نصبة تمشي مليون ..!

[Y a z e e d]

قبل كم ساعة كان عندنا ضيوف ...
المهم قاعد اصب القهوة ...
واخوي جالس مع ولد خالتي باخر المجلس ...
طبعا انواع النصب ...
اللي سافر للصين على الدباب ...
واللي وهو يلعب تكن دخل في التلفيزيون ...
واللي يغامر مع سومثينق اسمه حمدتو ...
وانا اضحك واضحك ...
((الصراحة اخوي طالع علي ... :6 ))
انواع التفشير والنصب الماشي ترليون ...
زمان يوم شريت جهاز قديم الظاهر صخر ...
يقولون عيال اخوالي من وين جبت فلوس o.O ؟ ....
عاد انا اقول امس طبيت على البنك ...
وشافني الشرطي ولحقني ...
واقعد افحط في البنك ...
وبعدين اطلقت بالمسدس على الشرطي ....
وتلوى ...
وامسكه تسطير وانحاش وشريته ":" ....
:6 ....
السوعال هنا ؟!
هل انت نصاب ؟؟
عطينا مواقف ؟؟
ووش رايك بمايسمى بالكذبة بالبيضاء ؟؟
ومارأيك بكذب العاقل ؟؟
هل تضطر الى الكذب احيانا ؟؟
لك ولا لاغيرك عادي ....

طيب انا ببدا ...

هل انت نصاب ؟؟

زمان حبتين ونص اماالحين لاوالله الحمد

عطينا مواقف ؟؟

اقرى خوووق

ووش رايك بمايسمى بالكذبة بالبيضاء ؟؟

تظل كذبا الا في احيان قليله

ومارأيك بكذب العاقل ؟؟

كذب محرم شرعا

هل تضطر الى الكذب احيانا ؟؟

احيانا منعا للاحراج ... :": ...



بانتزاركم

[aoks]

يوووه...تو كنت قاعد اكتب ردي وصكرت النافذه بالغلط

المهم خلني اجاوب الأسئلة

1-لا منيب نصاب إلا احيانا

2-موقف؟؟انا عندي موااااقف...كثيرة..اممم خلني اتذكرررر...ذاك اليوم رحت للملاهي....ويوم رجعت رحت لولد عمتي اقوله...شفت سلاحف الننجا هناك ويمسكون الاشرار ومدري وشو<<<علي نصبات

3-الكذب كذب...بلا كذبة بيضاء وكذبة بنفسجية

4-ااذا العاقل كذب...فما اسميه عاقل

5-والله احيانا...وكثير بعد

[Y a z e e d]

تعجبني الصراحة :6
ولد خالتي يقول رحنا الملاهي وركبت القطار وانقلبنا وماتوا كلهم الا انا ...



بس من جد تراه قطو بسبع ارواح @_@ <<<< اذكر الله

[RPG_master]

انا مشكلتي...ما اعرف انصب?:


يأنبني ضميري:" :6

ما عمري نصبت الا نادرا:#


يعني اذا كان لها علاقة بالـ(مدرسة) خوباج يعرف وش اقصد:#


واسئلتك بجاوب عليهل بعدين فيني النوم:6

[احمـ 9000 ـد]

هياق هياق

اقول

انا اكبر نصاب في ديرتي

بعت كلب لاقيه في البر حق واحد غني

ب800 ريال

قلت له هاذي مدرب ===>وانواع النصب

خخخخخخ

ساعات لها فايدة

[Dark Locke]

الرسالة الأصلية كتبت بواسطة RPG_master
انا مشكلتي...ما اعرف انصب?:


يأنبني ضميري:" :6

ما عمري نصبت الا نادرا:#


يعني اذا كان لها علاقة بالـ(مدرسة) خوباج يعرف وش اقصد:#


واسئلتك بجاوب عليهل بعدين فيني النوم:6

اقوووول مين اكبر انت ولا اخوك .... ?: ?:

[Chopper]

الرسالة الأصلية كتبت بواسطة احمـ 9000 ـد
هياق هياق

اقول

انا اكبر نصاب في ديرتي

بعت كلب لاقيه في البر حق واحد غني

ب800 ريال

قلت له هاذي مدرب ===>وانواع النصب

خخخخخخ

ساعات لها فايدة

نصبه بنت حرام:6 :6 :6

[Dark Locke]

انا بجاوب .....

هل انت نصاب ؟؟

لا

عطينا مواقف ؟؟

انا ما عندي مواقف نصب بس اتذكر يوم كنت صغير كنت على نياتي كانوا دايما بنصبون علي بعدين يقولون لي صدقت كنت انقهررررر ...

ووش رايك بمايسمى بالكذبة بالبيضاء ؟؟

ما تفرق

ومارأيك بكذب العاقل ؟؟

العاقل ما يكذب

هل تضطر الى الكذب احيانا ؟؟

يمكن ":" ":" :":

[Lena]

تسلمممممم زيدا ن عالموضوع الحلو

بجاوب عليك


هل انت نصاب ؟؟

لا:":
ما اعرف ايش النصب بجد يعني حتى الفكره ما طرت اقصد ذاك النوع من النصب الي سوينا وما سوينا ورحنا وما رحنا
بس اعترف اني استخدمه احيانا اذا توهقت?: يعني بفلت من مصيبه ولا احراج:":

عطينا مواقف ؟؟
مره انا واختي كنا نلعب باربي(لعبتنا المفضله ايام اول )
ودخلنا حمام خالي وملينا الزباله مويه
ومثلنا ان المكان بركه للباربي وعاد احنا عفسنا الحمام عفسه مويه في كل مكان

