رجال أمن .. أم اعضاء شرف؟؟!!!

[باباسنفور]

اعود اليك فى كتابة المواضيع كاول موضوع لي فى المنتدى العام بعد الانتقال اليه..


ولازم نسال عن احوالكم ..":" واحوال جدتكم من ابوكم كل ابوكم



طبعا فى غضون هالصيف الواحد بيكون فاضي بعد ان انتهى من تقديمات الجامعه والكليات...

واللى انقبل انقبل وحب راس شغالتهم واللى تقرشع تقرشع ويدور له على محل خضار .. بحيث تكون اسرته الخيار والبودنقا:!


وبالنسبه لي انا متفرغ للشوارع والقزقزه فى خلق الله ..

<... ملقوف


وخلال هالايام الدوريات والشرطه منتشره فى حينا .. مدري ليش .. شكله صار شبهه ..

على العموم يمكن خلال هالايام فى العطله الصيفيه وقفوني الدوريه حوالي عشر مرات .. لاسباب تافهه وسخيفه .. لكن وش نقووول..

عاد الواحد وشلون يفتك منهم ..

خلوني اقصلكم قصه هالشرطي معي واخوياي..

كنا ندور عند بيتنا نحتريهم يصلون الفجر عشان نفطر ونتكي فى بيوت احد الشباب والا كل واحد يروح لبيته ينوم ..

المهم..

انا قلت حطوني فى البيت على اساس اني ابي البس سروال طويل لاني لابس شورت ومايصير اصلي بشورت ..

ولسوء الحظ ..

مامعي مفتاح البيت واهلى مافتحوا لي الباب نايمين?:

وجلست محتار وش اسوي..

قالوا اخوياي خذ سروال احد الشباب يجيب لكم من بيته ...

قلت معصي مابقى الا هي ..
<... بيعلمكم انه دلوع

واضطريت اني ما اصلي واخوياي السمرمد قالوا نايف مايصلي .. حنا بنخربها بعد وماراح نصلي ..

(شوفوا الدشير .. مفصول الريوس عندهم )

وبعد ماخلصوا الصلاه ..

خوينا استلج وقام يلعب على نفسه شوي ويفحط بالسياره على خفيف .. بس ازعاج .. وبالصدفه دوريه تمر .. وتوقفنا ..

طبعا انا وواحد مامعنا اثباتات .. واللى يسوق لا رخضه ولا اثبات .. يعني كحل..

ويقول ليه ماربطت الحزام .. قلنا رابطينه بس انت ما انتبهت ..

قال وانا ما اعاين ..

ابك وراعين هالزمن..

بعدها سأل وين رايحيين على هالفجر قنا صلينا ووبنروح بيوتنا..

قال انت وشلون صليت بهالشورت .. قلت انا لا ذبيت سروالي بالبيت .. ولبست هذا ..

ويبلشني وياخذني على جنب ويقول ..

انت امريكي عشان تلبس هالشورت ..

قلت ياخوي خلني ارتاح وبعدين حنا مو بدو .. تطوروا شوي .. ثياب وبس..

لا ومن زين الطبايع حاطلي قذيله تقول عفريته ..
(طبعاً عليه ذبه غبيه):0)

وبعد مانكتنا معه بدأ يضحك واستانس شوي..

ثم قالي وش رايك بالهلال .. قلت ووووووووووع بايخ ما ادانيه ..

قال روح الله يستر عليك .. طلع العسكري نصراوي..

والله فله كل ما مسكني عسكري بقوله على طول انا اشجع اللى تشجعه انت ..

ويالله اخلى سبيلي..

التكمله بالرد الجاي

[Prime Evil]

والله اليوم صار لي موقف كاد أن يوديني لداهية

هو جاي من الشارع العام بالكابريس 93

وطبعا منزل الكرس والردكسون وكل شيء

ومرجع ظهر الكرسي لورا ومقدم الكرسي لقدام

( هذي الميزات لا تجدها إلا في كابريس فأشتر لك واحد الآن )

المهم خليته وضيعة سبورت

ومو رابط الحزام ولا جيب معي الإثبات وأم رخصة فما عندي

المه جاي من الشارع العام وداخل شارع الحارة

وأنا داخل بسرعة وما هديت طبعا مالت السيارة شوي زي ما في أفلام المطاردات

بس زين انها ما قحصت وفجاءة قدامي شرطة:!

السيارة فورد والموديل ما قبل 90

والغريب أنه ما مسك على شيء ولا وقفني

مع كل شيء سويته غلط

واللفة المتهورة

ما أقول إلا الحمد لله عدت على خير وشكله هالشرطي مو داري بقرار الحزام شكله له ثلاث سنين يدور بالدورية وبدون توقف:0) ...

[tidusxxx]

يا عيبااااااااااااااااااااااااااه شورت:": كمل وانا اخوك كمل
لا وش علاقة الجوهرة بالموضوع ?:

[باباسنفور]

نكمل معكم...

وهذي قصه ثانيه ..

واحد من اخويانا ملجلج اجر سياره كورولا وكتملها مضلله بالكامل ..

