رعب رعب
تخلي القلب دق دق دق دق
انا وصلت الى شي يشبة الساعة
يبوني اختار اربع خيارات وش الخيارات

**Jin Kazama** · 03-07-2002, 09:10 PM

3) شبح (My Eyes ) في أول ظهور له قام اللي معايا كلهم و خرجوا من الغرفة .

لا تذكرني :": :": :": :":

**ماجد** · 03-07-2002, 09:20 PM

اخوي ستيف .. هذا اهوة الحل الكامل

http://www.montada.com/showthread.php?threadid=108823

**ماجد** · 03-07-2002, 09:35 PM

الرسالة الأصلية كتبت بواسطة DARK HDUKEN
والعب ميدل اوف هنور

على فكرة .. اهي ميدل اوف اونور

ال H صامته

**ash 90** · 04-07-2002, 05:22 AM

مشكورين يا شباب على ردودكم

و شكر خاص ل BAHAMUT ZERO و DARK HDUKEN

**DARK HDUKEN** · 04-07-2002, 07:57 AM

ستيف بورنسايد :

انا العب اللعبة الساعة2 الليل واطفي النور

OK أنت خلك مثلي.. طفي النور وألعبها الساعة 3 بالليل ولوحدك ?: ... ياسلاااااااااااااااااااااااااااااااااااااااااااام بتعيش الاحلام ":"

ماجد : العفو يالحبيب وباقي تجربة وحدة على واحد من أخواني وكان له تاريخ مظلم في اي شي يتعلق بالرعب ... وبخصوص ميدل اوف أونور .. ألفظها أونور وأكتبها هنور ... يعني تقدر تسميها عقدة لفظية .

ash 90 : أنا الملزوم والمجبور اشكرك على موضوعك الممتاز و على كل مواضيعك المننعنشه :0) :0) :0) ولكم مني السلااااااااااااااااااااااااااااااااااااااااااااااااااااام :0) :-) ;-)

**Flanteus** · 04-07-2002, 08:32 AM

ووواااضح ان اللعبة جدا مرعبة :! ?: :! ?: :": .....
وصراحة بعد ما قريت كلام الشباب وخاصة كلام الأخ DARK HDUKEN.....
جاتني قشعرية في جسمي....?: وحلفت إني أشتري هذي اللعبة .....
لكن أبغى تقيمكم للعبة.....علشان أشتريها...وأصلي بعد....

واللعبة هذي تشبه ICO .... يعني بس تحل ألغاز....ولا كيف...؟
وشكرا لكم............................................................................;-)

الموضوع: كوابيس فاتل فريم

أدوات الموضوع

كوابيس فاتل فريم

ضوابط المشاركة