سؤال بسيط لكنه صعب

**البحار الصامت** · 01-09-2002, 06:36 AM

بسم الله الرحمن الرحيم
انا ابغى اسأل كل واحد منكم سؤال بسيط وا ابغى انا الاجابة
اللي ابغاه انا شي واحد ،انه كل شخص يسأل نفسة ويحاول يجاوب

س/هل يوجد عندك صديق او شخص حبيب تثق به وتأتمنه وتدفن في قلبه اسرارك تلجأ اليه عندما تشعر بالضيقة او بالحزن الشديد هل يوجد من يمسح لك دموعك ؟؟؟؟؟
وان كان فيه هل هو واحد ولا كثير
غالبا ان وجد واحد او اثنين ان الله وسعها
وان كان الجواب بلا وهذا الجواب الاغلب
طيب ليش ،فين العيب ،العيب فينا ولا في الزمن اللي صار شماعة لكل شي

وشكرا

**ابتسامــــــه** · 01-09-2002, 06:53 AM

مع الاسف لا يوجد .... والله انا صار لي أكثر عن سنتين ادور لي صديقه بهالصفات ما حصلت .. ويمكن انا بعد ما تتوافر فيني

**abuhizam** · 01-09-2002, 10:53 AM

يوجد لدي شخص وحيد اثق به و اتمنه على اسراري و اشكي له همومي

انه...................

و الله يوفق الجميع لما فيه الخير

-----------
سلاماً على الدنيا اذا لم يكن بها صديقاً صدوقاً صادق الوعد منصفاً

**Ace Ventura** · 01-09-2002, 07:46 PM

للأسف لا:"

**مهند الريس** · 01-09-2002, 08:31 PM

ممكن يكون موجود ولكن نادر

**ولد بوظبي** · 01-09-2002, 08:32 PM

للأسف لا صحيح عندي ربع و أصدقاء وايد لكن ما عندي صديق مثل إلي تقول عنه.

كان عندي صديق وفي لكن الظروف فرقتنا وما نلتقي إلا في الإجازات

**رومانسيه** · 02-09-2002, 01:13 AM

من ناحيتي
لا أثق الا بشخص واحد فقط هي أمي حبيبتي وصديقت عمري
والسبب
كان أحد صديقاتي التي كنت أثق فيها كثيرا ولا كنها خانت ثقتي بها حيث فرق تفوقي بيني وبينها لما حملته هي من حقد لي في قلبها وهي التي صنعته بيديها
ولكن الله يوفقها وين ما راحت وين ما جات
ومشكور على الموضوع اخي البحار

**فرعـــونه** · 02-09-2002, 01:26 AM

من ناحيتي عندي صديقه الله يحفظهااا لي...

من خمس سنوات ونحن ربع.....تكتم أسراري مثل ما انا اكتم اسرارهااا...

كل انساان له اسرار....له افراح...وله احزان....وهالانسااان وده يكون له

صديق....شريك.....يشاركه باحساااسه....

نحن نقول صعب هالانساان وما يتحصل..........ليش ما اكون انا هالانساان...

قبل لا ادور لي على الصديق......اسأل نفسي.....انا اقدر على هالشي..

اقدر اكتم الاسرار......اشاارك الغير في فرحتهم.....واحزانهم....!!!!!

اذا شفت نفسي قادره على هالشي.......بلقى كل النااس اللي حوالي

بعد يقدرون....ويمكن احتااار في اني اختااار هالصديق........وافضل

الاختياار......اني اختااار اقربهم........عمره الانساان ما يقدر يعيش حياااته

بروحه........لازم اللي في داخله يفضفضه لحد.......لأنساان قريب له....

مب عشااان هالانساان.....عشانه هو نفسه.....

وفي نفس الوقت......مب معناتااا اني ما اكون صداقات ثاانيه....بالعكس...

يمكن انا عندي اسرار.......ما احب اقولها لصديقتي.....بس ودي اقولهاااا

لحد.....على الاقل.....آخذ رايه...ينصحني.....او بالاحرى اريح نفسي.....

ماادري يمكن كلامي معقد نوعا ما.....او صعب فهمه......او يمكن تمر كلمه

في بالك.....كلمه مستحيل.......بس كل شي بيدك انت......قبل لا تشوف

غيرك.....شوف نفسك.....

و ممممممممممممم...الله يوفج اليميع...في حيااته..... ;-)

**البحار الصامت** · 02-09-2002, 01:46 AM

بصراحة اهنيكي اختي فرعونة على هذه العقلية اللي افتقدناها اخيرا في عالمنا الصعب

وانا اقلك هي بصراحة لو انك تنفذين جزء بسيط من الكلام اللي قلتيه في حياتك العملية والله لترتاحي كثير وما عاد تبقى عند هموم ومشاكل باذن الله

**وردة الأندلــس** · 02-09-2002, 03:08 AM

الحمد لله..عندي صديقه واحدة وانا اثق فيها ثقه كبيره وهي كاتمة اسراري ودايما توقف معاي في الشده وتعزني قد خواتها ويمكن اكثر..صداقتنا عمرها احدعشر سنه يعني عمر ..ايام المتوسط والثنوي والجامعه..:# :#

ان شاالله كلكم عدكم صديقه زي صديقتي

ســــــــــــــــــلام

**فرعـــونه** · 02-09-2002, 03:56 AM

الرسالة الأصلية كتبت بواسطة البحار الصامت
بصراحة اهنيكي اختي فرعونة على هذه العقلية اللي افتقدناها اخيرا في عالمنا الصعب

وانا اقلك هي بصراحة لو انك تنفذين جزء بسيط من الكلام اللي قلتيه في حياتك العملية والله لترتاحي كثير وما عاد تبقى عند هموم ومشاكل باذن الله

مشكوووور اخوووي البحاار الصامت....

هذي وجهة نظري...اتمنى انهااا وصلت ولو جزء بسيط من اللي ودي

اوصله.....

ربي يخليك انشالله....

**ODIN** · 02-09-2002, 03:57 AM

الحمدلله .. عندي اثنين يسوون الدنيا كلها ..

**&سـحر العيــون&** · 02-09-2002, 04:20 AM

اولا اشكي همومي لله عز وجل

ثانيا و الحمدلله لدي صديقتين لدي كل الثقة بهم و الحمدلله

الموضوع: سؤال بسيط لكنه صعب

أدوات الموضوع

سؤال بسيط لكنه صعب

ضوابط المشاركة