الرشاش وطاسة المويه
استيقظت باكرا ولم استطع فتح عيوني من كثر الغمص وبعد جهد جهيد قدرت افتحهن , تذكرت اني مواعد واحد من اخوياي بنطلع للبر
المهم لبست بنطالي ولفيت الشماغ فوق راسي ونزلت اجمع العده الي باخذها معي ( مقص اظافر- مفتاح علبه تونه - مزيل مانكير )
وانا الي اطمر زي دايسكي ( الي يسوق قرندايزر ) بالدستن وزي كل مره شغن شغن شغن شغن يالله يالله يشتغل وقلت عاد مع هالصبح لازم اسوي فيها طربان وادور لي شريط زي الناس ما لقيت الا شريط طقاقات وانا الي اشغله واحس بالقشعريره اتجاهه وكل ما وقفت عند اشاره بديت اكهرب وعينك ما تشوف الا الكتوف تهز خخخخخخخخخ , طاط طاط طاط انواع البواري بس الضاهر ان خويي نايم عاد قلت ابنزل ادق عليه الجرس وما امداني ادق ثاني مره الا وجايتني زنوبه الزاهر الزاهر انها من غرفه نوم ابوه خخخخخخخخخ عاد انا التفت يمين يسار اشوف يمكن احد يضحك علي ولا شي بس الحمد لله الشارع يصفر مابه من يقول ربي الله ,وبعد عناء نزل ابو فلقه رفيق العمر وهممنا بالحراك الى البر , تجالدنا شوي الين ما حددنا المكان الي بنروحله بس المشكله من دلاختي المعروفه نسيت اعبي الموتر بنزين شوي واحس ان الدستن بدا يقطع وش السوا وش السواه قلت مالنا الا نحتري احد الماره لعل وعسا يساعدنا ,ساعه ساعتين ماش ما جا احد والمشكله ان ابوفلقه ذبحني من الصياح يقول ودني بيت امي لابارك الله لافيه ولا بمه , المهم قلت له وش رايك بس نطبخ هنا ورب البيت كريم ومتى ماجانا احد ناخز منه بنزين ,تتوقعون رد علي؟ الا بدا يزاعق ابي امي ابي امي وانا الي استجمع قواي وافر خشته بكف الين ما عض الارض خخخخخ وطبخنا واكلنا وعينا خير وزبطنا الشيشه وبراد الشاهي ولا كأننا ما معنا بنزين حنا وخششنا ومادرينا الا الشمس بدت تغيب وانا الي ابدى اتراجف اتذكر الافلام اذا جو الذيابه بالليل بس المشكله ما جانا ذيب جانا اسد بس لا تخافون علي قعدت اسوي له حركات بروسلي وتيي وتاا وتوو( هذا صوت بروسلي) المهم حسيت ان الاسد وده يضحك قلت له وش فيك ؟ قال الشرهه على امك الي جابتك قلت له لا تجيب سيره امي على لسانك لا اخليك نقانق قال لايكثر بس ما شفتو غزال شاطف من هنا ؟ وانا الي اشوف ابو فلقه يصير وجهه احمر ويقول بصوت خجول مين قصدك ؟ خخخخخخخ ناظرنا الاسد بطرف عين ومشا بدون اي كلمه المهم قلت لبو فلقه فكر معي خل نشوف لنا دبره قال هو وش رايك نحفر ونطلع بترول ونستخرج منه البنزين ونعبي الموتر ( لاتشرهون عليه ) انا من ناحيتي عقدت جبيني وقلت له توعدني انك اذا رجعنا الرياض ما اشوف رقعه وجهك ؟ المهم شوي الا اسمع صوت جاي من بعيييييييييييد وانا الي اتذكر محقق كونان وانسدح علشان احط اذني على الارض واسمع زين وماهي الا برهه وانا اصرخ هليكوبتر هليكوبتر ونمبسط ونبدا نرقص ونغني خخخخخخخ بس شلون عاد بيوقف لنا الهليكوبتر؟ قلت لبو فلقه اعطني الرشاش وطاسه المويه وعلك باطوق ( قايلكم محقق كونان ) وبديت احسب سرعه الرياح وسرعه الهليكوبتر وبعد عمليات حسابيه معقده قلت اكيد الهليكوبتر بتجي بالسما ( احمدو ربكم ) المهم قعدت احتري الهليكوبتر الين صارت فوقنا وانا الي اقول لبو فلقه يالله قل 3-2-1 انطلق وبسرعه البرق اندفعت معاكسا الرياح ومجاكرا للهليكوبتر وبلمحه بصر رفعت الرشاش ةخرطت والديه على تانكي الهليكوبتر وبنفس الحزه كنت ممسكا بطاسه المويه لكي اضع بها البنزين المنسكب ( كل ذا وانا اركض ) ويوم خلصت وامتلت الطاسه بسرعه بدأت امضغ العلك وجمعت قواي العقليه والعضليه وتفوووووووووووو تفلت العلك علشان يغطي المكان الي ينزل منه البنزين ( ياويليه علي بس ) بس تبون الصراحه تعبت من الركض مع انها كلها 40 كيلو بس ولو للضروره احكام وارجع لبو فلقه متشققا فرحا مسرورا مبتهجا وبدينا نغني ( ليدي ليدي مااروعها ليدي ليدي هيا معها ليدي من حسن وجمااال ) وعبينا الدستن ورجعنا لاهلنا غانمين خخخخخخخخخخخ
معاني الكلمات
دستن : الددسن او البيك اب او الددس
شاطف : اي جاي مسرع ويقول دربد دربد دربد دييد
الغمص : وانت قايم من النوم رح بسرعه للمرايه وتشوف وشو الغمص خخخخ
ما يستفاد من القصه
1- ان السعوديه عندهم هليكوبترات تشتغل على البنزين
2- لاتطلع البر الا وانت معك واحد تكانه
3- احلى فايده اني افتكيت من ابو فلقه خخخخ
منقول
