يبقى انت أكيييييييييد العربي !!!

[mody80]

تعرف تتكلم غربي وتزود همي وكربي؟
تلوح صوتك أفرنجي وحياتك مسخ اوروبي
يبقى انت اكيد العربي
تعرف تستنكر جامد وتهيص واقف قاعد؟؟
وتغمي عيونك خالص بين انك مش حاسس
يبقى انت اكيد العربي
تبعث وتجيب في مبادرة وآراء دايما متصادرة
تعمل لك قمة مريحة بتشع باعفن ريحة ؟؟؟
يبقى انت اكيد العربي
تحرق ف رموز اجدادك بقى بوش وبلير اسيادك
وتبيع في اخواك واولادك وتغير جلدك دوغري
يبقى انت اكيد العربي
جعجع واتكلم وانبر وأكدب هيص أو أفشر
أشجب بغبغ استنكر وأعمل نفسك متاثر
يبقى انت اكيد العربي
لا تجيب ولا يوم ح تودي عايش في الحلم الابدي
وشارون بيطبل وانت ع الوحدة بترقص بلدي
يبقى انت اكيد العربي
أشجب ندد ما تونش وأنت في الاصل مطنش
دا القهر في مخك عشش إن ندى وطنك ماتردش
يبقى أنت اكيد العربي
عامل نفسك مش شايف وتغني انك مش خايف
مع إنك كائن هايف بلونة عليها شفايف
يبقى انت اكيد العربي
فالح تضرب في اخواتك وتغني سيرة امواتك
والجبن اهم سماتك وحياة الذل حياتك
يبقى انت اكيد العربي
ومالكش ايها قيمة ولا نافع حتى في سيما
وأنت في ضمير العالم يا دوبك حاجة قديمة
يبقى أنت أكيد العربي
تعمل طوابير تستعرض وتغني في ندوة و معرض
والعالم شافك زود في كلامة وقال متعود
يبقى انت أكيد العربي
كل واشرب واسكر طينة فاكر كم مرة صحينا
على ناس بتدوس أهلينا سرقوا حتى حكاوينا
يبقى انت أكيد العربي
حسك عينك تتكلم أفضل تنح واتبلم
أحضن أعدائك سلم و اشنق ولدك واستسلم
يبقى انت أكيد العربي
عمال تلحس في كلامك ومصدق جهل علامك
عمال تجري لي قوامك على وعد يهودي اوروبي
يبقى انت أكيد العربي
العالم عايز قوة مش بس كلام من جوة
عالم محتاج لفتوة مش واحد يضرب غنوة
يبقى انت أكيد العربي
والله لو كان بايدينا ومالكش يمين علينا
لو كان الامر بايدي لاتبرى من الجنسية
أصلي للأسف انا عربي


بقلم عمرو ابراهيم منقول

قصيده متشاءمه شويه لكن اصل هوه ده المووود بتاعى الايام دى

[الفقيرلله]

الحمد لله
والصلاة والسلام على رسول الله
وعلى من اتبع هديه ومن والاه الى يوم الدين :

اما بعد :

اخي الحبيب
قصيده يبدو لقارئها الظرافه للوهلة الاولى
ولكنها تحوي وتعبر عن انهزاميه وتشاؤم وظلم واستهانه بخير امة اخرجت للناس
نعم نحن خير امة اخرجت للناس مادام الامر بالمعروف والنهي عن المنكر لازال ينبض في هذه الامه ,
حتى لو لم يتبق الا شخص واحد فهي في خير

سوف تقول لي انك لست الكاتب , وانها لاتعبر عن فكرك
اقول كفاكم تجريحا واستهانة بامة محمد صلى الله عليه وسلم
ولا تتناقلوا مايضعف النفوس
ويزرع بذور الضعف في اجيالنا
الواجب منا ان نقوي نفوس ابنائنا بتربيتهم على كتاب الله وسنة رسوله وتذكيرهم بقيادية وعظمة اجدادهم صحابة رسول الله صلى الله عليه وسلم بدلا من تحبيطهم وقتل نبضات العزة والعلو بهذه النوعيه من الكتابات والقصائد

هذا مالدي والله تعالىاعلم

[mody80]

الرسالة الأصلية كتبت بواسطة الفقيرلله
الحمد لله
والصلاة والسلام على رسول الله
وعلى من اتبع هديه ومن والاه الى يوم الدين :

اما بعد :

اخي الحبيب
قصيده يبدو لقارئها الظرافه للوهلة الاولى
ولكنها تحوي وتعبر عن انهزاميه وتشاؤم وظلم واستهانه بخير امة اخرجت للناس
نعم نحن خير امة اخرجت للناس مادام الامر بالمعروف والنهي عن المنكر لازال ينبض في هذه الامه ,
حتى لو لم يتبق الا شخص واحد فهي في خير

سوف تقول لي انك لست الكاتب , وانها لاتعبر عن فكرك
اقول كفاكم تجريحا واستهانة بامة محمد صلى الله عليه وسلم
ولا تتناقلوا مايضعف النفوس
ويزرع بذور الضعف في اجيالنا
الواجب منا ان نقوي نفوس ابنائنا بتربيتهم على كتاب الله وسنة رسوله وتذكيرهم بقيادية وعظمة اجدادهم صحابة رسول الله صلى الله عليه وسلم بدلا من تحبيطهم وقتل نبضات العزة والعلو بهذه النوعيه من الكتابات والقصائد

هذا مالدي والله تعالىاعلم