كنا بنروح لاستراحه وجالسين نجمع اخويانا .. كنا اربعه بالسياره ونزل واحد ووقفنا نحتريه عند السياره وبقيت انا وواحد فى المرتبه الخلفيه .. واللى يسوق بلحاله قدام ..

وتمر دوريه وتنصانا على طول ..

وليه وش هالنشبه

قال الرخصه والاستماره ..

ثم قز مافيه احد قدام الا السواق .. واثنين ورى شك بالوضع .. ويدق ريوس ويناظر يشوفنا ..

واانا كاتم ضحكتي على هالدلخ ..

ثم يقول اثباتاتكم ..

انا كالعاده ماجبته وخويي اللى بجنبي ماطلع اثبات .. والموتر اجار..

يعني كحل بالعريب ..

ويقول انتم الاثنين اللى ورى يالله اركبوا معي ورى ..

ونركب معه ويلحقنا راعي الكورولا للقسم ..

واعوذ بالله مافيه مسجل ولا شىء <... متعود على الاتي كيت ":"

ولا به مكيف مغير عرق يصبصب ..

ويلتفت على وانا كان معي كولا نزلته تحت ..

قال وش اللى نزلته بالسياره انا راح بالي على الارقام اللى بالكورولا لاني يوم شفته حطيتها تحت المقعد ..

معاريض يشوفونها معك بق بروبلوم .. <... موب عاقل رامي عياش :6

انا قلت له معاريض .. قال وش معاريض .. هاه :! يطير عيونه ..

قال وش حطيت.. تحت ..

ويغمز لى خويي ويدكني بوحده ..

قلت لالا ولا شىء ..

صار الوصخ مايدري باللى فى الكورلا وانا الدلخ بغيت افضح .. بكل شىء .. واقول والله مو لي .. بعدين ما استخدمناه الا مرتين مدري ثلاث
<... تراه ذروق

الشرطي ذا مسلتح ولا شريطه وينافخ بعد ...

واصكه الله لا يبلانا .. اقوله اسمي نايف .. يقول هاه .. ايش..

اخرتها قمت ازاعق كأني اكلم واحد فى السطوح ..



المهم وصلنا للقسم على هالحر..

ويحطنا وننزل من سياره الدوريه ..

ويقفونا على مايجي ضابطهم ..

وانا ما ودي اهلي يدرون اني فى القسم.. بعدين على شىء تافه ..

مجرد شك من هالشرطي .. وبيني وبينكم وضعنا كان مشبوه والتهمه
لابستنا..

ويوم دخلنا بعد نص ساعه على الضابط المناوب قال اساميكم عطيناه اسامينا وقام يتفلسف ليش مامعكم اثباتات وش كنتم تسوون .. ومدري ايش وتحقيق على فشنق:#

المهم
حنا ماندري وش نسوي واقفين ننتظر شوي..

والا يجي ينادينا مره ثانيه قال..

وش تشجع انت قلت له لا انتا اول ..

قلت اللى تشجعه (مسوي ذهين ) :0)

قال اقولك وش تشجع

قعدت ادقق فى ملامحه قلت ياولد وجهه يقول انه يشجع اي نادي ..
حاولت امشيها واقول التهامي ..

لكن اصر الا اقول..

قلت النصر .. العالمي مدري ايش ..

قال سم الاستماره ونالله يحفظكم ..:0)

قلت بس ..

قال ايه توكل على الله ..

هههههههههههه

والله مسخره ..

آخرتها وش تشجع وانتهينا ..

لكن مشكلة هذولا الشرطه عندنا انهم يتعاملون بنص القانون ويتجاهلون روح القانون ..

مع العلم ان الشرطي الواعي هو الذي يتعامل بروح القانون..

لانه بروح لاقانون يصير حكم الشرطي او رجل الامن على القضيه بمرونه واخذ وعطى .. وتظهر فيها الذهانه والذكاء .. وفطرة العسكري..

وتنتهي الامور بصوره واقعيه .. وسلسه بدلا من سلسله من المصاعب نسال الله السلامه:6

لكن اذا تعامل بنص القانون .. فسيصبح رجل الامن بلا راي بلا منطق بلا منهج .. بلا استغلال لنعمة العقل والتفكير ..

يتعامل كما درس وكما تعلم فى دوراته التدريبيه .. ولا يعطي مجال لابداعاته للكشف عن الحقائق والتخلي عن الروتين الممل..

طبعا حبيت اتفلسف عليكم شوي بالاخير على اساس اعلمكم اني شخص واعي ومخلص للوطن(من جنبها-الله يذكره بالخير)

واخيراً اتسال الا متى نستمر فى القيود و الاعتماد على المنهج التطبيقي .. وترك مساحه شاغره وكبيره للابتكار وتشغيل الذهن .. فقد اصبحنا دوله عاجزه .. دوله بلا شباب عمل ..

لماذا ؟؟

الجميع يبحث عن الراحه .. ولا يهمه مايقال عن بلده .. وعن التخلف الذي نعيشه ..

لدرجه اننا بالآله حاسبه تخلينا عن العقل .. واصبحنا نحسبها بها.. حتى لو كان السؤال 1+1":"

واطرح تسآل آخر..