وبعد مده...............
كنا انا واختي ننشف مواعين بالمطبخ(يا عيني عالحريم":" ) وجانا خالي ووجه كذا:غضب: مين الي لاعب بحماااااااااااااااااااامي:غضب:
انا تصفق وجهي وصار الوان بس مسكت نفسي وقدرت امثل دور البريئه الي ما تدري وش السالفه(لانه عصبي ويخوف اذا طق:" )
وقلت ببرءه هاه اي حمام وش السالفه يوم شاف وجهي صدق واتجه لاختي المسكينه:" على نياتها ما تعرف تخبي شي يا عمري عليها وااااااااااع :" طاحت الهوشه عليها
بس بجد كان قلبي يعورني عليها واحس بتانيب الضمير




ووش رايك بمايسمى بالكذبة بالبيضاء ؟؟
مااعرف بالضبط وش تعني?:


ومارأيك بكذب العاقل ؟؟
عند المواقف الي تحتاج كذب احسه قمه العقل":" ( امدح نفسي بس من ورا لورا:6 )


هل تضطر الى الكذب احيانا ؟؟
اظن القصه الي تو تبين اجابه هالسوال:":


بس الحين طايحه بصفه ذابحتني ومورطتني

الي بقلبي على لساني:# وما اغبي شي وهذا بحده مشكله زي مشكله النصب:"

[Anima]

انا عندي الكذب على المدرسين زي السلام عليكم":"

[aoks]

يوه لينا حرام عليكي تسوين كذا في اختك.....كسرت خاطري

بس للمعلومية الكذبة البيضة هي الكذبة الخفيفة او الكذب من اجل المزح فقط!..

[Undine]

هل انت نصاب ؟؟
لا مااعرف:":
عطينا مواقف ؟؟
مواقف كثيره مثلا اذا احد اتهمني بشي انا سويته
انكر وانا اضحك لاني عارفه اني بنكشف ومااعرف اكذب :6
اما النصب مافي امل اعرف له
ووش رايك بمايسمى بالكذبة بالبيضاء ؟؟ ومارأيك بكذب العاقل ؟؟
في مواقف يضطر الواحد انه يكذب او يجامل الناس
هل تضطر الى الكذب احيانا ؟؟
لك ولا لاغيرك عادي ....
ايه بس مااعرف لاني دايما اذا حاولت اكذب اضحك

:-)

[flarestar]

يله انا بس بقول موقف الاسئله صعب اني اجاوب عليها:":


موقف يوم كنت صغيره ماذكر كم عمري بالظبط بس كنت ما اعرف اكتب و كان عندنا بقاله حقت ابوي جنب بيتنا لزقه و فيها هندي نحييييييييييس مايرضى ناخذ شيء من البقاله الا بفلوس(بقاله ابونا ياحول:غضب: ) المهم رحت لاختي الكبيره(واسطه مايرفض لها طلب غصب عن خشمه) و قلت لها اكتبي جالكسي على ورقه عشان نعطيها له و هو مايعي اذا كان الشيء لك المهم هي كتبت جالكسي ابو 6 حبات بعد يمي يمي و رحنا البقاله و عطيناه الورقه و بدون تردد عطانا الجاكسي مو هذي المشكله المشكله رحنا للبيت و اكلنا الجالكسي 3 انا و اختي و بنت جيراننا و ماشبعنا نبي واحد ثاني وش سوينا اخذنا قرطاسه الجالكسي و سوينا كوبي بيست للاسم نسخه منه و رحنا عطيناها الهندي و صدق و عطانا واحد ثاني و بعدين اكلناه و برضه ماشبعنا و اخذنا ثالث و رابع الا ما اكتشفنا و ما اذكر ايش كان العقاب بس المهم اننا اكلنا جالكسي على كيفنا يمي يمي

[Lena]

الرسالة الأصلية كتبت بواسطة aoks
يوه لينا حرام عليكي تسوين كذا في اختك.....كسرت خاطري

بس للمعلومية الكذبة البيضة هي الكذبة الخفيفة او الكذب من اجل المزح فقط!..

يا ويلك من الله انا وش سويت:" ويش حرام علي
والله اني مسكينه وما ظلمتها
طيب وش الذنب الي ارتكبته اذا انا قدرت انقذ نفسي?: وهي ما قدرت ولا حتى رميت السالفه عليها مجرد ساكته ومبلمه كنت:"

يااااااااااااااااااا ظااااااالم:"

:6 لا تصدق عاد

[E:man]

قصص اخوك والي يقربله ما ادري من طايره تريليون موب مليون هغغغغغ

اقول يالله تخلف علي ما اعرف انصب :"

هل انت نصاب ؟؟

لا للاسف يا ريت :"

عطينا مواقف ؟؟

اقولك لا تقولي عطنا مواقف <<<ينكت هو ووجهه

ووش رايك بمايسمى بالكذبة بالبيضاء ؟؟

ما فيه شي اسمه كذبه بيضاء الا اذا كان الكذب الشرعي الي يقدم فيه المصلحة

فهذا كذب اضطراري موب بيضا ولا بنفسج

ومارأيك بكذب العاقل ؟؟

ما فهمت ?:

هل تضطر الى الكذب احيانا ؟؟
لك ولا لاغيرك عادي ....

اذا المصلحة حقت خويي تؤدي لذلك فليش لا

بس انا من الناس الي تحاول انها ما تكذب قدر الامكان يعني حتى احيانا لو سالتني

بمسالة اعتذر منك بعدم الاجابة وهذي طريقة بريطانية حلوه انصح الجميع باستخدامها