<<خشينا في الجد .. ومثل ماقال الصعيدي "هالله الله على الجد والجد هالله الله عليه" خخخخ ..
السلام عليكم .. <<بدري..
طبعا تلاحظون ان الموضوع جدّي (خالي من الرضاعه يعني) ..
الزبده ..
مثل ماتلاحظون في التغيرات الدوليه واللتي طرأت على (<=ياشين الفصحى) .. الأحداث الدوليه .. فبعد أحداث الحادي عشر من سبتمبر 2001 .. بدأ العالم يتكتل ضد الارهاب أو الاسلام .. كله واحد للأسف ..
المهم .. طبعا اللي حصل واللي سيحصل لايبشر بمستقبل لألعاب الكمبيوتر .. عموما .. ولا لفاينل فانتاسي خصوصا <<وش دخلها خخخـ
فنقدر نتوقع أن مثلا هالسلسه ستنتهي .. وذلك للأسباب التاليه :-
اولا..ضعف الاقتصاد الياباني .. ومروره في حالة ركود طويلة الأجل ..
ثانيا..نحن المسلمين وبالخصوص اهل الخليج (خليجنا واحد:6 ) .. جزء من هالعالم الفسيح مدري الوسيع .. فلازم نتأثر بهالمتغيرات .. يعني لاشفت أنك ماقدرت تشتري لعبة بـ30 ريال .. اعرف ان ميزانيتك خربت ..
ثالثا..بالله أحد فاضي يلعب والعراق يضرب ؟! .. مانقول خلوها نكد .. بس يعني الصواريخ تطير فوق راسك وقاعد تلعبلي بايريس وطقتها .. !! ولاكراش
أسباب كثيره .. اللي عنده يعطينا ..
ولاتنسون ان لاسباب اللي فوق ركزت فيها على فاينل فانتاسي .. ":"
وبعدين نخش بالمحور التاسع
اكيد الاعلام الغربي بيأثر على شركات الانتاج .. فمثلا .. منتخب السعوديه بداله اسرائيل (ويننج اليفين) .. وبيحاولون يسيطرون على العقول اليابانيه الساحره .. فتعطينا ألعاب ظاهرها حلو وجميل وفي داخلها تزرع الحقد والبغضاء بيننا كمسلمين ..
مثلا بميتل جير .. بيحلقون لحية سنيك .. اللي توه مستانسن فيها .. وبيحطون سكسوكه خخخ .. ولا أي شي ثاني بس غير اللحى .. او يحطونها وبمقطع ثاني قاعد يرقص مع بنات .. مثلا .
فبصراحه لاتتوقعون ان الامور بتمر بهالسهوله وخاصه أن العاب الكمبيوتر تجذب الصغير والكبير .. الطفل والشيخ الهرم ..
يعني مثال .. ذاك اليوم شفت لي اعلان عن فلم يتكلم عن الارهاب .. وحاطين ناس لابسين لبس خليجي .. ((هم من مصر )) بس أشكالهم تحف .. وهذا يدل أن التكتل ضد الارهاب قد اخترق الافلام وشركات الانتاج ..
بصراحه كالعاده في بالي كلام كثير .. لكن هذا أن شاءالله يكون وصل المعلومه .. لكم ..
وعساه ينسيكم موضوعي الرهيب حق الغباء
وشكرا لكم ..
