تبي تشتري السلاااح + الذخيرة مالته في ضغطة زر في كاونتر سترااايك .. ادخل للتفاااصيل
صارلي وكت وانا العب في النت واتعجب من هذيلا اللي يشتروون السلاح
والذخيرة والقنبلة والدرع في وقت قيااااسي بس مثل ما يقوول المثل :
(( إذا عرف السبب بطل العجب )) عرفت انهم يستعملوون نووع من
السكربت . وجربته واشتغل معاااي وقلت خلني أشااااارك معلومااتي
مع منتداااي العزيز. الفااايل اسمه autoscriptv13 ونزلته من فاايل
بلانت وحجمه صغيير وااايد صغييير ( 9 كي بي ) وعلشااان شذي ما راااح
تنطر كلش في فاايل بلاااانت . ملاحظة : (( اسم الفايل الفيرشون الثالث
بس يشتغل على الفيرشون الخااامس . أنا مجربه )) يعني على ضماانتي
خطوااات التركيب :
1- لازم يكوون عندك ون رار Win rar تقدر تنزله من موقع www.download.com
2- بعد ما تنزل الفاايل واللي امتداده WinRAR ZIP شغله وفي برنااامج
win rar اضغط على extract to .
3- ألحين اذا كانت نسختك من كاونتر سترايك مود يعني منزل اللعبة من الانترنت حط العنواان كالتااالي C:/Sierra/Half-Life/cstrike أما اذا كانت نسختك ((ريتايل)) فحط العنواان كالتااالي C:/Sierra/Counter-Strike/cstrike . وبعدين اضغط OK .
4- ألحين رااح تلااحظ انه ون رار راح يطلب منك المواافقة على تبديل الملف kb_act وااافق على الاستبداااال . واهنيه تكوون انهيت عملية التركيب . مبرووووك
ألحين دش على كاونتر ستراايك واختااار controls وسوي اللي تبيه على
كيفك . اشتر AK47 مع طلقااته في زر واااحد واشتر قنبلة بزر واااحد
جندس ونط في زر واااحد .
أخيراً أتمنى يكووون الموضوع مو قديم . لأني قريت جم موضوع في
المنتدى يطلبوون هذي السوااالف .
وصلة البرنااامج http://old.fileplanet.com/dl/dl.asp?...oscriptv13.zip
او نزله من الارفاااق اذا اشتغل
تحياااتي ;-)
يا شباب ...
;-)
