نهاية رسيفر..
ذات ليله
سمع الجيران اصوات صراخ وتكسيرحديد وصجه ولجه في الشارع
نزلو وهم مدهوشين من الصراخ والشتم في نص الليل
و اللي خلا بعضهم يقوم من النوم
شافو واحد من الجيران وهو يسحب الدش من البيت ويكسره
ومعه مطرقه كبيره يكسر راس ابو الرسيفر
وهو يصارخ : - الله لا يعافيك كلك خراب بخراب
الله يلعن اللي اخترعك واللي صنعك
واللي باعني اياك واللي نصحني اني اشتريك
الله لا يوفقهم لادنيا ولا اخره
انت اساس الخراب وانت اساس المشاكل
بهذلتني وبهذلت معي اعيالي
كل هذا وهو يكسر بالدش والرسيفر مع شوية صراخ
الجيران مبلمين وهم يطالعونه اول ماشافوه
لكن بعد ماسمعوه وهو يكسر عرفو ان الدش اساس البلاوي
اللي تصير بالبيوت
خاصتن وانهم ماعندهم دشوش لان بعضهم مطاوعه جزاهم الله خير
والبعض الاخر اخذها مسألة مبدا
ولازال صحبنا يكسر الدش جنب الزباله وهو يسب ويلعن
وجيرانه يتمتمون ويقولون :- جزاك الله خير
الله يثيبك ان انشالله
والله ماقصرت جزاك الله خير
ياليت الناس يرجعون لعقولهم
الحقيقه انك عرفت الخير من الشر
جزاك الله خير
الله يعوضك ان انشالله
من ترك شيا لله عوضه الله خير منه
الـــخ من هذه الادعيه والنصايح
واحد من الجيران وبالتحديد جاره اللي ملاصق له الجدار بالجدار
يعرفه ويبخصه زين سأله
قدام الجيران بعدما فتت الرسيفر كسره كسره
قاله : عسى ماشر يابو فلان
وش اللي صاير بالضبط ؟؟
رد الجار بعد ما فش غليله وغلله فشه بالدش
وهومعصب قال :- ابن الكلب ــ يقصد الدش طبعا ــ
كل نص ساعه
وهوملعق
يلعن ابوه دش ...
وصلني على الايميل...
.... 
