اول حفلة جامعية..آآ آ اقصد يوم جامعي

[RPG_master]

تحس من اسم الموضوع جايب العيد:#

جود إمبخ ترنووون..

احبائي اليوم كما انتم عارفين كان اول يوم جامعي لي..


قمت الصباح الساعه 7 بعد ما نمت اليوم الي قبله كل ابوه

وديت اخواني المدارس ورجعت على النت لعبت كم جيم مع عماد وأليكس وهزأتهم كالعاده..

كانت عندي محاظرة الساعه 1..

يوم كنت طالع اجيب اختي جاء الفلبيني الي بيركب الخط الجديد:#


طبعا طرررت من الفررحة متشــــقق ولا تسعني الحاره

جاء الفلبيني:انا حسب انتا بابا

واقوم اتله مع راسه..علشان كذا مركب الخط بسرعه يا شبية الضفدع

ويمسكني خوباج قبل لا اتفلت عليه ويفهمني انه يقصد انه يحسبني انه(مسك خط ) اني رجال شيبه:# (مسكين..ما يدري اني شوشة الي ما عمري صرت اكبر من اي احد ودايمن الصغير ومنب صاير اكبر من احد)

وركبه ابو فلبن وقلت بنفسي خلاااص يومك حلو يا شوشة وبتبدع بالجامعه..

واركب السيارة واروح اجيب اختي..يووووه زحمة مدرستها..وانلطع هناك ربع ساعه لين خذيتها ونطلتها البيت ورجعت عند خوباج..

هاه بشر جربت الرقم يدعم الدي اس ال ولا لا؟

خوباج: لا..:-)

وززززززز طخ سطرته دقيقتين(اي هين:# )

الحين يالجزره لنا سنتين ننتظر هالخط وآخرتها ما تجرب الرقم؟؟؟

وندخل الموقع ونجرب الرقم..طبعا ما ابي اطول عليكم انتم عارفين جملة شركتنا بتاعت الأتصالات..لو يعلقون لوحة بأول الموقع مكتوب عليها ضفوا وجيهكم ما فيه دي اس ال لو تطامرون كان ريحونا وما ضيعوا وقتنا..


عاد قلت مالهم داعي خربوا بدايتي الجامعية

واركب السياره واتجة للجامعه محطم القلب..

يوم قربت من الجامعه..

انا: يا ســــلام اول يوم ان شاء الله ببدع..

؟؟؟ : اقول يبو الشباب تعرف اماكن محاضراتك؟؟

انا: ايه وش دعوه كلها بالجدول..

؟؟؟ :ممكن اشوف الجدول؟

انا: الجدول:# ...بالبيت:0) !!

؟؟؟ :

[RPG_master]

انا: الا من انت؟؟

؟؟؟ : انا فهد..

انا: من فهد؟?:

فهد: انا انت يا حمار

انا: اها:#

طيب والسوات؟؟

انا&فهد: سب واي:0)

واسحب على ام الجامعه واروح اشتريلي غداء:#

طبعا صرفته ذا فهد يوم جيت اتغدى فاضيلة اغدية على حسابي بعد:!

وارجع البيت واستعد بدري للمحاظره الثانيه..بالنوم

يوم جاء وقتها انقز للشارع مره ثانيه ابي الحق حتى من زود العجله خذيت الجدول وانطلقت بالشارع اركض..نسيت اني بروح بالسياره

والحمدلله وصلت الجامعه وقلت ما عليك شوش وصلنا وهانت..

وادخل الجامعه..

وقفت بنصها وفوق الشوشة علامه استفهام وتعجب كبيرة؟!

وكل شوي مطلع الجدول اناظر الأرقام الي يشوفني يقول ماسك خريطة الكنز كل شوي اناظر الإحداثيات..

وعاد ما تشوف الا شوشة يتسكع بأسياب الجامعه(والله اني قايلها من قبل لا تبدأ الدراسه بأسبوعين )

وادور هالقاعه الي مدري وين متوزية

عاد وقتها جا الفزعه فهد..

