باكتب الان عن السبب الرئيسي اللي خلاني احب المانغا اكتر من الانمي وهوتسلط استديوهات الانتاج بفرض راأيهم في العمل و تغيره بحسب ما يروه مناسب ففي بعض المرات يتغير العمل بشكل جذري ليصبح شيء غير ما اراده المؤلف تماما انا مع انه الانمي افضل لانه يشغل حواس اكتر من المانغا زي السمع و الحركه والاهم بالنسبه ليا التمثيل الياباني المتقن لكن تابعوا الامثله الجايه علشين تعريفو قصدي.
ديفل مان:
اول عمل سواه جوناجاي مع استديوهات توي انميشن جابلهم الفكره و اعطاهم هيا قبلوها لكن عدلو فيها مره كتير حتى اخر شيء جوناجاي اداهم الضوء الاخضر و قلهم خلاص اعملو ما بدالكمم (لانه توه كان جديد و ما بيتكلم من مركز قوه) فالشيء اللي طلع كان بطل خارق عنده حركات سوبر روبتس لكن قوناجاي ايش سوا قبل ما ينزل الانمي نزل المانغا اللي من تأليفه وقالي عشاقه لا تعتبرو الانمي تبع السبعينات من المسلسل و بعد ما اسس الاستديو تبعه بداء ينزله بالطريقه اللي يبغاها فهو وكل عشاقه يعتبرو ديفل مان افضل اعماله على الاطلاق و احب شخصيه عنده الى الان أكيرا فودو بطل ديفل مان.
غريندايزر:
نعم نعم عارف انكم اتفاجأتو لكن دي هيا الحقيقه المره غريندايزر ملعوب فيه. الفرق الاول في بداي المانغا يجبوا الاحداث تبداء من كوكب فليت مو من الارض يعني قبل الانمي لكن ده اختصار مو فرق لكن الفرق التانى المهم هوا انو غريندايزر في المانغا حارس كوكب فليت و من الالهه الاربع عندهم هناك والوحيدين اللي ممكن يسوقوه هما الناس اللي عندهم الدم الملكي لكوكب فليت بس (يعني دوق فليت وماريا بس ممكن يسوقوه) لكن في الانمي اللي سواه هوا فيغا و سرقه دايسكس ليهرب الى الارض. طيب في حركه في الانمي ما تعدلت وماهو مشروحه ايش هي لمن حاول كابوتو كوجي يسرق غريندازر و اتكهرب ما قدر يسرقه على حسب المانغا لانوه ماهو من العيله المالكه لكوكب فليت لكن ماهي مشروحه في الانمي.بالمناسبه غريندايز اللي في ال super robot wars impact تبع المانغا لانو الوحيدين اللي ممكن يسوقوه هما دوكو فريدو(حسب النطق الياباني) و ماريا بس.
في النهايه جوناجاي و رفيق دربه كين ايشيكاوا(راجع مشاركتي shin getter obo في المميزه) و تداو ناغاهاما مخرج اول 18 حلقه في اوسكار و مؤلف كومباتلر v (خماسي) و فولتس 5 و دياموس راحو اسسو استديو خاص بهم اسمه داينامكس ستوديو.
مايازاكي :
دا الادمي من اولها بعد عدنان ولينا راح لتاناكا مؤلف هايدي و اسسو ستيديو جيبوري و نزل سنه 1984 نواسيكا(غير نازكا) واللي بعد كده دبلجو الامريكان تحت اسم warriors of the wind لكن انا اقولكم من كتر اللعب صار الانمي شي تاني ماهو نواسيكا.
القندام
ما ادري ايش التغييير بالضبط اللي صار في 0079 و زييتا قندام لكن كان تغيير كافي انه يوشيوكي تومينو (مخترع القندام) يرجع ينزلهم مانغا بوجهة نظره هوا مو من وجهة نظر sunrise الشركه المنتجه اللي اعرفه انو زيتا المفروض اطول من الانمي لكن ضغط الشركه خلته يسرع في الاخر علشين ينهيه حتى لو تلاحظ انه الاحداث تتسارع جدا في الاخر لكن كانت ممتازه مافيها تلفيق.
دبل زيتا اللي مسخره المفروض يكون فيه امرو و تشار مع جودو (البطل الجديد) لكن اللي صار انه انشغلو ممثلين الاصوات اللي يمثلو دور امرو وتشار ما كانو حيفضو الا بعد سنه من الموعد المقرر لزيتا فالشركه طلبت من المؤلف انه يتصرف فنزل الانمي بسرع ولفق كتير جدا جدا في القصه و الاحداث دخل الكوميديا و شوية شغل بزوره فخبص الدنيا لكن في الاخر بداء يرجع لاسلوبه المعروف لكن بعد فوات الاوان يعنى لو تشوفو دبل زيتا قندام تلاقو القصه طيبه الاحداث طيبه كمان لكن فيها تلفيق كتير لو المؤلف اخد راحتو كان حيكون افضل من كده بمراحل يعنو شوفو زيتا الفرق بينه وبين 0079 5 سنين اخد المؤلف راحته فيها وطلع زيتا لكن بين زيتا و دبل زيتا شهور في الاخر الوؤلف نزل مانغا لدبل زيتا من وجهة نظره فيها امرو وتشار وقال لمحبين القندام اللي يبغى يعرف ايش اللي صار في دبل زيتا يقرا المانغا و يطنش الانمي.
رد مع اقتباس
