كوخ كليه كوووووووخ >_<
السلام عليكم يا اعضاء المنتدى
Long time no see
I think that I miss the montada
المهم يقولون من طول الغيبات جاب الغنايم
ولكن جيت لكم ومعاي اخبار و سوالف صارت لي اثناء غيابي
كان سبب غيبيتي هو الكوووووخه الكليه..... >_<
بس القصه كيف كانت الحين بحكي لكم وش صار..
ليونه قررت تغيب اول اسبوع طبعا ما صدقت دخلت الكليه قالت ليش ما ابدا استانس.....
واحلى شي انها نامت نومه ولا احلى ...
ولكن هناك حدث افسد على احلامي الورديه من نوم..ونت... وغياب..
في عشاء ذلك اليوم اتصلت علي وحده من صديقاتي تقول يا بنت وينك ترانا بدينا ناخذ محاضرات
ايش!!!!
لالالا تهي تهي وااااااء من اول يومين !! ليه ؟ اختي ما اخذت محاضرات الا من الاسبوع الثاني ليه حظي منحوس*_*
عاد امي الغاليه كانت جنبي وانا اكلم وسمعت طاري المحاضرات قالت يا بنت هاااه مالك امل تهربين بكرى بتروحين للدوام تهي تهي ( والله كنت ناويه اطنش) بس كله الا امر امي..
قلنا الله يعين شكل الفاس طاح بالراس ولازم اروح اداوم
ولكن كيف بنام اليوم وانا توني قايمه العصر وسهرانه للفجر كيف بنظم نومي ويلاااااااااااااه
جاءت الساعه 12 ولا كل البيت نايم وانا وحيده بالمنزل ياربي وش اسوي النوم في قاره وانا في قاره
حاولت اقرا للمعوذات اي شي ممكن يقرب لي النوم واتقلب بالفراش يمنه ويسرهولكن لا امل وما نمت الا الفجر
وبعد ساعتين قمت تخيلو شكلي النوم لسى يقول لي تعالي تونا بدينا وانا اقوله مع السلامه ..
وبعد ساعتين من التجهز للكليه (طبعا بنت في اول يوم لها للكليه انواع التكشخ)
طلعت الحوش يوه من زمان على طلعه الصبح قديمه سميت بسم الله بروح للسياره
ولكن المفاجات مغبيه لي في كل زاويه
تخيلوا وش طلع علي اول ما طلعت من الباااب
قطوه نقزت في وجهي وقعدت تفحط قدامي ما ادري وش عنده ! وانا بعيوني النوم وجت ذي ما ادري من وين وتنتط بوجهي
قمت اصارخ و اناقز كنه جني طلع لي يمه
يماااااااااااااه
وخواتي يناظروني احسهم يقولون (وش فيها ذي؟؟)
(انا مستغربه من نفسي ما ادري ليش تخرعت مع اني اموت بالقطاوه ذيك الساعه طرت لي قطوه اخت خوباج قلت ان كانت مثل ذي والله مالومه يوم كرهها مت من الخرعه على صباح الله)
وحنا بالطريق للكليه وفي وسط الهدوء من خواتي والتثاؤب الصادر مني قفزت على حين غره اصرخ وا سنفوراه سنفوري بابا سنفووووورخخخخخخخ والله بيداوم معنا اليوم
ويم لفيت وجهي على خواتي ولا يخزوني بقوه وعلامات استفهام فوق راسهم ويقولون وش تخربط البنت( وش بابا سنفوره)
قلت لالالا بس شوفوا دعايه مكاندونالدز وتعرفون كان فيه صوره سنفور( ولا يلعب تنس بعد)
وقالوا (طيب واذا يعني اول مره تشوفين)
انا هنا سكت والله مدري وش اقول اقول هذا الي معنا بالمنتدى ومسوي حادث بعد بس بيني وبين نفسي قعدت اضحك (خخخخخخ الضحكه المنتد ييه)