فهد: وش بلاك يالأثول ضعت كيه كيه كيه

انا: اقول يا ساعدني ندورها ولا انطم:"

فهد: طيب ما عليك بس امش امش..

وامشي وراه ابو الشباب الا ويوصلني لقاعه فيها حول ال20 واحد

فهد: خلاص يالأثول لقيتها..شفت كلها لفتين يمين ويسار يا..دلخ

انا:آآه امسك اعصابك يا انا

وادخل القاعه..

الدكتور: خش بش كيش هاكان شوكور أمين خرتش ..بخش؟

انا: هاااااااه

[RPG_master]

اخبر اننا رايحين محاظرة دينية يالحمار يالـ#$%^!#%^..موب لغه تركية

ومن يومها والحمار ذا فهد منحاش

واطلع مره ثانيه اتسكع كالعاده..والقالي ذاك الإعرابي:6

السلام عليكم..

الإعرابي: مرحباً..

اقول وين قاعه السلم 101:# ؟

الإعرابي: انها هناك لكنك تأخرت كثيراً وانا أتيت قبلك بخمس دقايق ولم ادخل القاعه >>بيدشرني الحمار:!

عاد هنا تحطمت وقلت شكله اليوم ماهنا جامعه ولا خرابيط بس خلني ارجع السياره..

وارجع السيارة خائب (كالعاده) وانا اردد عبارة : ( الجامعه موب احسن من الثانوية اغيب هناك..أغيب هنا)

وامر المطعم الأيراني علشان اخذ عصيرهم الرهيب (تبريز):#

وارجع البيت ولا الماما بوجهي..

ماما:اخبار الجامعه؟؟

انا:

ماما: وشلون يعني ابهام فوق؟؟

انا حسيت اني انحجرت قلت مالها الا ان الدكتور مريض اليوم وسحب علينا وغاب:#

والصراحتا النصبة الى الآن ماشيه

يتبع(مقتطفات من اليوم الجامعي الأول)

[RPG_master]

مقتطفات جامعية..

1-عندما علمت شركة المواصلات السعودية ان شوشة بيداوم هالسنه قاموا صلحوا طريق الجامعه الي له سنتين حفريات لأنهم يتوقعون ان شوشة (تطن) براسة يداوم مره بالأسبوع:6 ..

2-وقالت الشركة بعد انها صلحت طريق الرجعه لأنها ان (طنت) براس شوشة يداوم فأكيد انه اذا شاف المواقف مليانه بـ(تطن) براسة انه يرجع

3-يوم دروا عيال الحارة ان شوشة ما داوم اليوم اصابتهم حالة استياء شديدة لدرجه ان احد عيال الحاره اليوم العصرية اول ما رجعت سحب جلنط وقش له شجرة وجدار الجيران:# (ذكرني بكازنوفا النخل سنيفر:6 )..

4-بعد اربع ساعات وانا طالع صلاة العشا اشوف الجيب الي سحب السياره الي صدمت واقف بنص الشارع (وبنفس مكان الي صدم فيه حق العصر)وجنبه فان..الفان مصدوم!!!


يااا وليـــــــــه حتى سواقين الحارة مستائين:#


واقوم اطلع فوق السيارة واجمع عيال الحارة وسواقينها واقولهم يا شباب اوعدكم وعلى هالشنب اني بداوم بكره وبشد حيلي..ولا اقولكم شيلوا سالفة الشنب..لين طلع عطيتكم خبر:#


-5ادخل البيت واشوف خوينا القطو السباح يخزني بعين وامسك الكورة وامزعه بوجهة..ما بقى الا انت تستاء بعد

وبكذا انتهى اول يوم جامعي لي..وهو فعلاً!! يبشر بكل خير..

على فكره سالفة الحوادث (حقيقة) والله ما اكذب عليكم:"

[Anima]

منت احسن من ولد خالي

والله ذاك كلمة زاحف قليله عليه

واقوم اطلع فوق السيارة واجمع عيال الحارة وسواقينها واقولهم يا شباب اوعدكم وعلى هالشنب اني بداوم بكره وبشد حيلي..ولا اقولكم شيلوا سالفة الشنب..لين طلع عطيتكم خبر

هههههههههههه

شكرا يالشيشه

اول حكايه اسمعها كلها

[ابو.....]

