ساعدوني ياشباب في اختيار السيارة

[لانــدكــروزر]

ياشباب...انا توني متخرج من الثانوية..

وابي اشتري سيارة..ومتحير ماادري ايش اخذ..ياليت تقولون لي رايكم..

1- كامري

2- كورولا

3- سوناتا

4- لاندكروزر ( شاص)

مع العلم اني احب سيارات الدفع الرباعي 4×4 ....واذا فيه سيارة دفع رباعي لايزيد سعرها عن الـ50 الف عطوني خبر لان الميزانية هالسنه مدري وش فيها داجه:0) .....بشرط تكون السيارة من الوكالة..

[D0WN~T0WN]

شف حبيبي

كانك تبي سعر منخفض ومواصفات حلوة

خذ بين الاربعة ذي

1-باثفايندر

2-اكس تريل

3-راف4

4-باترول كوبيه(حلوة كوبيه)

على فكرة كلها فوق الخمسين يعني بين 60-85


اما الاختيارات اللي حطيتها

فلا تاخذ غير الكامري او كورلا

اما سوناتا فالله يخلف على من صنعها

اما لاند كروزر شاص ماتصلح الا للبران والا واحد يبيع جح

[FSM]

كامري ....

[DSL]

خذ مكسيما بدال الكامري

[لانــدكــروزر]

هههههههههه قوية يا MR.Dj... جح مره وحده
والله الاختيارات اللي حطيتهم لي حلوين لكن مافيه $$ هذي السنه مثل ماقلت لك

FSM الكامري حلوه وانا بصراحه 55% يمكن اشتريها.

ياDSL اخذ لي افالون بدال المكسيما او كامري سبورتيفو اصرف لي

عالعموم ماقصرتو ويعطيكم العافية

[DSL]

انت حطيت من ضمن الاختيارت كامري ... وتركت المكسيما !؟ رغم ان المكسيما نفس سعر الكامري وافضل

[the driver]

تبي الصراحه يا لاند كروزر خذ


هوندا أكورد ولا تفكر رخيصه وزينه وتعيش

[MR.أستبنه]

شف يا اخوي : ان كانك من هوات البران الي بالسنه يمتر الصمان والربع الخالي ( حشى والله لو ضب ) فخذلك شاص وبس
وان كانتك من اهل الديره فخذ كامري او مكسيما
فيه جيب الربع (لاندكروزر)قوي وخفيف ويشيل اربعه او خمسه

[لانــدكــروزر]

يا DSL...:# انا الشباب قالو لي ان الكامري تعيش معك اكثر من المكسيما وهذا اللي اظنه انا بعد لان الكلية اللي انقبلت انا فيها بعيده عن السكن حقنا ويبي لها موتر يتحمل المشاوير لمدة 4 سنوات مدري يمكن انت رايك غير;-)

=====================================
the driver بصراحه الاكورد حليوه بس مادخلت مزاجي
=====================================
هلا بمستر استبنه هههه تقدر تقول اني انا احب البر مع اني حظري
بغيت اسـألك سؤال....انت جربت الشاص؟؟ وشرايك بالتقمز على الطريق (التقمز = التطمر = التنقز) يعني راحته مثل الهايلكس او الددسن او راحته اقل؟؟ (بغض النظر عن راحة المقاعد)..
ومدري الاندكروزر الربع اللي تقول عنه تقصد المصندق او شكله مثل الاندكروزر العادي؟؟

والله صديقي يقول انه شاف لاندكروزر ربع مو مصندق شكله مثل الاندكروزر العادي (الكبير)..

ويعطيكم الف عافية ياشباب

[n.a.man7]

خذلك سوناتا 2002 وادع لي :

قوه

صبر

سرعه

ماتصرف بنزين

وتتحمل اكثر من الكامري وانا متاكد من هذا الكلام لان ابوي شرى لي سوناتا 2002 وشرى لاخوي كامري2002 وانا مستلم السوناتا ما فيه شارع وما فحطت فيه لكن الكامري جبت ثلاث عقد ودخلتها الورشه على طول

يا شباب اذكركم بعد كم سنه راح يغطي الكوري على الياباني

(مثل ماصار مع الامريكي والياباني)

[البطران العربي]

والله شف


اذا كنت زي ما تقول الميزانية مش ولا بد


انصحك تاخذ مرسيدس مستعمل استخدام ألماني فئة E 300 أو 320

نظيفة - قوية - عملية - تحمل الكرف (يكفيك ان مكينتها ألمانية أحسن أنواع المكاين ) - ممكن تجي دفع رباعي - اسمه مرسدس ;-) - خفيفة (لو تقاوم المكسيما تسبقه) - ما تصرف بنزين - و فوق هذا كله ما يتعدى سعرها ال 40 ألف


انا شريت زيه موديل 93 بقس و فتحه و قير عادي

بـ 34 ألف بس


و نضييييييييييييييييييييييييييييفه


اضغط هنا اذا تبي موقعهم

و السلام

[BLacK^HawK]

يا لانــدكــروزر كيف حالك
انا انصحك تاخذ سيكل!!!!!!
امزح معك خذلك كامري لانها تعيش ويااااك عمر طويل اما اذا انت راح تحرقها احلم تعيش وياااااك

[بدMور]

أنصحك نصيحه وناأخوك..........
تبي سياره رسميه وبريه وقويه وصبوره.....
غيرالاندكروزر(فكس آر)هذاان كان عنك ميزانيه(للبنزين).....
واسئل مجرب

[راعي الجي تي آر]

يا خوي خذ لك صني
ترا هي رخيصة
وحلووة ورشيقة وشكلها جذاب <<< افف هذي مواصفات بنت مب سيارة
;-)
وما تصرف بنزين
واحلى لون عليها اللؤلؤي
مثل ما يقولون
صني الجديدة كبرت ;-)

[atoott]

لو انت جاد من جد تبغا تطلع سيارة


عندي لك مكسيما موديل 99



وسعرها بين 40 -35



في جدة

والله من جد انا اتكلم لو انت جاد