الى كل مشترك في خدمة الـDSL في السعودية

**Cyber Master** · 23-08-2002, 05:07 AM

ياشباب ياليت كل واحد مشترك في خدمة الـDSL في السعوديه يذكر لنا الشركه الى هو مشترك فيها وكم يدفع شهري وكم السرعه توصل عنده وهل واجهتك بعظ المشاكل وهل هي يعني تستاهل الواحد يشترك فيها ولا زي قلتها

لأن انا شغال على الأقمار بس انها مكلفه شوي والحين الدي اس ال صار ارخص من الأقمار لذلك ودي اشوف رأي الى جربو قبل اتورط

**RPG_master** · 23-08-2002, 05:46 AM

عفوا..ان الأعضاء المطلوبون غير موجودين بالخدمة مؤقتا..بأختصار انك في السعودية:6 يعني لنا شهور وحنا ننتظر هالخدمه تتوفر بخطوطنا لكن مااش ما عندك احد ذا الاتصالات..

وما اتوقع راح تلقى كثير عندهم دي اس ال?:

**Better Days** · 23-08-2002, 05:55 AM

خلك على االاقمار احسن

**أبو بدر** · 23-08-2002, 06:26 AM

أخوي انا مشترك بسعودي نت ،،،واول شي تتدفع 300 ريال تأسيس (مره وحده بس)،،،220 ريال للفاتوره شهرياً...واشتراك مع مزود الخدمة يتراوح ما بين 220 الى 300 ريال تقريباً على حسب الشركة،،،والحمد لله ما فيه اي مشاكل...

**RPG_master** · 23-08-2002, 06:37 AM

طيب بأي سرعه انت مشترك وبكم المودم

وووبس حاليا?:

**Better Days** · 23-08-2002, 06:39 AM

الرسالة الأصلية كتبت بواسطة abubader88
أخوي انا مشترك بسعودي نت ،،،واول شي تتدفع 300 ريال تأسيس (مره وحده بس)،،،220 ريال للفاتوره شهرياً...واشتراك مع مزود الخدمة يتراوح ما بين 220 الى 300 ريال تقريباً على حسب الشركة،،،والحمد لله ما فيه اي مشاكل...

يعني تصير كل شهر حول 500ريال؟؟?:

**أبو بدر** · 23-08-2002, 06:40 AM

الرسالة الأصلية كتبت بواسطة RPG_master
طيب بأي سرعه انت مشترك وبكم المودم

وووبس حاليا?:

السرعة 64
المودم عندك من 500 الى 1500

**RPG_master** · 23-08-2002, 06:58 AM

طيب وش فرق ابو 500 عن ابو 1200:!

**أبو بدر** · 23-08-2002, 07:12 AM

الرسالة الأصلية كتبت بواسطة RPG_master
طيب وش فرق ابو 500 عن ابو 1200:!

اول شي طبعاً الشركة...
ثانياً طريقة شبك المودم بالجهاز ... بعض (المودمات) تشبكها بالجهاز مباشرة وتوصلها بخط تلفون مباشر من البوقسية الى المودم...والنوع الثاني وهو الافضل يكون المودم مشبوك بالكهرب بحيث توصل خط التلفون منه...يعني لو تحط المودم بالشارع وانت بغرفتك يشتغل معك ..اعرف انها معقده?:
وفيه نوع يخليك تشبك اكثر من جهاز مع بعض(تنفع لك انت واخوك علشان تراقبون زين:6 )...
**على العموم اعذرني اذا كان هناك بعض الاخطاء لأن هذا اللي فهمته منهم...

**RPG_master** · 23-08-2002, 07:38 AM

امحق مراقبه:6

**Cyber Master** · 23-08-2002, 08:46 AM

مشكور ابو بدر على التجاوب
بس معقوله مافيه مشاكل هو فيه شي عندنا مافيه مشاكل

وعندي سؤال اخير ممكن تقولي اقل سرعة تحميل وصلت عندك واقصى
سرعة تحميل وصلت عند

بالنسبه للمودمات وحوستها انا بحاول اسهل لكم الموضوع على حسب فهمي

الأن فيه ثلاث حاجات تحتاجها لخدت الـDSL

1-الـدي اس ال مودم وهو وضيفته توصيلك بالنت
2-السبيلتر او بالعربي المقسم وبعظ الناس يسمونه روتر وهذا تحتاجه لو كنت تبغى تستخدم نفس الخط الى بتشبك على الدي اس ال للمكالامات الهاتفيه يعني هذا الجهاز وضيفته انه يفصل بين معلومات النت والتلفون اما اذا كنت مخصص خط خاص للنت ماراح تحتاج لهذا الشي
3-الـHUB وهذا تحتاجه اذا كنت تبغا تشبك اكثر من جهاز على خط الدي اس ال

يعني لو كنت انت شخص واحد ومخصص خط خاص للنت ماراح تحتاد الا إلى المودم حق الدي اس ال فقط

اما اذا كنت ماعندك غير خط واحد وتبي تسغل اكثر من جهاز فهناك يوجد مودم ذو اربع فتحات(يعني تقدر تشبك عليه اربع اجهزة) وهو نفسه يحل مكان الروتر والهب يعني يجمهع كل شي وسعره حوالي 1800 ريال

وياشباب اي شخص مجرب لايبخل علينا بتجربته

**Cyber Master** · 27-08-2002, 06:45 AM

ياشباب انا يوم اكتب ردي الأخير في الموضوع هذا طاح مني قلم محد شافه؟

**BLACK TIGER** · 27-08-2002, 07:18 AM

أيش السالفه؟?:

**HArb200** · 27-08-2002, 07:34 AM

انا اشتغل على خط عادي .. والسرعه 40000بت .. أعتقد زين ولا الدي اس ال يتعامل بالكيلو ?:؟!..

وبعدين اللي اعرفه ان التحميل له اشتراك بعد .. ولالا ؟؟

**JOE BUDDEN** · 27-08-2002, 02:12 PM

والله خذ العلم من عند اخوووووووووك...........

انا مشترك اشتراك دي اس ال من عند اول نت ممتاز لا يعلى علييه..

انا توصل سرعة الاتصال عندي الى 350 في المتوسط...

والداون لوود عندي يوصل 30 كيلو بايت في الثانية بالمتوسط

واذا طار وصل 95 كيلو بايت وثبت عليها........

ادفع 400 ريال شهريا.....

اسمع النصيحة وخذ مثل اشتراكي وشف وجرب وانت الجكم....

الموضوع: الى كل مشترك في خدمة الـDSL في السعودية

أدوات الموضوع

الى كل مشترك في خدمة الـDSL في السعودية

ضوابط المشاركة