اخبار انشاء الله ما تزعل !
بسم الله الرحمن الرحيم
الحمد لله
صرّح الرئيس الأمريكي جورج بوش ـ وانتم بكرامه ـ
وقال : اني ناوي صدام بنية ٍ قشراء واني نابزه نابزه الله لا يعوق
بشرّ مير ابشاور ربعي وباقي الشلة اللي يبي يفزعون معي ثم قال ان صدام لكم عليه لأنه مهنا تكانة ٍ بلحيل وتغييرته في مصلحة العالم كله ( ماعليك زود )
وتغيفلة مراسلنا عزيّز مايكل بسؤال ذكي ينمّ ( تبطون ماجبتوها ) عن ذكائه الموتقّد وقال
هالحين انت يومك مسوي لي فيها عربجي وقوي بالله لو قالوا لك الدول الثانيه ماعلينا منك تحارب صدام والا ماتحاربه
وترى ان حاربته منحنب فازعين وش تبي تسوي تبي تحاربه لحالك انت وصلادمك اللي كنها سكة سِدّ والا تبي تهوّن
وتوهّق بوش وقام يحكّ راسه شوي ثم قال : هااه .. والله اني مدري يافلان بس ابشاور الكونجريس
وباقي الربع واشوف
http://209.197.226.127/upload/images/1.jpg
يقولون :
9addam waish estefadt .. ya el'3abi ya el7mar , ehebbbb ya wajhah
ثم عاد لخمه أبو عزّه بذا السؤال وقال : طيب لو قالوا لاتحارب لحالك وش تبي تسوي ..
رد بوش وقال : بالتأكيد أننا سننظر في كل البدائل، وسنبحث في كل التقنيات والدبلوماسيات والمعلومات الاستخبارية المتاحة
عاد أبو عزّه وقتها انقلب راسه ولا عاد صار يجمّع ولا يدري وش الطبخة وصرّفها وقال شكراً حضرة الرئيس وراح
يحسب عند بوش سالفه مادرى ان كل حتسيه : " فق اثمك ويرزقك الله " .. وانه بكبره مايدري وشو يقول ،
واللي يستاهل الذكر ان الحملة اللي سوتها أمريكا على ( مااسمته بالارهاب ) دقت ميزانيتهم العسكرية دقّ
http://209.197.226.127/upload/images/2.jpg
شرح النظام الصاروخي .. وشكلكم تحسبونها النشره الجوّيه .. حدكم والله صواريخ نويّر
وطفّرت بها وركّزوا في اجتماع لهم على نظام الدفاع الصاروخي عقب ما انسحبت امريكا من معاهدة الحدّ من انتشار الاسلحة الباليستية
وصمم نظام الدفاع الصاروخي عشان يحمون امريكا من الصواريخ الباليستية العابرة للقارات
http://209.197.226.127/upload/images/3.jpg
الله لايلوم أمريكا الا خافت من صدام .. دامه كل شوي ٍ رازّ ذا الشوزل !!
والمراد ان اغلب أعضاء الحزب الجمهوري " ربع بوش "
يقولوون انت من جدك هالحين تبي تطيّح صدام وش الله حادّك اعقل واثقل يابن الحلال
فشلتنا عند العالم ورايك راي ٍ اعوج ولا لك الا علمك تبي تخسرنا دراهم وتعب وبس وكله على غير سنع
http://209.197.226.127/upload/images/4.jpg
نويّر مهربة لها دفعة صواريخ وشروخه للعراق شكلها "عميلة " لصدّام
قال بوش ( بصر ) ولاهوب داري الا وانا مدربية من كرسية لأنه خطر علينا والمفروض قد دربيته من سنة جدي بس انا رجل ( صبور ) .. الا والله ضاطور انحن الصبورين اللي صابرين على مصالتك وبثارتك وبربستك .
بزخت اليوم تالي النهار في الشيشان هليكوبتر عسكرية روسية ٍ كبر الحمار يقولون انها أكبر هليكوبتر ٍ في العالم
وكانت ملبودة لبد بالضباط والجنود ٍ والطراطير الروس وفيها الله العالم حول 132 واحد ( عمى تبيس ذي مهيب هليكوبتر
http://209.197.226.127/upload/images/5.jpg
لوّهم حاطين مكيّف بدال المروحة كان ماطاحت اخخخخ
وفطس منهم فوق المية راس وثلاثين واحد منهم حالتهم مابين المتكسمر والمحترق واللي نص استوى و يقولون انهم ودوهم لإنعاش الشميسي حقهم
ويوم فحصوهم لقوا 17 واحد رايحين فيها مايدرون وين الله حاطهم فيه ويدعون لهم بالفرج هالحين ،
وتطاقت الانباء ( يعني تضاربت ) حول سبب محطة الطيارة أحد ٍ يقول ان فيه خلل وحريقة في المحرك
واحد يقول ان المجاهدين الشيشان هم اللي جادعينها وانهم معترفين بذا الشي ( كفو يا طيور شلوا )
واللي يستاهل الذكر ان هذي أكبر خسارة عسكرية تخسرها روسيا من ثلاث سنين تقريباً ويقول مراسلنا عزيّزكوف ان الروس انخرشوا وروّحوا وزير الدفاع والمدعي العام عشان يشوفون وش السالفة ،
http://209.197.226.127/upload/images/6.jpg
ارجعوا يالدبش ترى الطيارة تبي تطيح وتفطسون لاتقولون ماعلمتنا
وأزين مافي الدعوى ان ذا الهليكوبتر طاحت في حقل الغام وبحلوا حقين الاسعاف مايدرون وش يسوون يشوفون ذولا " يفاوقون " حول مايفطسون
ولا يقدرون يوصلون لهم وصاروا كنهم واحد شاف له " خاضور " فوق أثلة ورجده بالشوزل وطار شوي وبزخ في ارض ٍ كلها شوك ولا قدر يجيبه ( الله من زين التشبيه )
المهم ان حقين الاسعاف قالوا ان انحن ماملينا من أعمارنا نروح نسعفهم جعلهم يفطسون كلهم كان تبونا نسعفهم فشوفوا لنا شوفه في ذا الالغام ، وراحوا ونادوا لهم خبراء الغام
وضبطوا لهم درب ٍ وش زينه ويوم وصلوا لقوا ان أغلبهم فاطس واللي محترق ٍ كنه دجاجة شاويتها حرمة ٍ رفلا ،
http://209.197.226.127/upload/images/7.jpg
الرئيس الروسي ووزير الدفاع منخرشين ٍ كنهم سعوديين شايفين لهم لبنانية
وأرجا من فيهم لقوه
منخرعة ٍ ترقاته و منكسر ٍ فيه 4 ضلوع و3 عظامه وطايحن منه سنّين ويوم شافوهم تسذا قالوا ياسفاب العنوة والله والمشوار ، الشرهه مهيب عليكم الشرهه
على اللي يتعب عمره ويجي يبي ينقذكم يالزلايب ياللي ماتستحون على وجيهكم
والا لو فيكم خير كان ماتموتون وهذا كبركم .
والسلام عليكم
منقوووووووووووول
انا عن نفسي طلعت