أنهيت فاينل فانتسي 10 بس لسه عالق في 5...! يعني بالله المساعدة!!! دخلوا وبس!!!

[Prime Evil]

أول شيء حاب أقول إنهي أنهيت فاينل فانتسي 10 السهل التافه البسيط في كل شيء حتى القصة...

ثانيا للأسف لسه عالق في فاينل فانتسي 5 فاللي يفهم يعطينا وجه ويرد " تكفى أطلبك"...

أخذت الصفيحة الرابعة وعندي الـ12 سلاح ولكن وين أروح دخلت الـ " البعد N " أو اللي يكون اسمه و وصلت للغابة وعديتها للكهف...! وفي النهاية وصلت لمكتبة فيها ثلاث كتب قريت الكتب الأول فيه وحش وقتلته .... وبعدين قريت الكتابين... وبعدها وين أروح " أين أذهب " ....؟؟؟؟

يعني بالله عليكم اذا كان أحد فاهم يقول لي...!

[Prime Evil]

والله انكم حقين موسيقى وصور بس وما تفهمون في شيء ثاني:غضب:

بس فالحين موسيقى فاينل وصور فاينل:غضب:

ساعدوني:غضب:

أو.... بأعتمد على نفسي ":"

[RPGgirl]

لا تقول هالشي انا بغيت اساعدك بس بعدني ما لعبت خمسة انا العب ستة بس اختي لعبته وهي عند النهاية بس نايمة الحين

[Prime Evil]

الرسالة الأصلية كتبت بواسطة RPGgirl
لا تقول هالشي انا بغيت اساعدك بس بعدني ما لعبت خمسة انا العب ستة بس اختي لعبته وهي عند النهاية بس نايمة الحين

ما تقصرين يا الطيبة:

قولي لها تكفين وخليها تساعدني...
أنا معديا الخمسين والدرب يضايقني...

^ شعر حويحي عالطاير... لأن صارلي أكثر من 50 ساعة ولسه ما نهيتها...!!!

[RPGgirl]

ترى يمكن جربها
روح ناحية يسار المكان اللي انت فيه بتحصل مثل مكان فيه رمال بعدين بيي سيد وميد عشان يمهد لك الطريج للعبور اظن انك الحين تدور على كريستاله Earth
جربها لانه لو ما نفعت يعني عشان توضح اكثر
انت محصل على سفينة؟

[Prime Evil]

الرسالة الأصلية كتبت بواسطة RPGgirl
ترى يمكن جربها
روح ناحية يسار المكان اللي انت فيه بتحصل مثل مكان فيه رمال بعدين بيي سيد وميد عشان يمهد لك الطريج للعبور اظن انك الحين تدور على كريستاله Earth
جربها لانه لو ما نفعت يعني عشان توضح اكثر
انت محصل على سفينة؟

مشكورة شكر جزيل ذكرتيني بأيام العالم الأول....

بس أنا في نهاية اللعبة في العالم الثالث....!!!

حصلت على الـ 12 سلاح الأسطوري المحفوظين في قصر كوزار والآن كل اللي عليّ هو القضاء على الزعيم الآخير اكس ديث...

دخلت الـ Cleft Deminsion و تعديت الصحراء والمدينة و الغابة وعلقت في الكهف أو بالأحرى في نهاية الكهف وجدت مكتبة بعدين مازا أعمل...؟

[RPGgirl]

الكتاب اللي تحديت فيه الوحش افتحه بعدين بتطلع من المكان بتلاقي نفسك بالسما وخلاص

[Prime Evil]

الرسالة الأصلية كتبت بواسطة RPGgirl
الكتاب اللي تحديت فيه الوحش افتحه بعدين بتطلع من المكان بتلاقي نفسك بالسما وخلاص

الكتاب اللي طلع منه الوحش ضغطت عليه وقفلته?:

يعني أضغط عليه مرة ثانية وافتحه

أم ماذا....؟ أخا اضغط عليه وافتحه وانصدم ما يصير شيء :"...

وبعدين على فكرة اختك أو انت المهم....! قدرتوا تقتلون Omega !!!

ياخي ذا الحديدة قوي بس غبي،،، عدي منه يمين يسار وتصل لبر الآمان..!

[RPGgirl]

لا مع الاسف لانه يعتبر من اقوى الوحوش وبالنسبة للكتاب هالحل الصحيح افتحه وخله مفتوح بعدين اطلع من الغرفة اللي انت فيها بتلاقي نفسك طلعت من المكان

[Prime Evil]

الرسالة الأصلية كتبت بواسطة RPGgirl
لا مع الاسف لانه يعتبر من اقوى الوحوش وبالنسبة للكتاب هالحل الصحيح افتحه وخله مفتوح بعدين اطلع من الغرفة اللي انت فيها بتلاقي نفسك طلعت من المكان

خلاص ما تقصرين مشكورة جدا...

أنا كان المفروض ما أقفله... بس تخيلوا لو ما سألت وساعدتيني كان علقت للأبد في فاينل فانتسي 5...

صحيح الدنيا لعابه يبي لها تأديب ...

شكر جزيل على الخدمة و أردها في عرسك إنشاء الله...

[RPGgirl]

العفو :#

[Prime Evil]

لا عفو على شكرا>>>> حلوها عاد":"

المهم ما قصرتي ومشكورة ولا تحرجيني وتقولين عفوا لأني ما أعرف أرد عليها...

[tidusxxx]

احم احم......فاينل فانتسي xموب تافه اذا سمحت......احترم رأيك لكن عالاقل قول سهل الحالها....لاتدخل تافه معها اوكيع;-)

[عاشق الكمبيوتر]

على اي جهاز تلعب ff5 ؟؟؟



لا يكون عائلة

[Prime Evil]

Tidusxxx :

اللعبة تافه ولكن جميلة أقصد تافه من حيث الصعوبة ولكن المعارك جميلة وحلوة وخاصة الإستدعاءات...

======

عاشق الكمبيوتر:

اللعبة ألعبها على الـ PC مو على العائلة...
وأصلا هو ما صدر على العائلة... صدر على سوبر نينتندو...