الموضــــوع: [ اقرو هالقصه واللي مايضحك ... :) .. قصة غريبة ومضحكة جداً جداً
السلام عليكم و رحمة الله و بركاته...
وسامحوني على بعض مافيها
هي قصة الولد وابوه والديك .
يقولك الله يسلم من يقرا
هناك الواحد والواحد الله في سماه العالي . ولا يحلا الكلام الا بعد الصلاة على النبي.
اللهم صلي على نبينا وحبيبنا وقدوتنا محمد صلى الله عليه وسلم
فيه هاك الولد الحبوب ( مثلي ) ( يعني تراني صغير ) جالس في
بيتهم عند ابوه ومير ينقز لبوه ويقوله .
الولد / يبه عطني فلوس ابشتري بعض الاغراض
الاب / مهوب الحين . بعدين
الولد / الله يهديك يايبه ضروري ابيها الحين
الاب / ضف وجهك عني ماتشوفني جالس اقرا الجريده .
الولد / اقر . واحد ماسكك . عطني فلوس واضف وجهي عنك
الاب / ياشين تراك غثيتني . ماني معطيك لا الحين ولا بعدين .
الولد / يعني تبيني اشحذ والا اسرق .
الاب / رح للسطح وشف الديك اللي فوق رح بعه وفلوسه هي لك .
الولد / صدق . ماترجع في كلامك .
الاب / ياثور انا ابوك . وراك مطيح الميانه .
الولد / خلاص ابروح اخذ الديك وابيعه . ماقصرت ياحسن اب يا سفن اب ......
ومير ينقز الولد الحليوه للسطح وياخذ ذاك الديك الاشهب وينزل مع الدرج
واول مايقابل ابوه . البخيل .
الولد / يبه تشتري مني الديك .
الاب / جالسين نلعب انا يابزر .
الولد / خلاص ابروح ابيعه في الحاره .
وراح الولد للحاره وبدا يحرج على ديكه . ديك للبيع راعي اذان سمين..
من يشتري رخيص ولا يعض ( ديك يعض ) واضح انه يكذب .
ومير ماحد يعطيه وجه . وفجأه يتذكر ان لهم حرمة جارة لهم في الحاره الثانيه
بس بيني وبينكم الحرمه مهيب مضبوطه ( راعية حركات نص كم )
ويروح الولد للحرمه ويطق الباب . وتفتح له الحرمه المطفوقه .
الولد / تشترين الديك ياخاله .
الحرمه / ايه اشتري ادخل ونتفاهم
الولد / بكم تشترينه مني .
الحرمه / بأي سعر بس لازم اسمع صوت الديك .
الولد خلاص ابروح للبيت مابي ابيع الديك .
الحرمه / ليه تروح وحنا ماتفاهمنا .
الولد / ماأمداه يكمل كلامه والا الباب يطق .....
قالت الحرمه بسرعه ادخل في الدالوب . لا يكون هذا زوجي ويذبحك انت وديكك ..
وفتحت الحرمه الباب والا هو صديقها اللي دايم يجيها في غياب زوجها .
والولد في دالوبه هو وديكه . وعرف السالفه انه ورط مع الحرمه والرجال .....
وشوي والا الباب يطق وتنقز الحرمه اكيد هذا زوجي . توز في الدالوب الين يروح .
ويدخل الرجال في الدالوب ويقابل الولد مع الديك .
والرجال في اشد حالاته العصبيه . وينقز البزر ويقوله.
الولد / تشتري الديك .
الرجال / الله ياخذك انت وديكك هذا وقته اقصر حسك لايسمعك الزوج .
الولد / ياتشتري والا ابصرخ انا بزر مهوب قايلي شي وانت بيذبحك .
الرجال / ايه اشتري بكم .......
الولد / ابيعه 200 ريال علشانك بس
الرجال / منتب صاحي ديك بميتين ريال . ليه بربري هو والانعيمي .
الولد / لاتنكت والا صرخت تشتري والا اصرخ .
الرجال . ايه اشتري .
ويلقط الولد الميتين . ويعطيه الديك .
وشوي والولد / تبيع الديك يا أخ .
الرجال / شكلك فاضحنا . الله يعلك . ابيعه بس اسكت .... وبكم تشتريه .
الولد / اشتريه بريالين .
الرجال / مهبول انت توني شاريه بميتين .
الولد / كيفك الحين اصرخ وخل الديك ينفعك...
الرجال / خلاص هات الريالين . وخذ ديكك بس لا عاد تحكي
وخذ الولد الديك . وشوي .
الولد / تشتري الديك .
الرجال / ياولله البلشه . ماصارت
الولد / بسرعه قرر والا .................
الرجال / ايه اشتري بكم
الولد / بمية ريال .
الرجال/ توك شاريه مني بريالين .
الولد / كيفي ديكي وانا حر ....
الرجال / خذ ميه وعطني الديك ولا تكلم . والا شلت رقبتك
الولد / بعد ماهدا الرجال ....................... تبيع الديك
الرجال / بعد ماطارت عيونه ارحمني الله لا يرحمك من بزر . انكانك بهذلتني .
ابيعه بكم قال الولد بريال . تبيع والا والله لاصرخ واعلم واللي يصير يصير .
الرجال / هات الريال وخذا الديك ..
وشوي والا الحرمه تفتح الدالوب وتقولهم . بسرعه انطلقوا زوجي في الحمام ...
بسرعه بسرعه بسرعه بسرعه .................
وينحاش الولد والرجال ويروح الولد للبيت معه 300 ريال
وتخيلوا معي . وشوي والا ابوه داخل في البيت .
الولد / يبه تشتري الديك .
الاب / الحين عرفت انك ملكع يابزر . مايكفي انك خسرتني 300 ريال
وبغيت تكشفني . .......... يعني طلع اللي في الدالوب ( ابوه )
هذي كل الحكايه . وعساكم ضحكتوا وانبسطتوا .........
منقول
يارا خسارة
أستودعكم الله الذي لا تضيع ودائعه
alrimi60001@hotmail.com
قلبي جريح على فراقكم
أتذكرك وأشتاق
واسهر مع الأشواق
واكتب على الأوراق
البعد ما ينطاق
