في يوم من الايام ... كانت الخبله ... الموزه ... المستانسه ... رايحه ... الي الجمعيه ... وهي بالطريق ... تتمشى ... <=== مقحطه ماعندها ... فلوس ... تشتري سياره .. يمر واحد على سيارته .. على CLK والموزه المستانسه اول ما شافت السياره ..حلجها طاح بالقاع .....
وكان راعي السي ال كي ... معلي على الصوت ... ومشغل ذيج الاغنيه الغربيه ... لامن سمعتها ... قمت اتناقز ... وتقوم ... الموزه ... توقف ... راعي السي ال كي ... ودار بينهم الحديث الاتي ... :
الموزه : زل الجامه ... لا امردغك ...
راعي السياره : شنو ماسمع .. ؟؟؟ ..
الموزه : هذا الي يبيني اكمخه الحين .....
راعي السياره ينزل جامة السياره ...
راعي السياره : نعم شتبين .. ؟؟؟ ..
الموزه : هيييييييييق ... انصدمت ..!!! .. الكوووويييييتتيييي ..
&الكويتي112& : منو معاي .. ؟؟؟ ..
الموزه المنصدمه : ماعرفتني ... يالرقله ...
&الكويتي112& : حدج بايعتها متى طاحت الميانه .. ؟؟؟ ..
طرااااخ بشوشتها ...
ما اشوف الا ذاك الطراق ... الي يصحيك لو انك بغيوبه ...
الموزه المنصدمه : هذا جزاء من يطق الموزه السعيده ...
&الكويتي112& : اها ... انتي الموزه المستانسه ... شالي جابج ... هنيه .. ؟؟؟ ..
الموزه : انت الي شجابك ... هنيه ... ؟؟ ...
مليت وانا اكتب &الكويتي112& بكتب انا واخلص نفسي ...
انا : بس كنت افتر ... بالمنطقه ... وبحظي النحس لقيتج ...
الموزه : ما سمعت اخر خبر .. ؟؟؟ ..
انا : عسى ما شر شنو .. ؟؟؟ ..
الموزه : اناو شله المنتدى المصرقعه ... ناويين نغتال القرد بوش الملعون ..
انا : :! .. تقصين علي ... ؟؟؟ ...
الموزه : والله ما اجذب عليك ... تبيني ... اصكك بكس ... عشان تستوعب .. ؟؟؟ .. <=== قايل لكم مو تكانه ... ونهاوشني بعد ... والله حاله ...
انا : سكتي بس ... لا .. امردغج هنيه ... ما بقى الا البنات ... يمدون ايديهم على الرجال ... (ادري كسرت فيها ...) ..
الموزه : المهم دريت ...لا تقول ما قلنا لك ...
انا : مع منو .. تبون تغتالونه .. ؟؟؟ .. حدديهم واحد واحد ..
الموزه : انا مع خرباج ...( مع ابو فهد ... خالد ... (جده غير ) ).. وflarstar
.. و usef
عاد نبيك تكون ويانا ...
انا : خلاص ابشري ... اعتمدي ...
الموزه : يله ... انا بروح الجمعيه ... بشتري عصير سانكيست ..
انا : طبعا السانكيست منتهي ... !!!
الموزه : لا تستخف بدمك ... يله بااااااي ..
انا : كل يوم تعالي ... خخخخخخخخخخخخخ ..
=========================================
وانا على طول دقيت على الشله ... والحين بالتطور ... نقدر نشبكهم ... مع بعض بمكالمه ... وحده <=== هذا تسميه تطور .. ؟؟؟ .. خخخخخخ ..
شبكت خرباج .. مع يوسف .. مع ابو فهد ( جده غير ) .. مع فلار ستار
انا : هاه يالداجين ... سمعت انكم تبون تغتالون بوش .. ؟؟؟ ..
ابو فهد : :! ..
فلار ستار : :": ..
خرباج : :واو: ..
يوسف : منو الي عم علينا ... والله لا اذبحه ... قولوا لي منو الي عم علينا .. ؟؟؟ ..
انا : يوسف يالفلته ... انا دريت ... اما سالفة منو علمني اغسل ايديك ..
فلار ستار : اكيد الموزه الكحيانه ... انا اعلمها ... :غضب: ..
ابو فهد : هدوا الموضوع ... واذا درا شنو يبي يسوي .. اذا عم علينا ... مردغناه ...
انا : انشهد انك تعجبني يا بو فهد ... انا وياكم ... بالحلوه ... والسكر .....
خرباج : خلاص الحين صرنا سته ... اكملت ...
انا : شوفوا تتكلمون على تلفوني ... وتلفوني ... عليه ... عشر تعش ... الف فلس مادفعتها ... وما اقدر ... اسافر ... الا لما ادفع حساب التلفون ... المشكله .. الخط مسجل باسمي ..باسمي ... <=== نغزه عشانه شابكهم بتلفونه ... خخخخخخخ ..
ابو فهد : ابشر ... والله يا بو جاسم ... ( لاتفضحوني ... وتقولون لي ابو جاسم ... اشششششش ) .. رقبتي سداده لك ...
انا : هذي الهقوه فيك والله...
خرباج : خلاص ... بعد ثلاث ايام نكون نسافر ... لهذي الي يسمونها ... امريكا .. عوكي .. ؟؟؟ ..
عوكي ..... ( كلهم مع بعض قالوها ... ) ..
=========================================
وخلال هاليومين لازم كل واحد يزهب نفسه .. ويشتري الاسلحه ... وشلون ... يهربهم ... من المطار ... وطبعا كلنا ... فوق راسنا ... علامه ... ليس غيبه علينا ... الا وهي ... (((؟))) .. وبعد التفكير ... والتمحيص ... والتقحيص ... استطاعت فلار ستار بذكاءها الخارق ... <=== افلقني ... انها تجد وسيله لتهريب ... الاسلحه ... للخارج ...
وبعد ان ... لقينا وسيله للتهريب ... كل واحد وفنتكته ... وشنو بياخذ معه ... وشنو يبي يشتري ...
والمهم ... كلن قضى حاجته ...وخلص ... وشرا الي شاره ... وطق الي طقه ... والى اخره من هذا الكلام ...
وجينا على حسب الموعد ... والمشكله ... ان الموزه معششه ... بالمطار ... من اول ... ما عرفت انا ... خخخخخخخخخخخ ..
وجا خوباخ ... لابس كرفته ... لا من شفته ... تضحك سنه بدقيقه ... خخخخخ .. وابو فهد لابس ... فانيله .. ملات الالعاب ... وشورت ... مخطط بالوان الطيف ...
والموزه لابسه ... ذاك الكعب الي تقول عنها انها عماره من طولها ... مو كعب ... عماره ... خخخخخخخخ ..
وفلار ستار .. لابسه ... العبايه المنتفه ... ومستانسه فيها ... ويوسف ... لا بس ... بجامت سايقهم ... خخخخخخخخخخ ..
وانا ما يحتاج اقول ... كلكم .. تدرون ... خخخخخخخخخخ .. وقبل لا نركب الطياره ... شفنا شي ... غير عادي ... يا ترى ماهو ... انتظرونا بالحلقه القادمه ... ولكم منا اجمل ... تحيه ... والسلام عليكم ورحمه الله وبركاته ..
=========================================
نستنتج ... ان كل الشباب الي ويانا مصرقعين ... وداجين ... وللاسف تكانه ... خخخخخخخخ ..
وانتظرونا في الحلقه القادمه ... اذا ما اعجبتكم .. لا تحذفون علي طماط ... يله ... فمان الله ... وانشاله تعجبكم
.. 
