كيف أجيب الأوفر درايف حق لولو في فايينل فانتسي10

[Squall 9]

السلام عليكم..


ممكن تقولولي كيف الاوفر درايف حق لولو في ف ف 10؟

وشكرا.

[ستيف بورنسايد]

دور عصا الانلوج الموجود على اليمين

[Squall 9]

طيب كيف يعبيي؟ كله؟؟؟؟؟



معليش على الأسئله الكثير

[raayg]

بالنسبة للأوفر درايف حق لولو من الصعب إنه يتعبى كله لأنه يحتاج إنك تدور الأنالوج اللي على اليمين دورة كاملة بسرعة لكن أنا جربت أعبيه كله وقدرت ...
بالنسبة لضربات السحر الأسود كلها ما عدا Flare - Ultima حيوصل الأوفر درايف لـ 16 ضربة متواصلة هذا الحد الأقصى ...
بالنسبة لضربتي Flare - Ultima حيوصل الأوفر درايف بالحد الأقصى لـ 6 ضربات لأنها ضرتين قويتين وخصوصا Ultima تنقص 99999 إذا عندك السلاح الخارق يعني لو عبيت الأوفر درايف كله حتنقص 600000 ؟؟؟!!!
مع محبتي ,,,
رايق

[snake905]

الله اكبر ماشاء الله عليك
ممكن تقول لنا الطريقه لان صعبه انا ماقدرت اعدي سته
ممكن تقول الطريقه ولا انت مسويها بشكل عادي ?:

[raayg]

الرسالة الأصلية كتبت بواسطة snake905
الله اكبر ماشاء الله عليك
ممكن تقول لنا الطريقه لان صعبه انا ماقدرت اعدي سته
ممكن تقول الطريقه ولا انت مسويها بشكل عادي ?:

أنا سويتها بطريقة عادية لكن اللي لاحظته إنه ما اكتملت معاي إلا بعد ما كملت شبكة لولو يعني الظاهر إنه لو كملت الشبكة .. الأفر درايف حيتعبى أسرع .. ما أدري يمكن هذا السبب ؟؟؟

مع محبتي ،،،،
رايق

[Squall 9]

شكرا يا رايق...

أوكي أنا دحين هزمت سايمور في المركبه المتحركه حقوا...أوكي

وبعدين جا وحش طاقته40000أربعين ألف وصلته لمن 16ألف":" ":"

وبعدين عبه نفسه4مرات ورا بعض وسار أربعين مره ثانيه

وبعدين كل ما أضربه يزيد بدال ما ينقص....:غضب: :غضب: :غضب: :واو: :واو:





ايش أسوي ؟؟؟

[raayg]

أظن هذا الوحش اللي تقابله بعد ما تخرج من كهف قمة جاجازيت واللي رسلتلك هو يوناليسكا ...

علشان تهزم هذا الوحش أفضل شئ إنك تستخدم المجموعة التالية :
تايدوس - يونا - أورون
أول شئ حاول إنك تخلي الأوفر درايف حق وحوش الحراسة الخمسة يمتلئ بالكامل قبل ما تقابله .. لأنهم حيساعدوك على هزيمته بشكل كبير ...
اجعل تايدوس يسوي عليه سحر التبطئ Slow و ممكن تسوي سحر التسريع على المجموعة Hastega ...
بعد كذه فيه طريقتين إنك تهزمه ...
الأولى إنك تستخدم وحوش الحراسة وتسوي عليه الأوفر درايف حقهم وأكيد حيموت ...
الطريقة الثانية : اجعل يونا تسوي عليه سحر الانعكاس Reflect علشان لو عالج نفسه حيعالجك انت .. وبعد كذه استخدم عليه ضربتين من أورون وهي Armor Break و Mental Break وبعد كذه أهلكه بضربات جسدية وضربات سحرية ( بدل أحد هؤلاء الشخصيات بلولو علشان تسوي فيه ضربات سحرية ) ...
على فكرة لو كان مسوي على نفسه Reflect سوي عليه سحر Dispel علشان تبطل مفعول سحره وممكن تستخدم عليه سحر Bio اللي يسمم هذا ممكن يؤثر عليه تأثير كبير ويقتله بسهولة وسرعة ...
وإن شاء الله تنجح ... ;-) ;-)
مع محبتي ،،،
رايق

[Squall 9]

مشكور والله انت الوحيد الي تساعدني والباقين .(طنش تعش )..