يوم وصلت الكليه لقيت صديقتي الي كلمتني امس وهذي البنت لا اله الا الله عليها من النوع المثالي بالمره تشبه هذا الوجه
والله استلمتني ودلتني على القاعات وعلمتني كل شي وانا مثل البزر الصغير الضايع الي ما ايدري وين الله حاطه امشي وراها شكلي نكته^_^
دخلنا القاعه واظن طنتزتي باليكس لحقتني كل البنات الي معانا كانوا من النوع الي يلبسون نظارات ويربطون جديلتين وشكلي انا جاي غلط بوسطهم انا وكشختي طاااااااااح وجهي وكلهم يناظروني وانا مسويه نفسي ما ادري عن شي (هذا تصرفي اذا توهقت)
و بعدين تجيك الدكتوره على بالي بتقول هلا واهلا وسهلا باول سنه وترحب وتسولف(متعوده عالثانوي)
ولا المره تفتح الكتب وتمسك الطبشوره وتبدا تشرح!!!!:واو:
وين على اول صباح درس رياضيات لالالا الحاله اليوم صعبه وتتكلم وتتكلم وانا في علم اخر كالعاده سرحانه ومبققه عيوني
وكل شوي احاول اركز وافشلبصراحه صعب الواحد من اول يدخل ياخذ شي دسم ولا ما ناااانم الا ساعتين تهي تهي تهي تهي تهي
يوم خلصت المحاضره قلت الله اخيرا بطلع هييييييه
قالت الدكتوره بنات اكتبوا وراي هذي الارقام 2,3,5,7,8,10,12........................55................. 69
قعدت اقول (ايس كلام؟؟)
قالت هذولي واجب عليكم اسئله من الملزمه!نعم وش قلتي ويش السالفه
لالالا هنا وصلت معي واجب من اول يوم وهالطول ولا هالشي الي فرحانه فيه انه ما فيه واجبات بالكليه
هنا قلت الكليه كوخ كوخ كوووخ مو زي ما توقتهعا ابدا
تصدقون يوم طلت الدكتوره جاني شعور غريب ماله داعي!
تدرون ويش
امي......... نفسي اروح عند امي واطيح بحضنه .بصراحه مادري وش دخل بس بكل صراحه هذا الشعور الي جاني بذيك ىاللحظه@_@ وما حسيت الا بيد صديقتي تقول يا بنت هيه قومي وين رحتي شكلي كنت مكمله سراحاني الي باول الحصه.......
اكبر نكته هي...
اني اقول الدكتوره ابله والمحاضره حصه والقسم فصل( بنت ثانوي من قلب):":
اختي الكبيره العوده تقول لي اكتبي جزاء مئه مره محاضره محاضره محاضره قسم قسم قسم دكتوره دكتوره دكتوره كححح قديمه اختي ^_^ اول ايام الجزاء
تخيلوا الوم الاربعاء احنا قسم الحاسب خلصنا ملزمه كامله من مئة صفحه
واااااااء تهي تهيء
من اول اسبوع يا عالم نخلص ملزمه التفاضل والتكامل احس عقلي ما يستوعب يبيلي اقومه من السبات الصيفي الي عشته في العطله.....
اليوم رحت اقرا المواد الي معنا في القسم
برمجه ودنيا ولغه لوغو ونظم واشياء غريبه
كنت خايفه
بس بجد بحاول ابذل كل جهدي عشان انجح بتوكل على الله ولازم اشد حيلي
والله يعينني ويعين كل واحد دخل قسم صعب مثل الحاسب والطب وغيره والله حاسين فيكم وحاسين بطلاب وطالبات ثالث ثانوي الله معه ويارب اله يوفقنا جميعا وقلوبنا معكم وخلونا نثق بالله ولا نخاف ...
بس عموما كل شي عدا على غير والحمدلله على كل حال بس كان ودي اسولف لكم عن انطباعاتي عن اول يوم لي بالكليه^_^
وهذي قصتي معها*_*
