تويوتا كامري ... واللي تعتبر من اشهر السيارات في المملكه انتشارا وكثافة واستخداما ... بيطلع لها موديل جديد في 2003 ...
وإلى الآن مافي أخبار عن مااذا كان بينزل عندنا بالسعوديه والا لا ...
سواء عاد نزله الوكيل عندنا والا لا ... ورانا إياه والا لا .... حنا بنشوفه هنا ..
كامري سولارا في لها ثلاث موديلات ...
الأول هو SE واللي هو اربعه سلندر
والثاني هو SE V6 ... هذا طبعا سته سلندر
والثالث هو SLE V6 ... وهذا بعد سته سلندر بس يعتبر أقوى الموديلات وافخمها ...
كامري سولارا بموديلاتها الثلاث كلها دفع امامي ... ويجي منها أوتوماتيك باربع غيارات ... أوعادي كمان بخمس غيارات ...
ومن المميزات اللي بكامري سولارا 2003 ....
SIDE-IMPACT AIR PAGS ... واللي يسمونها نظام SRS .. هذي توفر حماية للسواق والآدمي اللي جنبه في حالة الصدمات الجانبيه ...
طبعا هي توضع في الجانب اليسار للسواق ... والجانب الأيمن للمرافق ... وتطلع متى ماصار حادث لاقدر الله ..
ومن ناحية كماليات السيارة .....
فغالبا انه انظمة الصوت ومسجلات السيارات عموما تواجه صعوبه مع التغيرات الصوتيه اللي حولها ...
مثلا لما تكون ماغط تلقى قوة الهواء والازعاج اللي تسببه السرعه مايسمح للاجهزه الصوتيه هذي انها تقدم لك اجود ماعندها وخصوصا مااذا كانت السياره كشف.. !!!.
لكن في كامري سولارا 2003 المكشوفه ... طور المهندسون في شركة JBL مع ربع تايوتا نظام صوتي خاص بقوة 300 واط ... مع سبع سماعات ...
وصار الناتج تحفة صوتيه تعيشك بجو ثاني حتى والسياره مكشوفه والهواء يرفرف يمين يسار ...
نظام JBL في كامري سولارا المكشوفه يتحكم اوتوماتيكيا بدرجة الصوت ...
يرفع الصوت اذا مغطت بالسياره ...
ويقصره اذا هديت السرعه ...
طبعا بالنسبة لنا ... جونا العليل يساعد بقوه انك تتمشى الظهريه بكامري كشف .... ومن زود البراد طبعا مسرع ... اقول لايكثر بس ... بالعربي صفقني ان جتكم هالكامري ذي هنا !!!!
..... المقصورة الداخليه .....
من الداخل تعتبر كامري سولارا مشابهه وبشكل كبير للكامري اللي عندنا هنا بالسعوديه ....
وطبعا ياتكون مخمل او جلد .... بس الجلد الاسود صراحة طالع رايق على الكامري ... والا ؟؟
والمخمل بعد فخم ماعليه ...
..... اما من ناحية السعر ......
سولارا تبدأ اسعارها من 20,000$ لموديل SE ... الييين 23,000$ لموديل SE V6 .... اما موديل SLE V6 فسعره 25,000$ وهو الفل كامل لكامري سولارا .
اما الكشف منها فيكون اغلى طبعا ...
واسعاره من 26,000$ للاربعه سلندر ... الييين 31,000$ للفل كامل كشف واللي هي اغلى كامري سولارا بين الموديلات كلها .
هذي كامري سولارا 2003 ... بصورها وموديلاتها واسعارها وبعض مميزاتها وتقنياتها .... وسلامتكم !!
مـــــــــــــــنـــــــــــــقــــــــــــــــووووووووووووووول .......
