مرحبــا شبااب
مساء أو صبــاح الخير للجميع
انا اليوم الساعه 7 الصباح شفت الـ RAW مباشرة على الـ ART
بس والله عرض هذا الاسبوع كان من امتع العروض واحسن مافيـته رجوع ذا روك
اقولكم وش اللي صار من أول شي لأخر شي
تغير مكان المعلقين وصار جنب المكان اللي يدخلون منه المصارعين
أول شي دخل (( ايرك بيشوف)) ومسك المايك وجلس يمدح نفسه
وبعدين قال انا جبت لكم التريبل H هنا في الراو
بعدين دخل التريبل H وجا بيتكلم ايرك ومسك يده التريبل H وتكلم هو
وقدم شون مايكل للجمهور
دخل ((شون مايكل )) وجلس يرقص وكان الجمهور متحمس معاه
بعدين بيشوف قعد يتكلم والكلام هذا زعل شون مايكل وطلع برا
ولحقه تريبل H
بعدين حدد بيشوف مباراة بين (( جف هاردي )) و ((RVD))
على حزام الانتر كونتنتال بس مباراة سلالم
بعدين جابوا في الكواليس شون مايكل طالع ومعاه شنطته وزعلان
وجا تريبل H وصدم فيه وجلس يتكلمون وقال التريبل H انه انا عندي خطه
وهدت اعصاب شون مايكل وجلس
بعدين بدت مباراة جف والـ RVD بيني وبينكم المصارعين اظن انه ما كان ودهم يتصارعون مع بعض
بس كانت مباراة حلوه وممتعه
فاز فيها الـ RVD ولما خذا الحزام رفع السلالم عن جف وقومه ورفع يده (روح رياضيه )
بعدين جا في الكواليس بيشوف يمشي ولقا ((كرس بنوات)) في الطريق وحددربينه مباراة بينه وبين البوكر T اللي يفوز فيها يباري الـ RVD على الحزام الاسبوع الجاي
بعدين دخل الهارفرد بوي وقعد يتكلم بلحاله في الحلبه ويقول ليه انتم تكروهني المفروض تحبوني لأنه معي شهاده ومن ذا الكلام
المهم دخل عليه الاندر تيكر وعطاه كم ركبه في بطنه وسوا حركته عليه وطلع
بعدين جبت مباراة بين ((تريش )) معها (( بابا راي ددلي)) وبين (( مولي هولي )) ومعها (( البريطاني ذاك نسيت اسمه وانا اكتب ))
بابا ددلي كانت متعور ورابط يده
فاز في هذي المباراة فريق (( مولي هولي )) بعد ان سوا ذا البريطاني حركة خلا فيها تريش تستسلم .
وبعدها دخل محبوب الملايييييين (( ذا رووووووك)) وجلس يتكلم شوي
ودخل (( تينو هيت )) وجلس يتكلم تيون انه هو عنده بنتين وحصل عندهم بوستر لل روكط وهو زعل منهم وعلمهم درس
ويقول انا بأعلم يا روك درس مثل ما علمت بناتي ومن ذا الكلام (( هذا اللي فهمته أرجوا اني ما اكون غلطان))
ذا بدا يسوي حركات التنسيم حقه وجلس ينرفز التينو هيت وقال انا مستعد العب انا واياك مباراة اليةم وحددوا مباراة الاسبوع الجاي بينهم على الحزام .
خلص ذا الكلام ويوم جا يطلع ذروك دخل ثقيل الطينه اللي انا منيب احبه (( بروك لسنر )) ومعاه خويه ومروا جنب ذا رووك وكأنه مو واقف
بعدين دخل ذا اللي يجيب دائما معه عصسان منيب اعرف اسمه معليش ياشباب وفاز في المباراة (( بروك ليسنر ))
بعدين ايرك بيشوف حدد مباراة بين 2 ما أدري مين هم مدتها 3 دقايق يختار منهم من اللي ينظم للـ RAW بعد ما خلصت ال3 دقايق دخل اثنين دببه في الحلبه وجلدوا ذا الثنين وطلعوا.
بعدين بدت مباراة بوكر T وكرس بنواة وفاز فيها كرس بحركته المعروفه
بعدين دخل شون مايكل والتريبل H بس بفريقهم القديم (( DX)) وجلسوا يرقصون ويسوون حركات بعدين أخذ التريبل H المايك وتكلم شوي بعدين ضرب شون مايكل وسوا عليه حركته وطلع
طلع تريبل H وركب سيارته وراح وجت سياره ثانيه فيها
((سيفاني مكمان )) وقالت للحارس ناد لي ايرك بيشوف
بدت مباراة الروك وتينو هيت
وكانت مباراة حلوه وممتعه جدا جدا وخاصه انه فيها ((ذا روووووك))
فاز فيها ((ذا روك )) بعدين دخل ثقيل الطينه بروك ليسنر وأخذ الحزام حق ذا روك وجلس يناظر فيه وذا روك مطير عيونه بي بروك ليسنر ومطير خنافره
رمى بروك ليسنر الحزام على أرض الحلبه وطلع
بعدين راح ايرك بيشوف لستيفاني وقعد يتكلم هو واياها بعدين نزلت ستيفاني وجا بروك ليسنر هو وخويه مسوين فزعه للأخ ايرك
بعدين ركبتهم ستيفاني في سيارتها وقالت لإيرك اذا بغيت تشوف بروك ليسنر في عرض السماك داون يوم الخميس
وهذا كل شي
واتمنى اني ما نسيت شي من اليي صار
واسف لأني تاخرت في كتابة الموضوع
اخوووووووووووووكم ,,,,,,,,,, المحتــــــــــــــــــــــــــار
