رالي الإمارات

**ez2dj** · 01-08-2002, 02:28 AM

السلام عليكم .....

تعرفون اليوم ليلة الأربعاء يعني عند الموظفين إجازة وراحة بعد شغل متواصل لمدة خمسة أيام ...والشباب يرجعون من شغلهم ويروحون يسلمون على أهلهم

أنا أعيش في منطقة بعيدة عن بوظبي شوي ....وجاء اليوم أخوي من الدوام ...ولقاني منخمد وراقد في سابع نومي وكان الوقت المغرب وتوه مأذن ...عاد مالقيت إلا هذا الماي البارد إلي قطع ويهي ?:

واسمع صوت قم للصلاة :غضب:

عاد أنا من أسمع صوته أخاف وأقوم وأتوضأ والحق على الصلاة :":

المهم رجعت وعيوني منفخة ..وأشربلي شاي وقهوة تعدل المزاج ((مدمن

))

المهم رجعت على الكمبيوتر وقعدت العب لعبة سيارات على محول الجيم بوي أدفانس ....وهذي اللعبة فيها تزويدات وتعديل و و و .......

أخوي أندمج على اللعبة يوم شافني العبها ....

وقال: أنته اليوم فاضي ؟

أنا: يعني شوية أشغال ((الا فاضي وماعندي شغلة

))

أخوي: شو رايك اليوم نروح بالدراجات ....؟

أنا : أوكي

أخوي: بس انته تقول عندك أشغال

أنا :...لا لا الحين خلصت كل شي ":"

المهم رحنا شرينا بترول ..وجهزنا الدراجات وكل شي وماشاء الله عندنا معرض دراجات ((أعتقد عندكم في السعودية تسمون الدراجة دباب صح ?: ))

أخوي عنده دراجة أسبيشل يسمونها pilot وهذي نادرة الوجود ":" ...

قال : أنا اليوم ركبت لها ((هدرز)) وأريد أشوفها في البر شو تسوي

وهذي هي صورة ال Pilot

طبعا دراجة أخوي أحلى وأنظف ":"

يتبع ===>

**ez2dj** · 01-08-2002, 02:38 AM

أنزين أنا اريد ال Banshee350 ((هذه من أحلى الدراجات وأفضلهن ))

وهذي صورتها

قالي لا أنته خذ دراجة الأصغر Blaster 200 :6

هذي صورتها ?:

أنا : أنزين ليش هذي الدراجة بالذات

أخوي : لأنك ماتعرف تسوق عدل ((نذل

))

أنا: أفا :! ...أنا أخوك ليش يعني ......أها تذكرت أنته لين الحين تذكر سالفة سيارتك الموستنج الي خليتها تحب الجدار

أخوي :بس لا تذكرني :غضب:

تابع ===>مشكلة الصور إذا زادت :6

**ez2dj** · 01-08-2002, 02:39 AM

عاد طلعنا وكانت حوالي الساعة 12 الليل ....ولعبنا واسمتعنا وياكثر ماأنجلبت ..وتغرز الدراجة ..وأخوي خلاني آكل نص تراب البر

دفني وأنا حي بدراجته

وبعدين تبادلنا الأدوار وسقت التوحفة ...والصراحة سواقتها لها مذاق عجيب

.....أما الجو كان معتدل وفيه نسمة ربيع

وكان معاي ماء وكنت صاك الطبلون عندي وقفزت

وأول ما نزلت على الأرض تكسرت الغرشة وانتشر الماي على الكرسي ....وأنا ساكت والأخو يلعب ولا يعرف ...وبعدين جاني وقالي يلا نتبادل الأدوار ...عاد أنا قلت تراني عملتها في كرسيك :": ((أريد أكمل لعب فيها

))

أخوي :يا حيوان أنته جاهل ماتعرف تمسك نفسك :غضب:

أنا :شوفيك أنته صدقت :6
...وقمت من الدراجة ولا الفضيحة الكبيرة طلعت ورى لبسي :": ...

