يا شباب تكفون وش اطلق اليوكون ولا الـ VXR ؟

[الرهـــيـــب]

اخوكم محتار وما يدري تكفون ساعدوه


ناس تقولي خذ يوكون اوسع واقوى من الـ VXR

وناس تقول ما بعد الـ VXR جيب


تكفون علموني من اصدق ووش احسن ولو فيه صور للجيبين يكون ازين وبالنسبة للسعر الـ VXR أغلى ليش؟وش الي مخلي سعره أغلى؟


تكفون اخوكم محتار ومحتاج شوركم ?:

[RPG_master]

انا اقول VXR ازين لك..وش تبي بالقوة..بتقاوم ؟!

شكله افضل واليوكون تحس انه اصغر فئه يعني نقص

[راعي اللكزس]

طبعا اليوكون ...

افخم ، واقوى ، واوسع ، واجمل ...

ومن ناحية اخرى ارررررخص واوفر ...

وهذي الله يهديك يا اخوي ما تبي سؤال ...

طبعا يوكون وبس..

[الرهـــيـــب]

ما استفدنا شي


يا


راعي اللكزس

و

RPG_master

واحد يقول اليوكون وواحد يقول الـ VXR


انا ودي واحد مجرب الثنيين يقولي


وشاكر لكم على ردوكم

يا راعي اللكزس

و

RPG_master

[( الزعيم )]

انا بصراحة مجرب الـ VXR ....

وهي مريحة وخدومة و مظهرها روعة ....

و اليوكون جميل ايضا ... ولكن اعتقد ان الـ VXR افضل من ناحية المواصفات كلها ..... عدا القوة .... وهذا شىء لايؤثر ....


تحياتي لك ,,

يعطيك خيرها ويكفيك شرها .....

[راعي الجي تي آر]

والله اليوكون ثقيل
وشكله صغير
فاحسن لك تاخذ الستيشن

[zas]

شف خلني أعلمك موصفات الإثنين :

VXR : الشكل الخارجي أفضل من اليوكون والداخلي أفضل ولا توجد مقارنه

والقوه 300 حصان لليكون

والـVXR ـ250ـ حصان

وأما الخدمات فشركة تويوتا لايعلا عليها من ناحية الفحص الدوري

وأما جي إم سي أقل من تويوتا

وبالنسبه للراحه والفخامه فالـVXR أفضل

والدليل الإمارات: أفضل مكان يشترون جيوب 4X4 وكلهم معهم لاند كروزر

وهذي صوره للجيب موديل 2003 بس أقل نوع بجنوط ولو تشوفه بالوكاله

أحسن بألف مره .

[D0WN~T0WN]

انا مجرب سوبر بان يعني حول اليوكون والصراحة عزمها شديد وماتحس انك مسرع الا اذا قشعت

اما الفخامة فاكيد الفي اكس ار واذا تبي حقت عمر خذ في اكس ار

يعني بالعربي اليوكون ازين في القومة والباقي عادي

[لانــدكــروزر]

نعرف واحد عنده يوكون يقول انا شريته وفرحت فيه شهر شهرين وبعدين كرهته....والسبب ثقله...وقطع غياره...(على حد قوله)
اما الـVXZ انا اضمن لك اشياء كثيره فيه:
صلابة....تحمل....مواصفات....واعتبره شيك باليد...متى ماحبيت تبيعه ماراح تتعطل....على كلام صديق لي يقول انه مايصرف مثل القديم
حتى الـ8 سلندر.


اعطيك مواصفات السيارتين::::::::

(اليوكون)

المحرك: 8 سلندر
عدد الليترات: 5,3 لتر
القوة: 325 حصان

عدد السرعات: 4 سرعات الية
منظومة الدفع: رباعي - خلفي
نظام لتبريد المحرك في حال تعطل وحدة التبريد للمحرك..(يعني مبرد احتياطي)

الطول: 198,8 بوصة
العرض: 78,8 بوصة
الارتفاع: 76,7 - 76,5 بوصة

الوزن: 5050 - 4828 رطل

سعة خزان الوقود: 26 جالون
السعر: 109000 - 120000ريال سعودي

-------------------------------------------------------------------------------
(الاندكروزر)
الـVXZ ليمتد

المحرك: 8 سلندر
عدد الليترات: 4,7
القوة: 250 حصان

مقاعد جلدية - جهاز CD يستوعب 6 اسطوانات في الطبلون
فتحة سقف - مع مقاعد كهربائية وذاكرة ....غير طبعا الثلاجه هذي
معروفه

الدفع: رباعي

الطول: 192,5 بوصه
العرض: 76,4 بوصه
الارتفاع: 112,2 بوصه

وزن السيارة: 6106 - 4960 رطل
سعة خزان الوقود: 37,2 جالون

السعر: 103000 - 140000 ريال سعودي