$$$آخر ما وصلت اليه اسعار المحلات لل PS2 $$$

[DK]

وصلت اسعار ال PS2 في الامارات الي 1400 درهم بالتمام والكمال بدون أي شي مع الجهاز.طبعا نظام امريكي في الاسبوع الماضي.
سلام.

[HaKaN]

الحمدلله

مشكور يا اخوي DK على هالخبر المفرح

لأني الصراحة افكر اشتري الجهاز بعد الإمتحانات+)

و إن شاء الله ينزل السعر و يوصل لل1300 بعد

نحنا مب خسرانين شي

------------------------
بس استفسار بسيط ..... امنى لو تقوللي كم هو سعر القطعة اللي تركب الأشرطة النقلية و على كافة الأنظمة مع الجيم شارك ( مع اني ما اعرف شي في هالسوالف )
------------
تحياتي

[DK]

المود تشب يوصل 250 درهم .
الجيم شارك سعره حوالي 160 "ملاحظة"كل الاسعار الي اقلك عليها تقريبا اسعار خاصة.يعني لو تتعامل مع المحل من زمان راح يعطيك نفس الاسعار ويمكن اغلى شوي.
شي ثاني اخوي انا جاهز.
مع السلامة.

[HaKaN]

تسلم و الله ..... ما يامر عليك عدو

[kazem saher]

+)
للمعلومه
1400= 112 دينار كويتي للأصدقاء فالكويت

[DK]

وللمعلومية النود تشب توفر بداية من اليوم في "دبي الشارقة عجمان".

[DELPIERO]

وين في دبي قولي يا dk وابشركم ps 2 الامريكيه تراها عندنا والله وصلت ب1000 درهم والله العظيم بس مب في اي محل:واو:

[Sleeping Dragon]

لالالالالالالا
ما أقدر أقاوم
بعد الإمتحانات سوف أشتريها من عندكم
_________________________________________________
وشنو القطعة الي تشغل الكوبي

[gamemasterجيم ماستر]

يا اخ DELPIERO

ممكن الاسعار اللى ذكروها الشباب تكون المناسبه للسعر الاصلى فى بلد الصنع او بلد التوزيع

لاكن السعر الذى ذكرته 1000 هذا مستحيل ولو فى اى محل فى العالم ولو بكوكب المريخ

لانك زودتها شويى تراء الشباب ماهم جلسيين يتحدون بأيهم يكتب الارخص

بس اكيد السعر اللى وجدته هو لسعر جهاز مستخدم ومعروض الان للبيع
وبذالك فكرت انت انه سعره الحالى وتظنه جديد وهو مستعمل

ومع السلامه يا قاهر الاسعار

[DELPIERO]

يا جيم ماستر صدقني اني ما اكذب حتى انا ما صدقت هذا الكلام , وبقولك القصه (كنت ساير ابيع ps 2 كنت شاريها وما كنت اعرف انها بالنظام الاوروبي من محلات (تويز ار اس) العالميه في عيد الفطر ب(2200 درهم) وكان هذا السعر في ذلك الوقت رخيص, فجيت عند صاحب المحل ومعاي اللعبه و ثلاث cd,s هم ssx وiss2 وradge raser v وانا كنت اتوقع سعرها يجيب فوق (2000)درهم ...فقال لي ( رفيق انا يشتري هذا منك( 1000) درهم....فقلت له ليش رفيق؟ قال( انا هذا يشتري جديد 1000 درهم .....قلته شوف انته كذاب ...قال لا انا يقول صدق ,انته يبغي يتصل محل خذ نمبر مال هو , فعطاني الرقم واتصلت فاكتشفت انه يبيع بالجمله, فرجعت الى الهندي الاول , وقلتله شوف انته جيب ps 2 وانا بدفع لك 1200 فقال ok وجابها, وانا قبل ما يجيبها بيومين سرت وخذتها من احد المراكز (1800) زياده على الاوروبيه ?: ... والهندي الحين كل يوم يقولي ...(انته يشتري 1100) اقوله لا ... واتوقع ان اليوم سعرها (1000) فهمت?:

[DELPIERO]

وينك يا المراقب بصراحه فقدتك, ترى ما فيها شيء

[alkhaj]

عزيزي DELPIERO
لقد ذهبت للمحل الذي اخبرتني عنه هاتفياً والذي يقع في سوق الحمرية المركزي .
بداية لم احصل على محل بأسم الجبل الاحمر انما وجدت محل يبيع PS2 ولكن بسعر 1500 درهم للأمريكي و 1400 درهم للأوربي .
ولكن شكراحصلت في المحل على العاب كوبي خاصة بدريم كاست .

[DELPIERO]

ترى اللي رد عليك هو اخوي الصغير , ويمكن خرط عليك انا قلتله قبل ما اطلع قوله انه علامه المحل صفراء, وبتصل حق راع المحل وبقوله هل صدق هو قالك ب1500 ترى قص عليك?:

[Reckless2008]

ياشباب في الظهران ب 1450 ريال أمريكي
وأما إذا بغيته يشغل جميع الأشرطة ماعدا الياباني الأصلي فيوجد قطعة ب 500 ريال أنا أفكر في الإجازة أشتري لي البلايستيشن بدون قطعة وبعد فترة إذا نزلت سعر القطعة شريت القطعة لكن سؤالي هل أستطيع أن أشغل الأمريكي الكوبي بدون قطعة وتحياتـــــــــــــــــــــــــــــــــــــــــــــــــي