انتقادات لعبة Shadow of Destiney

[ريو هازاكي]

اللعبة مملة ومعقدة والي يبي يتعقد (مثلي)يلعبها اول شي مني فاهم ايش الهدف من الشريط تروح وتعرف القاتل و و و و .
خرابيط المهم اذا ولعت القطعه الي في جيبك (آلة الزمن ) تروح محل ما يطلبوه منك وكل شوي تموت :واو: :واو: :واو: وتروح محل فيه واحد يتحكم فيك ويرجعك قبل ما مت :غضب: تعقيد وتقابل واحد رجال كبير في السن مو مره شباب في كل زمن تحصلو ?: وش ذا ووحدة تركب معاك آلة الزمن وترجع لعام 1850 م وتختفي هذي فين تلاقيها دورت لين ما صدعت (كرهتها)سبتها خلها تموت وتحصل كلاب نفس الشكل ونفس الشي في اماكن في ممرات والله كرهت اللعبه لاني ما فهمتها .........:! :! :! :! انعميت .
الي عندو اللعبه ويبي يضيف او يغالط اوكيه .:-) :-)

[محب الأجهزة]

لو سمحت هل اللعبة نزلت ولا لا؟
وبعدين وش نوعية اللعبة؟
وشكرا

[Gladieator]

مرحبا أخوي ريو هازاكي

بصراحة والله ماأدري من وين أبدأ كلامي , أنت الظاهر مافهمت اللعبة فهم كامل , ياأخي الكريم اللعبة ( من وجهة نظر شخصية ) أروع لعبة مرت علي من ناحية القصة والحبكة الدرامية , والله إني ماأبالغ لما أقولك إني خلصتها أكثر من 6 مرات , لأنها أصلاً تحتوي على 5 نهايات كل نهاية أحلى من الثانية , وأنت لما تخلص العبة وتفهم قصة البطل وتشوف المشهد الأخير من اللعية صدقني راح تنصدم صدمة كبيرة جداً :واو: لأن القصة بصراحة إبداع ماوراه إبداع , خلنا من الكشن والإثارة , أنا معك إن اللعبة باردة ولا فيها أي نوع من القتال لكن فيها رعب نفسي و إثارة حقيقية ماراح تعرفها إلا لما تتعمق بالقصة كثير , حيث إن اللعبة تعتمد وبشكل شبه أساسي على فهمك لمجريات القصة , ولما تفهم القصة بشكل حلو راح تشوف إنك بديت تنجذب للعبة بشكل كبير ...

حلاوة اللعبة إنها تضعك في موقف الإنتظار الصعب , يعني أنت عارف إنك راح تموت وراح يطعنك القاتل بعد نصف ساعة , لكن لازم تتحرك وتدبر حيلة ما علشان تنقذ نفسك , وهكذا تتوالى الأحداث بصورة بوليسية شيقة ومروعه إلا أن تكتشف في النهاية جذور القصة وتعرف المفاجأة الكبيرة

والله أنا كل ماأتذكر اللعبة أتذكر أيام حلوة عشتها معها , وأتمنى من كل قلبي لو يصدر لها جزء ثاني

تحياتي لك أخوي , معليش أنا آسف والله على الإطالة , وإذا بغيت مني أي مساعده في اللعبة أنا حااضر ولا يهمك


اتمنى لك التوفيق

[محب الأجهزة]

معليش أخ gladieator
بس وش نوعية اللعبة ؟
ووشلون طريقة لعبها؟