الدوريات هؤلاء

هل هم رجال أمن أم اعضاء شرف للانديه ؟؟?: :0)

تحياتي للجميع

[Y a z e e d]

هع هع هع هع هع هع هع هع هع هع هع هع
والله ياسنيفير عليك طلعات
":" كمل ولاتطول علينا
":"

[باباسنفور]

الرسالة الأصلية كتبت بواسطة Prime Evil
والله اليوم صار لي موقف كاد أن يوديني لداهية

هو جاي من الشارع العام بالكابريس 93

وطبعا منزل الكرس والردكسون وكل شيء

ومرجع ظهر الكرسي لورا ومقدم الكرسي لقدام

( هذي الميزات لا تجدها إلا في كابريس فأشتر لك واحد الآن )

المهم خليته وضيعة سبورت

ومو رابط الحزام ولا جيب معي الإثبات وأم رخصة فما عندي

المه جاي من الشارع العام وداخل شارع الحارة

وأنا داخل بسرعة وما هديت طبعا مالت السيارة شوي زي ما في أفلام المطاردات

بس زين انها ما قحصت وفجاءة قدامي شرطة:!

السيارة فورد والموديل ما قبل 90

والغريب أنه ما مسك على شيء ولا وقفني

مع كل شيء سويته غلط

واللفة المتهورة

ما أقول إلا الحمد لله عدت على خير وشكله هالشرطي مو داري بقرار الحزام شكله له ثلاث سنين يدور بالدورية وبدون توقف:0) ...

مشكله حقين التسعاوي ذول..

من يوم اشوفهم اخاف وامسك اليمين والخدمه اذا فيه خدمه :0)

على العموم مشكووور على الرد بس ابي تعليقك على الموضوع واتركك قصصك على جنب:6

[Y a z e e d]

ماشفت شي النتفة ولد خالتي
قزم
المهم طالع انا وياه لسدير
ويوم جينا بنديور من اشارة انكاس ((مليون اشارة))
وتلحقنا اللومينا
وقف على جنب ياراعي الكامري ....! :واو:
المهم بلشنا بشرطي بدوي

((انا حسبتا السيارة تمشي بلا سواق علامه ابك حطو بلكة ولا شنطة تحته :واو:

بس كل تبن يوم صار معنا رخصة
":"
وهو متوقع انه بيطيح في بزر
بس تحطم

[باباسنفور]

الرسالة الأصلية كتبت بواسطة tidusxxx
يا عيبااااااااااااااااااااااااااه شورت:": كمل وانا اخوك كمل
لا وش علاقة الجوهرة بالموضوع ?:

كملنا ياخوي وبدنا رايك..

ولا يهمك الجوهره نغيرها

[Lucky guy]

يا زين القانون السعودي

[Prime Evil]

والله ما أقول إلا لازم أتعامل معهم أكثر

عشان أعرف الواحد ايش يشجع من شكله

بس أغلبية الشرطة من الجنوب

وأغلبية الجنوب يشجعون الأهلي

ومن هالناحية هينة جدا

[باباسنفور]

الرسالة الأصلية كتبت بواسطة زيدان تريبل



هع هع هع هع هع هع هع هع هع هع هع هع
والله ياسنيفير عليك طلعات
":" كمل ولاتطول علينا
":"

كملت .. وش بك مستعجل ..

طلعات ولا نزلات:0)
لايكثر بس:0) :6

[tidusxxx]

لا ابغى اعرف ايش تطلع الجوهرة؟؟؟<<<<ملقوف
الموضوع حلو جدا بعدين ما خبرتك تنتظر التعليق على مواضيعك?:

[باباسنفور]

الرسالة الأصلية كتبت بواسطة THE LUCKY GUY
يا زين القانون السعودي

يعمي اهرب بس:0)

انت آخر من يتكلم عن زينتها وشينتها:6

[باباسنفور]

الرسالة الأصلية كتبت بواسطة tidusxxx
لا ابغى اعرف ايش تطلع الجوهرة؟؟؟<<<<ملقوف
الموضوع حلو جدا بعدين ما خبرتك تنتظر التعليق على مواضيعك?:

ياهووه ذا النشبه ..

الجوهره تصير بنت الملك عبدالعزيز موحد الجزيره العربيه ومؤسسها ..

اللى كان اسمها نجد وملحقاتها بعدين صار الحجاز ونجد وملحقاتها وبعدين صار اسمها المملكه العربيه السعوديه ..

واللى توفي فى عام 1373 هـ

واللى له من العيال تركي وسعود وفيصل وخالد وفهد الله الله ياربي ياربي ياربي ياربي

ياربي



ياربي

يطول بعمره:0)
<<... يحتك بالمصاريا:6

خلاص الحين عرفت ..

وتسلم على المجامله ..
;-)

[Lucky guy]

الرسالة الأصلية كتبت بواسطة باباسنفور


يعمي اهرب بس:0)

انت آخر من يتكلم عن زينتها وشينتها:6

وين اهرب واهج :6

أنا مني أخر واحد ولا أول واحد

الله يخلي الحكومه لنا

تموت تموت تموت وتحيا الحكومه :" :6