يبدأ اليوم اللي مفروض انه مبارك بصوت الوالده وهي تقول(اخلص قم قامت عصبك ورانا غدا)
او بالترعيص على البطن والصدر والرجول من قبل اخوانك الصغار وعيال اخوانك واخواتك
بعدين يبدأ الراوند تو الا وهي (المحاوله)اليائسه في الحصول على ماي بارد في هالصيف الحلو
عشان تغسل خشتك
بعدين مسابقه الفطور اللي تبدأ بمجرد جلوسك على الكرسي
الواحد توه صاحي يبي كافي ولا حليب ولاشاهي يقدر يروق ولو شوي بس تلقا الوالده شاده حيله
ومسويه اثقل شي اللي يجلس على المعده من جبن وفاصوليا والكنج طبعا السيد mr.(فول)
اللي يمسك بمعدتك يمكن يومين ماودك تاكل شي
طيب آمنا وصدقنا المرحله التاليه اللي هي مرحله البحث في اكوام الثياب اللي بعدالأستراحه
وعشان تتخطى هالمرحله يتوجب عليك انك تلقا في هرم الثيام ثوب وصخ بنسبه25% ومكسر بنسبه
76%عشان تقدر تخش السمستر اللي بعده بدون وسايط ولا فياجرا آآآ قصدي فيتامين (و) المهم اذا
لقيت(ايه هاذا اذا لقيت) تروح تلقا الموتر خالص البنزيم واللمبه مولعه والبوك بالبيت
ومتعيجز اجيبه الله يخلي موتر اخوي(6) بعدين تولع اشاره سباق الفورملا ون اللي يبدا من حارتكم
الين المسجد طبعا بتزحف على كفرين وتنقلب 17 قلبه على التنده بس ماعليه اهم شي انك توصل قبل
ماتنتهي الخطبه بعدين مرحله التركيز اللي انك تركز ولو على جحر نمله لو عندك فان ترا متر في
متر يمشي طيب بعدين الجزء الثاني من مرحله التحمل اللي هي الماراثون الكبير اذا وصلت تبدأ
جوله التناحر بالكوع والرفس بالرجول تبدا الwwfوالwcwوماباقي الا يجيبون حلبه وسط المسجد
ممكن ترا واحد يغملى عليه وواحد بالأنعاش اثنين يأنون ينتظرون الحق وواحد توفى المهم بعدين
تروح البقاله وتبدأ المشي على اكوام الأجسام البشريه وعلى ماتاخذ الجرايد واللبن والببسي
جدك طلعت ريحتك وترجع البيت وتخمد تحت المكيف الا الفريون خلص رح عبه في هالصقيع على ماتترك الغرفه
الاالغدا جاهز وانت طبعا منتب مشتهي بعد الفطور الخفيف اللي كليته بس تقعد عشان الوالد والوالده
مايهاوشون بعدها تروح للملحق وتولع المكيف البااااااااااااااااااارد وترقد وتحلم
خلك كوول على طوول 