طيب يعني أسوي عليه سحر ريفلكت أها طيب انا ما عندي ديزبل أيش أسوي؟؟

[Squall 9]

مشكور والله انت الوحيد الي تساعدني والباقين .(طنش تعش )..


طيب يعني أسوي عليه سحر ريفلكت أها طيب انا ما عندي ديزبل أيش أسوي؟؟


طيب انا ما عندي سبهير جارد خلص عندي (باور سبهير والباقي الي يفتح المقفل..)

هذا الي عندي يارايق




أقولك كيف أكتب على الخريطه؟

شكلك مختم الشريط ماشاء الله عليك خبره":"

[Squall 9]

أقولك أديني أيميلك خلينا ندردش على الموضوع.....


niceloves@hotmail.com

[raayg]

أول شئ أخاف أكون أتأخرت عليك ... أعذرني ...

بالنسبة لإيميلي هو :
raayg1@hotmail.com
وعلى فكرة تراني آخذ إجازة من الماسنجر فما أظن حأدخل الحين يعني إن شاء الله حأدخل بعد فترة ... ما أدري بالضبط متى ؟؟؟

مشكور والله انت الوحيد الي تساعدني والباقين .(طنش تعش )..

لا ... الشباب فيهم الخير والبركة لكن يمكن مشغولين ... ":"

طيب يعني أسوي عليه سحر ريفلكت أها طيب انا ما عندي ديزبل أيش أسوي؟؟

هو الأهم إنه يكون عندك سحر ريفلكت علشان لما يعالج نفسه فيعالجك إنت لكن الأفضل إنه يكون عندك سحر ديزبل لأنه على ما أذكر إن هذا الوحش لئيم أظنه حيسوي عليك سحر ريفلكت ويعالجك انت فينعكس عليه فيصير عالج نفسه فإذا كان عندك سحر ديزبل ممكن تبطل مفعول أي سحر يسويه عليك ومنها الحالة اللي يسويها فيك وهي اللعنة ( اللي تخليك كإنك لمبة محروقة تولع وتطفي وما تقدر تسوي الأوفر درايف ) ..
بالنسبة لطريقة أخذ سحر ديزبل فهو موجود في شبكة يونا وبالضبط جنب سحر ريفلكت ( سحر ديزبل وسحر ريفلكت موجودين في دائرة وحدة ) حاول تدرب يونا أكثر في كهف قمة جاجازيت علشان تأخذ نقاط خبرة أكثر وتقدر تتحرك في السفير جريد وبالمرة حتقدر تأخذ الأبيليتي سفير اللي تقدر بها تشغل سحر ديزبل وريفلكت ...

طيب انا ما عندي سبهير جارد خلص عندي (باور سبهير والباقي الي يفتح المقفل..)

ما فهمت بالضبط انت قصدك سبيد سفير؟؟؟
بالنسبة لكل أنواع السفير ( ما عدا فورتن سفير وبعض أنواع السفير الخاصة ) يمكن تأخذها عن طريق المعارك وفوزك على الوحوش فيها .. ادخل معارك أكثر حتتدرب أكثر وحتأخذ سفير أكثر وفلوس أكثر ...
بس انتبه لو كنت ضعبف خليك دائما جنب جوهرة الحفظ علشان بعد كل معركة تحفظ وتستعبد قوتك وأفضل شيء إنك تستخدم اثنين من أقوى شخصياتك والثالث هو اللي تبيه يتدرب علشان لا تصير ضعيف في المعارك وتنهزم بسهولة ...

أقولك كيف أكتب على الخريطه؟

الحقيقة ما فهمت سؤالك بالضبط ؟؟؟

شكلك مختم الشريط ماشاء الله عليك خبره

ختمته من زمااااااااان ويا ليتني ما ختمته كان نفسي اتمتع به أكثر ... ما شاء الله عليك يا حظك ما ختمته ...

ملحوظة : لو سويت على هذا الوحش ريفلكت لا تسوي عليه ضربات سحرية علشان لا تنعكس عليك وتروح فيها ..

مع محبتي ،،،
رايق