ايت واحد يا انما



عساه المحشش;-)

[RPG_master]

الرسالة الأصلية كتبت بواسطة ابو.....
ايت واحد يا انما



عساه المحشش;-)

احب راسك لا تبدأ تشات:6

[MoaeD]

خخخخخخخخ والله انك توحفه يا شوشه


اجل احد ينسى الجدول بالبيت :!



وبعدين ما فاتك شي كل اللي فاتك محاضره عند واحد خبل



والله مدري وش يبي بس قاعد يقرى



لا والمذكره من كلية غير كليتنا :!


ويجيك القهر اذا الدكتور يشرح وانت قاعد تستهبل بالرسايل مع اخوياك




هذا اول يوم عندي بحمد الله


والمرات القادمه سوف لن يكون هناك الا محاضرات


<----- وش بقيت

[memy]

انت توحفه خارقه

فشلتنا من اول يوم

اقول يبو الشباب تعرف اماكن محاضراتك؟؟

اللى على راسه بطحه يحسس عليها

ضفوا وجيهكم ما فيه دي اس ال لو تطامرون كان ريحونا وما ضيعوا وقتنا..

يعني كلوا سلوفكم


الله يعطيك العافيه ضحكتني

[Undine]

الرسالة الأصلية كتبت بواسطة RPG_master
-5ادخل البيت واشوف خوينا القطو السباح يخزني بعين وامسك الكورة وامزعه بوجهة..ما بقى الا انت تستاء بعد

انا موصيته



ماشالله مبدع

الله يعطيك العافيه شوشه :-)

[RPG_master]

اجل احد ينسى الجدول بالبيت

انا:#

memy :حلوه تحفه خارقه:6

بس ما فهمت سالفه اللون الأحمر ؟!

Undine:انتي ما خليتي احد الا ووصيته علي ذابحتني بكل مكان:"

ويعافيك:-)

[Akasuna No Sasori]

الرسالة الأصلية كتبت بواسطة RPG_master
وندخل الموقع ونجرب الرقم..طبعا ما ابي اطول عليكم انتم عارفين جملة شركتنا بتاعت الأتصالات..لو يعلقون لوحة بأول الموقع مكتوب عليها ضفوا وجيهكم ما فيه دي اس ال لو تطامرون كان ريحونا وما ضيعوا وقتنا..


:[img]

هههههههههههههههههههههههههههههههههه

والله قلت لك :6
بس انت قاعد تقول لا انا متاكد :6

خلي الرقم ينفهكم:-)

اقول قدم على اشتراك اوربت احسن لك مدام مافي dsl هو صح وراءك الفاتوره بس على الاقل هذا سريع الا سوبر سريع

واطلع مره ثانيه اتسكع كالعاده..والقالي ذاك الإعرابي

انا مرسله لك":"


ومشكورين على اليوم السعيد:6 :6

[Arsene Lupin]

الرسالة الأصلية كتبت بواسطة king_kubaj
ما اقول الا من يوم جانا السباح وامورنا مختبصه ..:"

it must be a cursed cat

[العمدا]

هههههههااااى ..
وش ذا الدجه يا اخى

الناس عاده فى اول ايامها تكون ماشيه صح همن تخربها ..
لكن انت خربان من البدايه :6

وندخل الموقع ونجرب الرقم..طبعا ما ابي اطول عليكم انتم عارفين جملة شركتنا بتاعت الأتصالات..لو يعلقون لوحة بأول الموقع مكتوب عليها ضفوا وجيهكم ما فيه دي اس ال لو تطامرون كان ريحونا وما ضيعوا وقتنا..

يا اخى انا قلبى تقطع انت وش صارلك :6

[Akasuna No Sasori]

الرسالة الأصلية كتبت بواسطة king_kubaj
ما اقول الا من يوم جانا السباح وامورنا مختبصه ..:"

طيب مين الى جابه:! :!


وليش اسمه سباح:6 :6