عاد الله يستر من تعليقاته باكر الصبح ?:

المهم تسلينا ولعبنا ورجعت لكم يامنتداي الحبيب

هذي السالفة اليوم المسا ":"

وإنشاء الله استمتعتوا بقراءتها :6

**Angel whisper** · 01-08-2002, 12:16 PM

والله وناسة

...

الا كيف طعم تراب البر .. حلو ":" ؟؟

**شيطان و لكن ...** · 01-08-2002, 12:28 PM

يووووه ... اخر مرة ركبت دباب كانت قبل سنتين ... بس و الله ذكريات

...

**silverpaco_101** · 01-08-2002, 01:29 PM

هع يا حليلها الدببات مقرها عندنا بالثمامه :6

**Y a z e e d** · 01-08-2002, 01:42 PM

بفففففففففففف

طرطعة على كيف كيفك

أنا أسوق السيارة للمشواير القصيرة <<<<<توه على السواقة :":
عندي دباب يوكاهوما ما استخدمه الا فالبر ":"
Super Cool

<<<<تراه نصاب ماعنده يسرق حق اخوه الصغير

**Jin Kazama** · 01-08-2002, 05:02 PM

والله دبابتكم شكلها ترتوب

:6

كيف تحط الماي بغرشه؟

?:

**Auron** · 01-08-2002, 08:26 PM

شي طيب

كم عقده سويت:6

ما سويت السفتي (الي ما يعرفها لا يسأل لانها للطعوس فقط":" )

المهم احسن شي انك اكلت تراب:6

**ash2001** · 01-08-2002, 09:27 PM

يا سلالالالالام هيكا ولا بلاش...":" ":"

حتى احنا منطقتنا صحراويه وبعيده من ابوظبي...

وعندي بلاستر 200

**ez2dj** · 01-08-2002, 10:06 PM

احم

الا كيف طعم تراب البر .. حلو ؟؟

طعمه مثل أي (سيلكات sio2 )<==نسيت حتى المعادلات الكيميائية في الإجازة :6

هو طعمه مالح ..وإذا جيتي تمضغينه يسوي صوت فرقعة ...((أنتي ماكلتي تراب في حياتج :! ))

شيطان و لكن ...:سنتين وايد الصراحة ...?:

silverpaco_101 :نحنا المقر في مقرنا <==ماتركب ?:

زيدان تريبل :شو قصدك في يوكاهوما ?: اسمها ياماها

Jin Kazama : أكيد عجيبة .....

Auron :الصراحة مافهمت لا السفتي ولا العقدة الي تقصدها

بس إذا قصدك حركات صعبة ....ماعليه أعجبك

ash2001 :يا أخي لاتذكرني باسمها التافه

ومشكوووووووريشن على ردودكم

**ash2001** · 01-08-2002, 10:08 PM

بكم اشتريت البانشي

**ez2dj** · 01-08-2002, 10:15 PM

الرسالة الأصلية كتبت بواسطة ash2001
بكم اشتريت البانشي

يعني أنا أعرف من الوكالات الي في بوظبي ....أتصل عليهم وبتعرف السعر :6

هي صعبة ...؟

بس أسعارهم مثل الرودس ترتفع في الإجازات وتنزل في أوقات الدراسة

**ash2001** · 01-08-2002, 10:30 PM

وليش ومن قالك ان الرودس ينزل ثمنه ويطلع في الاجازات والمدارس ؟؟؟

ماشاء الله مزرعتنا رودس في رودس.....

شوف اذا حصلتلي وحده بثمن معقول....

لأنه الوكاله اتصلت بـ وكالة ياماها .....
وعطوني سعر :واو: :واو: :واو: :واو: :واو: :واو: :واو: :واو: :واو: :واو: :واو:

**ez2dj** · 02-08-2002, 01:03 AM

وليش ومن قالك ان الرودس ينزل ثمنه ويطلع في الاجازات والمدارس ؟؟؟

أنا قصدي أنه يوم يرتفع ويوم ينخفض سعره مثل الدولار فهمتني ..

والبانشي سعرها بحول 16 ألف ويمكن تزيد عن هذا السعر

الموضوع: رالي الإمارات

أدوات الموضوع

رالي الإمارات

ضوابط المشاركة